چاو ده‌به‌خشمه‌  باران

هيوا ميرزايى

 تا بێ‌ ئابرو بێ‌ له‌ ورینا

ده‌نگم ده‌به‌خشمه‌ دره‌خت

تا ببێته‌ خشپه‌ی‌ پێ‌

فێریان ده‌كه‌م ده‌سته‌كانم

خۆیان ببه‌خشنه‌ هه‌تاو

ڕاده‌هێنم وشه‌كانم ، گیان

ببه‌خشنه‌ به‌ رووبار

رۆحم ده‌به‌خشمه‌ تۆ ،

فێری‌ بكه‌  باران له‌ شێعر گه‌وره‌تر

رووبار بۆ هه‌ر كوێ‌ بچێ‌

له‌ ئامێزی‌ چاوی‌ تۆ دا نوقم ده‌بێ‌

دره‌خت هه‌ر چه‌ند باڵایش بكا

ناگاته‌ كه‌ڵه‌گه‌تی‌ روانینی‌ تۆ و

هه‌تاوه‌ هه‌میشه‌ له‌ ئێواره‌ی‌ چاوی‌ تۆدا

ئاوا ده‌بێ‌