گرفتەکانی هاتنەوەی جیاوەبووەکان بۆ نێو حیزبی دێموکراتی کوردستانی ئێران!

 

مەنسوور عەزیزی

داننان بە هەڵەدا، دەتوانێ رێگە چارە بێ بۆ دووپات نەبوونەوە! بە داخەوە لە مێژووی دوور و نزیکی کورددا هەردەم لە نێو بزووتنەوە نەتەوایەتییەکاندا لە ئانوساتێکی تایبەتدا کەسانێ یان پشتیان لە شۆڕش کردووە و وازیان لێهێناوە لەبەر ویست و حەزی تایبەت بە خۆیان و یان ئەوەی کە جگە لەوەی وازیان لێهێناوە، بە دژیشی وەستاونەتەوە و بۆ مانی خۆیان خۆشخزمەتیشیان بە دوژمانی بزووتنەوە رەواو و نەتەوایەتییەکانی کورد کردووە. هەندێکیشیان لەگەڵ ئەوەی لەو بزووتنەوەیە جودابوونەتەوە ، خۆیان بەو ناوە ناودێر کردووە و نەیانویستووە کە پێناسەیەکی نوێ بۆ خەباتی نوێی خۆیان بدۆزنەوە و رێگاو رێبازی نوێ بو نوێکاری و ویستە نوێیەکانی خۆیان دابنێن.

ناڕۆمەوە بەسەر جودابوونەوەکانی پێشووتری نێو ریزەکانی حیزبی دێموکرات و تەنیا وەک وەبیر هێنانەوەش بووبێ، پێویستە ئاماژە بەوە بدەم کە هەموومان لە بیرمانە ، ئەو هاوڕێیانەی لە حیزبی دێموکراتی کوردستانی ئێران جوودا بوونەوە، چەندە پەلەیان بوو سواری ئەو شەپۆلە پڕ لە رقە بن و خولەکێک ووچانیان نەدەدا و لە ژێر ناوی ئوپۆزسیۆن شەو و رۆژان هەوڵی بێوچانیان دەدا کە بە قازانجی تایبەتی خۆیان هەموو پرنسیپە تەشکیلاتی و ئورگانییەکان لە ژێرپێ بنێن و لە ژێر ناووناتۆرەی جودا، بەزم نەبوو نەینێنەوە و دەرگە نەبوو تەقی نەدەن و نەڵێن ئەهای خەڵکینە وەفریامان کەون، فەوتاین!

پەلەکردنەکانی ئەوان لە ئاستێکدا بوو کە پێیانوابوو بە رۆیشتنیان، رێبەریی هەڵبژێردراوی کۆنگرەی سێزدەیەم، کاری پێناکرێ و دوو دەستی، حیزبەکە دەدەنەوە دەستی ئەوان و رۆژ لە نوێ ، رۆزی لە نوێ ، ئەوان خەرمانی وەبەرهاتووی خەبات، شەنوکەو دەکەن و قەوارەی حیزب دەخەنە نێو قەوارەی حەز و قەپاڵی چێژی خۆیانەوە.

کەم نەبوون ئەو هەوڵانەی دران بۆ ئەوەی ئەو هاوڕێیانە نەرۆن و کەم نەبوون ئەو کەس و لایەنانەی کە هەوڵیاندا ئەوان لە نێو حیزبدا بمێننەوە و کاری خۆیان بکەن و کەم نەبوون ئەو داوایانەی کە دەیانەویست ، ئەوان یان ئامادە بن بۆ گرتنی کۆنفرانسی نائاسایی، یان ئەوەی کە چاوەڕێی کۆنگریەکی دیکە بکەن و هەوڵ بدەن کە لەوێدا زۆرینە وەدەست بێننەوە. با لەوانە واز بێنین و بەوەندەوە بوەستین کە لەگەڵ ئەوەی ناڵێین هەموو تاوانەکان لە لای ئەوان بوون، بەڵام تاوانی جودابوونەوەی هێندە خێرا و کیسە هەڵدوورین بۆ ویستی دەسەڵاتخوازی، بێ ئەملاوئەولا هەڵە و سەرپێچیخوازی ئەوان بوو لە بەرانبەر نۆرم و یاسا رێکخراوەییەکانی حیزبدا.

گەلۆ، تۆ بڵێی رۆیشتنی ئاوا سادە و ساکار و بە پەلە، چەندە قازانجی تێدا بووە کە ئێستا هاتنەوەی هێندە خێرا و پڕ بانگەشە خێری تێدا بێ؟! ئایا تا چەندە ئاوەزمەندانەیە ئێستا بمانەوێ باس لەوە بکەین کە حیزبێک تێکەڵ بە حیزبێکی دیکە بێ؟! جاران بە قسەی خۆیان کە ئوپۆزسیۆن بوون، ئێستا حیزبن! ئایا ئەوان دەگەڕێنەوە نێو حیزبی دێموکراتی کوردستانی ئێران، یان حیزبی دێموکراتی کوردستانی ئێران دەبێ ـ بە قسەی ئەوان ـ بچێتەوە نێو حیزبی دێموکراتی کوردستان؟! مەگەر ناڵێن ئەوان بوونەتەوە بە حیزبی دێموکراتی پێش کۆنفرانسی سێهەمی حیزب؟ باشە گەر وایە، بۆ هەنووکە سواڵی ئەوە دەکەن کە کاک موستەفا هیجری بێت و لە گەڵ کاک خالید عەزیزیدا دابنیشێ؟! باشە مەگەر پڕوپاگەندەکانی ئەوان نەبوو کە دەیانگووت: مستەفا هیجری کوردستانی فرۆشت؟ مەگەر ئەوان نین و نەبوون کە بە قسەی خۆیان پاشکۆی ئێرانیان لە ناوی حیزبی دێموکراتی کوردستانی ئێران، هەڵگرت؟

لە تازەترین وتووێژی رێزدار خالید عەزیزیدا لە گەڵ " بی بی سی" ، چەند پرسیاری ئەو مێدیایەو وەڵامەکانی کاک خالید جێگەی تێڕامان و سەرنجی تایبەتن کە من لێرەدا بۆ نووسینی ئەم بابەتە و لەم پێوەندییەدا پێمخۆشە ئاماژەیان پێبدەم:

 

 

بی بی سی:

آقای خالد عزيزی! شما چرا از حزب دمکرات کردستان ايران انشعاب کرديد؟

 

تقريبا سه سال قبل، به علت مشکلات داخلی حزب دمکرات کردستان ايران سابق اين اتفاق افتاد. من می توانم آن را اين طور خلاصه کنم که ما دمکراسی را قبول کرده بوديم و به نظر من دمکراسی را از کشورهای اروپايی کپی کرده بوديم، اما نتوانسته بوديم اين دمکراسی را در داخل حزب دمکرات کردستان ايران سابق به اشکال مختلف در شکل فرهنگی نهادينه کنيم. هرچند اين دمکراسی، آيين نامه های مختلفی را در داخل حزب در چگونگی تنظيم روابط اعضای حزب و موسسات حزبی داشت، اما در يک مرحله نتوانست جوابگوی اين مشکلات داخلی باشد.

درواقع، عدم وجود مکانيسم همکاری و اينکه همه با هم بتوانيم حزب را اداره کنيم، سبب شد اين انشقاق و انشعاب در دفتر حزب دمکرات پيش بيايد.

 

 

کاک خالید لێرەدا هۆکاری ئەوەی کە لە حیزب جوودابۆتەوە دەگەرێنێتەوە بۆ ئەوەی ، دێموکراسی نەهادینە نەکراوە! رێزدار خالید عەزیزی باش دەزانێ کە ئەو و هاوڕێیانی نەیانتوانی ئاکامەکانی کۆنگرەیەکی دێموکراتیک کە خۆیان هەڵسووڕ و بەڕێوەبەری بوون، قەبووڵ بکەن و ئەوان کە دەم لە دێموکراسی دەدەن، هێشتا دێموکراسیی حیزبی بە تەواویش پێداگری نەکردبوو، دەیانەویست جوانەمەرگی بکەن و ملهوڕانە خۆیان ببنەوە بە هەمە کارەی حیزب! ئیدی کاک خالید، باس لە کام دێموکراسی دەکەی لە کاتێکدا جەنابت هەر لە کۆتایی ئەو وەڵامەتدا دێموکراسی لە ژێرپێ دەنێی و دەڵێی لە راستیدا نەبوونی میکانیزمی گونجاو بۆ بەڕێوەبردنی حیزب بە هاوبەشی، بووە هۆی جیابوونەوە؟! گەر باسی دێموکراسییە، کۆنگرە ئاکامەکەی بە قازانجی جەنابت نەبووە! گەر دێموکراتی، ئاکامەکەی قەبووڵ بکە و بیر لە بەشی تابیەت و برابەش مەکەرەوە!

تکایە سەرنج بدەنە وەڵامەکانی دیکەی کە وەڵامی یەکەم، ئەوەی دووەم رەد دەکاتەوە و ئەوەی نێوەڕاست، ئەوانی دیکە لە خشتە دەبات!

کاک خالید لێرەدا شتێک دەڵێ کە زۆر جێی سەرنجە و ئەو تێڕوانینەی من دەسەلمێنێ کە هیوادارم بە وردی چاوی پێدا بخشێنن:

 

 

بی بی سی: یعنی در واقع دليل شما برای انشعاب، مسايل داخلی و تشکيلاتی حزب بود و نه خط مشی سياسی حزب؟

 

علت اين انشقاقی که سه سال قبل در داخل حزب دمکرات کردستان ايران سابق اتفاق افتاد، قطعا اين بود همکاری با همديگر در سطح رهبری و در داخل موسسات حزب عملی نبود.

 

 

کەواتە ، ئەو کاتە کە بە قسەی خۆتان، ناڕازی بوون کە لە ئاستی رێبەریدا نەدەتوانرا هاوکاری بکرێ بۆ بەڕێوەبردنی حیزب، ئێستا کە بە قسەی خۆتان حیزبێکن و کۆنگرەتان گرتووە و لە لە هەندێک بواردا بە ناوی حیزبی دێموکراتەوە هەندێ بڕیاری سەرەڕۆیانەشتان داوە، ئایا پێتانوایە گەر هاتنەوە، ئیدی کێشەکانتان حەل بووە و هەمدیسان کێشەی شەراکەت و بەڕێوەبردنی حیزب لە لاتان زەق نابێتەوە؟ ئایا هەمدیسان وەک ئەوەی مامۆستا جارێک لە پێوەندی لە گەڵ جودابوونەوە لە حیزب گووتی: حیزبی دێموکرات وەک کۆرپەی خۆم وایە، مرۆڤ چۆن کۆرپەی خۆی لەت دەکات، هەمدیس خەنجەری " زولفەقار" لەو کۆرپەیە ناکێشنەوە؟!

خالید عەزیزی باس لەوە دەکا کە پێشتر دێموکراسی نەبوو، ئێستا هەیە، کەچی لە وەڵامی ئەوەی ئایا لە رێبازدا هیچ جیاوازییەکتان هەبوو یان ئێستا هەتانە، کاک خالید دەڵێ: ئێستاش تەنیا هەندێ شتی بچووکمان جیاوازی هەیە! سەیرەکە لێرەدا ئەو هێندە شتە بچووکە کاک خالیدیان ناچار کردووە جودا بێتەوە! نوێکارییەکان ئەو شتە بچووکانەن و نەهادینەکردنی دێموکراسی ،لەوانەدا قەتیس ماوەتەوە! یان دێموکراسی ئەوەیە ئەندامێکی حیزب لە دەرەوەی چواچێوە رێکخراوەییەکاندا لە سەر حیزبەکەی شت بنووسێ و شت بڵێ! ئەمەیە رێبازی نوێکاری کاک خالید و نوێکارییەکانی هاوڕێیانی پێشوومان کە ئاکامەکەی بووە بەوەی لەو بایە بێنە ئەم کایەی کە ئێستا داوای هاتنەوە دەکەن!

کاک خالید راست دەفەرموێ، دوایین پلینۆمی کۆمیتەی ناوەندییان و دیاریکردنی راوێژکارەکانیان کە ئەو هەموو هەڵایەی لێبۆوە لە نێو خۆیاندا و خۆ ئامادەکردنیان بۆ تاقم و تاقمبازی لە کۆنگرەی داهاتوویاندا، ئاوێنەی باڵانوێنی ئەو ویستانەن کە ئەوان دەیانەوێ نەهادینەیان بکەن!

 

بی بی سی:

 

شما "ايران" را از آخر اسم حزب خود برداشته ايد و اسم حزب را گذاشته ايد حزب دمکرات کردستان. منظورتان چيست؟ آيا منظورتان اين است که اين حزب، حزبی است برای همه کردهای عالم؟

 

خالید عەزیزی:

سال 1945 که حزب دمکرات کردستان تاسيس شد، تا چند سال بعد همان اسم را داشت منتهی فعاليتش در چارچوب ايران بود. حتی قاضی محمد، رهبر وقت حزب دمکرات کردستان آن موقع هم سعی کرد که با رهبران ايران در تهران به توافقی برسد که مشکلات کردستان را در داخل ايران حل کند.

 

مساله اسم حزب دمکرات کردستان، هيچ وقت به معنی اين نيست که ما بخشی از ايران نيستيم. ما دوباره روی متمرکز شدن فعاليت خود در داخل ايران تاکيد کرده ايم. حوزه فعاليت سياسی ما ايران است، ما حل مساله کرد را در داخل ايران می بينيم. بنابراين حزب دمکرات کردستان، به لحاظ هويت ملی اش، يک حزب کردستانی و به لحاظ سياسی – جغرافيايی يک حزب ايرانی است. حوزه و محدوده فعاليت ما کردستان عراق، کردستان ترکيه و يا کردستان سوريه نيست. محدوده و حوزه فعاليت ما ايران است.

 

بی بی سی:

من هنوز متوجه نشده ام. خب چه لزومی دارد که شما "ايران" را از روی اسم حزب خود برداريد؛ اگر آن طور که شما توضيح می دهيد تمام فعاليت اين حزب در چارچوب ايران است و برای کردهای ايران؟

 

اين فقط يک وجه تمايز بين ما و رفقای سابقمان بوده است. آنها که اسمشان حزب دمکرات کردستان ايران است و اسم ما حزب دمکرات کردستان. هيچ ربطی به برنامه و استراتژی حزب دمکرات کردستان ندارد. فقط يک وجه تمايز است که مردم در داخل و خارج از ايران اين دو حزب را اشتباه نگيرند.

 

 

لێرەدایە کە رووی قسەی من لەو هاوڕێیانەیە کە شەو و رۆژ لە پاش جوودابوونەوە، دەیانگووت: ئێمە دەبێ بەرەو کوردستانیبوونی زیاتر بڕۆین و ئێمە کوردستانین و حیزبی دێموکراتی کوردستانی ئێران، ئێرانچێتی دەکا و ناوی ئێران لە سەر خۆی لانابات! ئایا هاورێیانی ئازیز ئێستا وەڵامتان چییە کاتێک دەبینن و دەبیسن کە نەفەری یەکەمی رێکخراوەکەتان لە کاتێکدا بە هەندێک پرسیاری سادە و ساکاری بەرێوەبەری بەرنامە پرسیارپێچ دەبێ و بە روونی دان بەوەدا دەنێ کە بابە ئێمە هەر هەمان ناوی حیزبی دێموکراتی کوردستانی ئێرانمان هەیە و تەنیا بۆ ئەوەی بەوان بڵێین کە ئێمە لە ئێوە جووداین ئێرانەکەمان لابردووە، وامان کردووە؟! ئەمە بوو هەموو کوردستانی بوونەکەتان!؟

لە درێژەی ئەو وتووێژەدا، بەرێوەبەری بەرنامە وەک ئەوەی گاڵتە بکات، دەڵێ:

 

آقای عزيزی، در کل خواسته شما چيست؟ برای چی شما داريد مبارزه می کنيد؟ چه می خواهيد؟

خالید عەزیزی:

 

خواسته ما اين است که ايران به صورت فدرال اداره شود. ما يک ايران دمکراتيک فدرال داشته باشيم. قدرت سياسی، اقتصادی، نظامی و قانونی در تهران متمرکز نشود. بقيه ملت های ايران در چگونگی شکل گيری ايران، تشکيل دولت ايران و تثبيت هويت ايران ذينفع باشند. ما اين برنامه فدراليسم را در کنگره چهاردهم حزب دمکرات کردستان قبول کرديم و سعی می کنيم که اين فرهنگ را در ايران شکل بدهيم و نهادينه بکنيم که اگر ما می خواهيم در ايران ثبات و امنيت سياسی داشته باشيم، بايد دمکراسی وجود داشته باشد و در اين دمکراسی بايد به تنوعات سياسی، فرهنگی، ملی و مذهبی ايران اعتراف شود. موقعی که اين اعتراف شد، می توانيم همه با هم ايران را اداره بکنيم.

 

اگر بخواهم خلاصه بگويم، برنامه فدراليسم برای ايران است که در آن ملت های مختلف در چارچوب يک ايران فدرال حقوق ملی و فرهنگی خود را دارند و در تهران در چگونگی ادراه کشور ايران ذينفع هستند.

 

موو بە موو، خاڵ بە خاڵ ویستەکانی حیزبی دێموکراتی کوردستانی ئێرانن لە کۆنگرەی سێزدەوە تا هەنووکە! تازە کاک خالید دەڵێ: ئێمە ئەم بەرنامەیەی فیدرالیزممان لە کۆنگرەی چواردەوە قەبووڵ کردووە!!!!

لە پێوەندی لەگەڵ وتووێژەکانیشدا لە گەڵ رێژیمی کۆماری ئیسلامی ئێران، کاک خالید عەزیزی و حیزبەکەی رەوتێکی هەرزانفرۆشییان لە سەر دۆزی کورد دایە پێش و بە زوویی کەوتنە خۆ بۆ ئەوەی مووسەوی و وادە و بەڵێنییە پەڕاوییەکانی کەڕووبی ئەمانیش لە خۆ بگرێ و پێیان بڵێن کە ئێمە ئێوەمان قەبووڵە و ئەوەندەمان ئیزن بدەن بگەڕێینەوە ئێران و لە چوارچێوەی یاسای بنەڕەتی وڵاتدا کاروچالاکی خۆمان بکەین! کەچی ئەوەیان بۆ روون بۆوە ئەسڵێک لە یاسای بنەڕەتی وڵات کە داڕێژراوە، گەر رێژیم خۆی بیەوێ، جێبەجێی دەکات و ئیدی ئەوانیشی ناوێ ،بێت و لە گەڵیان لەو سەر ئەو خاڵانە بکەوێتە وتووێژەوە!

پاش ئەوە کە کاک خالید زانی چی هەڵەیەکی گەورەی کردووە، ئێستا بە هەرشێوەیەک هەوڵ دەدا، ناتوانێ پاساوی ئەو هەڵانە بداتەوە! ئێستا هەست دەکەم کاک خالید بۆی روون بۆتەوە کە کۆمەڵگەی ئێستای ئێران و گۆڕەپانی سیاسی ئەو وڵاتە، وڵاتی تورکیە نییە و خەباتی دێبلوماسی و پارلەمانی لەو دوو وڵاتەدا، لە گەڵ یەکدی جیاوازن!

لە هەموو شتێ سەیر و سەمەرتر، ئەوەیە ، کاک خالید لە کاتێکدا کە خەریکە موچبەندی سەوز لەدەستی دەکا، چاوی بڕێوەتە دانیشتن و دەست دانەکانی لە گەڵ بنیامین ناتانیاهو و کۆلکە زێڕینەی بیرۆکە ئەفسووناوییە سیاسییەکانی لە بازنەیەکی داخراودا دەکێزی و دەیەوێ کەرە و دۆی ترشی لێبگرێ!

بە گشتی دەمەوێ بڵێم کە ئەم وتووێژە و وتووێژەکانی دیکەی کاک خالید و هەنگاوە خێرا و ئاڵۆزەکانی، هێندە پارادۆکسیان تێدایە کە زۆر بە سانایی دیارە چەندە دەتوانێ لە درێژخایەندا باڵانسی سیاسی حیزبەکەی تێکبدا و لەوە ئاڵۆزتری بکات کە ئێستا هەیە!

لە ماڵپەڕەکانی نزیک لەو جیاوەبووانە، زیاتر باس لەوە دەکرێ کە هەردوو باڵی حیزب بۆیان دەرکەوتووە ، ناتوانن سەرکەوتوو بن گەر نەبنەوە بە یەک حیزب! هەر ئەو سایتانە سەردەمانێک باسیان لە گەندەڵی و نەتەوەیی نەبوون و کورد نەبوونی ڕێبەرایەتی کۆنگرەی سێزدەیەمی حیزبی دێموکراتی کوردستانی ئێران، دەکرد!

ئەوان ئێستاش نایانەوێ دان بەوەدا بنێن کە حیزبی دێموکراتی کوردستانی ئێران یەک حیزبە و دوو نییە! ئەوە لە کاتێکدایە کە کاک خالید لەسەرەوەدا لە وەڵامی "بی بی سی" دا دەڵێ، ئێرانەکەمان تەنیا بۆ ئەوە لابردووە، لەوان جوودا بین و بناسرێین! ئەوان ئێستاش نایانەوێ ئەوە قەبووڵ بکەن کە ئەو داوایەی حیزبی دێموکراتی کوردستانی ئێران، رەوا بووە و رەوایە کە بەوانی دەگووت: ناوەکەتان بگۆڕن بۆ ئەوەی بتوانین لە یەک رێڕەودا پێکەوە کار بکەین و هەوڵیش بدەین لە داهاتوودا لە ژێر یەک رێبەرایەتی و لە چوارچێوەی یەک حیزبدا پێکەوە کار بکەینەوە!

ئێستا کە باس لە ـ بە قسەی هەندێک کەس ـ یەکگرتنەوە، دەکرێ و بە قسەی هەندێکی دیکە، هاتنەوەی لادەران و بە قسەی هەندێکی دیکە ، هاتنەوەی جەماعەتی مەلا حەسەن و ...هتد، ئایا ئەو ئاکامە واشی دابنێین، سبەی وەدەست بێ، درووستە؟!

ئایا برینێک کە چەند جارە لە جەستەی ئەو حیزبە دەکەوێ و دەیان ساڵە ئاشنایە پێی، هەروا بە سانایی دەرمان دەکرێ؟ مەگەر هەر مامۆستا عەبدوڵا نییە کە پێش لە هاتنەوەی هاوڕێیانی پێشتر جیاوەبوو لە حیزب، لە شوێنێکدا دەڵێ: ئەو هاتنەوەیە دەبێ وا بێ کە چیدیکە ، هیچ کەسێک نەتوانێ پاش ئەوەی لە کۆنگرەیەکدا دەنگی نەهێنایەوە، دە کەس وەپاڵ خۆی بدات و بڵێ من حیزبی دێموکراتی کوردستانم؟! ئەی باشە هەر خوودی مامۆستا وای نەکرد و ـ بە قسەی خۆی ـ کۆرپەکەی خۆی لەت نەکرد و بیری لە کورسی نەکردەوە و...هتد؟!

وای دابنێین کە لایەنی رۆیشتوو ئێستا بە تەواوی کۆکە لەسەر ئەوەی بێتەوە، ئەی باشە خۆ دەبێ هەندێکیش کات بدرێ بە رێبەری حیزبی دایک کە بیر بکەنەوە و باش لێبکۆڵنەوە و وردەکارییەکان وەپێشچاو بگرن بۆ داهاتووی دووپاتنەبوونەوەی ئەو رووداوە تاڵانە لە حیزبدا! مەڵێن نا شتی وانییە و...هتد! ئەی ئەوە نییە ئێوە هاتوون و هەر لە بەر دەرگەی ئەو رێبەرییەدا تکا دەکەن و داوای دەرمان دەکەن بۆ ئەو برینانەی کە کۆمەڵێک ناشارەزا و بەرژەوەندیخواز لە جەستەی بزووتنەوەی نەتەوەیی کوردیان خستووە لە رۆژهەڵاتی کوردستان؟! ئەو حیزبە و رێبەرایەتی ئەو حیزبە، بەرپرسن و پێویستیشە بەرپرسانەش لەو پێوەندییەدا بجوڵێنەوە و هیچ پێویست ناکات کاتێک سۆزی من یان تۆ یان ئەوی تاک، جوڵا، ئەوان ستراتیژی و سیاسەتی تاکتیکی خۆیان بگۆڕن و حیزب بکەنە شاریکی بێ دەروپەیکەر. لە حیزبی ئێمەدا دەرفەت و ئیزن و ئازادی ئەوە هەبووە کە ئەندام بۆچوون و رەخنە و پێشنیارە سیاسییەکانی خۆی بۆ ئورگانەکانی سەرەوە بنێرێ و رێبەریی خۆی بۆ ئەنجامدانی هەندێک شت هان بدا و پاڵپشتی بکا و لە ئەنجامدانی هەندێک شتیشدا رەخنەی لێبگرێ و گلە و گازەندەشی ئاراستە بکات.

من وەک تاکێکی ئەندام لە حیزبی دێموکراتی کوردستانی ئێران، بە پێچەوانەی هەندێ هەست و سۆزی خێرا و بێ لێکدانەوە، داوای خۆم روو لە رێبەرایەتی حیزبەکەم ئاوا دێنمە زمان:

وەک فارسەکان دەڵێن: آزمودە را آزمودن ، خطاست! تکام ئەوەیە بە پێچەوانەی سەردەمانی سکرتێربوونی مامۆستا، ئێوە تەنیا هەوڵی هاتنەوەی ئەوانە مەدەن لەبەر ئەوەی کە بڵێن ئافەرین چی رێبەرانێکی بەوەج و نەتەوەیی بوون! تکایە بە وردی هاتنەوەی پیشووتر و جیابوونەوەکان ، هەڵسەنگێننەوە و بە چاوێکی رەخنەگرانەوە هەم لە کاردانەوەی حیزب لە بەرانبەر ئەواندا بڕوانن و هەم لە ئاکامی ئەو جیابوونەوانە و زیانەکانیان و زیانەکانی دووبارەیان لە ئاکامی هاتنەوە و دووبارە رۆیشتنەوەیان، یان هەرگیز نەهاتنەوەیان، یان بەرژەوەندییەکان و ئاستی ئەو بەرژوەندییانە لە ئاستی نەتەوەیی، نێوخۆیی، ناوچەیی و جیهانیدا ، ورد ببنەوە و ئەمجارە گەر کاتی زیاتریش پێویستە، ئەو کاتە بە کار بێنن بۆ ئەوەی گەر هاتنەوەیەک هەیە ، لەسەر هەندێک خاڵی زانستی و بنەڕەتی بێ، نەک ببێتە قەرەداشارکێی سیاسی و رۆژانەی ئەوانەی کە دەنگ ناهێننەوە لە کۆنگرەکاندا و جیا دەبنەوە و داوای بەشە ماڵ دەکەن و...هتد!

هەروەک هەموو لایەک ، چی ئەوانەی کە جیابوونەتەوە و چی ئەوانەی کە ئەندامان و لایەنگرانی حیزبن و چی خەڵکی دیکە ، داوا لە حیزبی دێموکرات دەکەن کە ئەوانە وەرگرێتەوە و هاوکارییان بکات، منیش بە نۆرەی خۆم لەو باوەڕەدام کە ماڵی کورد هەوڵ بدرێ یەک بخرێتەوە و پێشموایە حیزبی دێموکراتی کوردستانی ئێران ئەو توانایەی هەیە کە ئەو هەنگاوە گەورەیە هەڵێنێتەوە و رێبەریی بکات، بەڵام لە هەمانکاتدا نابێ پرنسیپە هەمیشەییەکانی حیزبی دێموکراتمان لە بیر بچێ و پێویستە ئەو حیزبە کە پەروەردەبووی ئاکامی خەباتی دەیان ساڵەی نەتەوەیەکە و قاڵی مەیدانی خەبات بووە، جارێکی دیکە خەڵکانێک لە خۆ نەگرێتەوە کە هەر کات پێیانخۆش بوو قازانجە نەتەوەیی و حیزبییەکان وەژێرپێ بخەن و هەرکات ویستیان بڕۆن و کەی ویستیان، بگەڕێنەوە!