پێشمەرگە، لە شانۆی ملوانكەدا
مرۆڤكوژە
!
رەزا ئەمینی ـ كۆیە
ملوانكە
كە شەوی 26ی سەرماوەز لە كوردكانال بڵاو بۆوە، لە چەندین
رەهەندەوە رەخنە هەڵگرەو دیالۆگی لاواز بەسەری دا زالە.
لە بواری تكنیكیو پسپۆری فیلمسازێوە هەژارە.
ئەو بەرهەمە كە لە ژێر ناوی ملوانكەدا وەبەرهێنراوە ، بە
ئیلهامێكی زۆر سەیرو سەمەرە هاتۆتە سەر شانۆ. گوولەیەك
بە پەتكێكەوە كراوە، بینەر بە شوین خۆی دا پەلكێش دەكا،
كەس نازانێ دەیهەوێ چیمان پێبڵێت؟! كاتێك لە ناو سۆزو
هەستی شانۆكەدا ون دەبی، بەردەوام دەخوازی ئەو
ملوانكەیە فەلسەفەیەكی ئەرێنی ، بنوێنێ
.
بە روونی دیارە ئیلهامی ئەو شانۆیە لە فیلمی ئێرانی
سفر بە چزابە كە بەرهەمێكی سینەمای بەسیجی ئێرانە
وەرگیراوە ،بەو جیاوازییە لە باتی ملوانكەی گوولە،
پلاكی پاسدارێك ئیلهامی فیلمە بەسیجییەكەیە.
بەخشەندەی ملوانكەكە بە كچەكە دەلێ: "دیاری شوان
ئاڵەكۆكە" واتە دیاری پێشمەرگە گوولەیە!!!
ئەو شانۆیە كە بە زمانی ئینگلیسیش وەرگێردراوە، ئەگەر
بینەری غەیرە كورد خەباتی پێشمەرگەی كوردستان دەرك
نەكا، رێك وەك مرۆڤكوژێك سەیری پێشمەرگە دەكا. چوونكە
دیارییەكە ئەوە دەسەلمینێت. كە دژبەرانی مافی
نەتەوایەتی كورد پێشمەرگە بە ئەوینداری خوێنرشتن ،
سەربرینو كارەساتی لەو چەشنە دەناسێنن.لە حالیكدا دەكرا
لە هیمایەكی سیاسی وەك ئارمی حیزب، بەرنامەو پێرەوی
حیزب،وێنەی شەهید یا هەر شتێكی رەوایەت لە بابەتێكی
شیاو بكا بۆ ملوانكەكە كەلك وەرگیرابایە.
لەو جێگەدا، كچەكە لە گەڵ پێشمەرگەكە دەدوێ دیالۆگێكی نا
واقعی دەكرێ. بە لای بینەر سەیرە كە پێشمەرگە بە كچە
شۆرشگێریكی كورد بێژێ :" تۆ هەر كە نان دەدەی بە
پێشمەرگە خەباتكاری" دیالۆگی پێشمەرگە لە كاتی
رووبەرووبوونەوەی لە گەڵ خەلك لەو چەشنە ئاخافتنە گەلێك
دوورە .كچەكە كە داوای دیاری دەكا ملوانكەكەی
پێدەبخشرێ روون نییە، كام مەبەست لە پشت ئەو دیارییەیە!
ئایا ئەو ئاشقی پێشمەرگەو خەباتی نەتەوەكەیەتی؟ یا
مەبەستی دلداری كردنە؟ لام وایە بە تەنیا مەسەلەی
دلداری كردن بێ كە وا دەنوێنێت، تەواو بزووتنەوەی ژنی
كورد دەخاتە ژێر پرسیار چوونكە تەفسیری لەو چەشنە سەرانی
كۆماری ئیسلامی بانگەشەی بۆ دەكەنو زیندوو بوونی
بزووتنەوەی ژنانی كوردستانو بەشدارییان لە شۆرشی
نەتەوایەتی كوردستان ئەم سیاسەتەی
پووچەڵكردۆتەوە.نووسەری شانۆكە دەلێی ئاگای لە
مەحموودی بێزەواد نییە هەر نازانێ خەباتی ژنان لە كام
ئاست دایە. رۆڵی ئەو هێزە بزوێنەری نازانم چۆن لە بیر
كردووە؟!
لە چەند توێی شانۆكەدا هێزی ئاكتیوی بزووتنەوەی كورد
واتە پێشمەرگەو كۆنتاكتی بە جەماوەرو ریكخستنیان بۆ بە
گژداچوونەوەی ملهوری هێزێكی دەستەوەستانە،چپەی پێی
پێشمەرگە لە كوێرە گووندەكانە، لە جەرگەی شارەكاندا
پێشمەرگە نامۆیەو رەنگدانەوەی هەلوێستی نەتەوایەتی ئەو
هێزە چەكدارە لە دەرەوەی سنوورەكانی كوردستان لە
شانۆكەدا حاشای لێكراوە؟ ئەم چەواشەكارییە بۆ؟!
پییەسنووسی شانۆكە دەبوو ئاورێكی سەرپێیی لە خەباتی
پێشمەرگە لە ناو شارەكاندابایەوە، چوونكە ئەگەر سەیریكی
خەباتی چەكداری لە سەرەتاكانێوە تا لوتكە بكەین دەركی
دەكەین كە هێزی پێشمەرگە پێوەندی رێكخراوەیی قایمو
قۆڵی بە كۆمەڵانی خەلكەوە هەبووە.بە تایبەتی لە
شارەكانی كوردستان پەیوەندی بەربڵاو هەبووە لە هەلو
مەرجی هەنووكەیشدا بە سرنج خستنە سەر چالاكی ئەندامانو
لایەنگرانی حیزب تەنانەت لە زانكۆو شارە غەیریە
كوردیەكانیش ئەو پەیوەندییە لەو پەڕی خۆیدایە بابەتێك كە
ملوانكە خۆی لە قەرەی نەداوە .بۆ؟! بینەری كورد متمانە
بەو شانۆیە ناكا. بەلام بینەری بیانی كە شارەزای
خەباتی میللی دیموكراتیكی گەلی كورد نەبێ بە بینینی
ئەو شانۆیە زوو قسەی كۆمەلێك رووناكبیر نوێنی دەچێتە ناو
گوێی كە دەلین:" پێشمەرگە عوونسۆریكی لادێییەو لە شاخ
خەبات دەكاو نفووزی بەر تەسكە" ئەوەش تەواو دژبەری
راستیەكانە.
لەو شانۆیەدا هێزی پێشمەرگەی لە بواری لوجستیكێوە، لە
بەراوەرد لە تەك هێزی داگیركەردا گەلێك پۆشتەو
پەرداخترە. بە چەكو تەقەمەنی باشترەوەە تەیارە.
چەكدارەكانی رژیم تەنانەت چەكو تەقەمەنی وەك
پێشمەرگەیان لە بەر دەست دا نییە. هەرچی پێشمەرگە هەیەتی
وەك ئارپی چیو بیكەیسیو تفەنگو تاقمی باش هەمووی
روو كراوە. بەلام هێزی زۆری رژیمو میلیتاریزەبوونی
كوردستان پەردەیەكی ئەستووری بەسەر دادراوە.كاتیوشاباران
،تۆپباران ،خۆمپارەباران ،هیلكۆپتەری شەركەرو دەیان
كەرەسەی سەركوتكردنی پێشمەرگە لە ناو شانۆكەدا غایبن!!!
بە راستی بینەری بیانی كاتێك هێزەكانی كۆماری
ئیسلامی بەو وەزعەوە دەبینێتو هێرشی پێشمەرگە بۆ سەریان
دەبینێ. لە باتی پێشمەرگە تەحسین بكا رقی لێیدەبێتەوە
بە داخەوە ئەو بەشە لە شانۆكە تەواو زەقیش كراوەتەوە كە
خێرێكی بۆ بزووتنەوەی كورد تێدانییە.
هیوا دارم وەبەرهێنەرانی ئەو شانۆیە لە نیشاندانی
شانۆكەیان بە كۆرو كۆمەلەكانی نێو نەتەوەیی پێداچوونەوە
بكەنو بە سانایی تاو نەدەنە گابەردێك كە بە دەر لە
توانایانە.بەو هیوایە دەستێكی ناپاك لە پشت شانۆكەدا
نەبووبێ.
