بەیاننامەی هاوبەش سەبارەت بە بڕیاری داخستنی
D.T.P
رۆژی
هەینی، رێكەوتی 11-12-،2009 دادگای یاسای بنەڕەتیی
توركیە بڕیاری داخستنی پارتی كۆمەڵگای دێموكراتی
توركیە
(D.T.P)
ی بە
تومەتی هاوكاری لەگەڵ ترۆریزم دەركردو هاوكات ئەحمەد
تورك، سەرۆكی ئەو حیزبەو "ایسل توغلوو"و 37 كەس لە
كەسایەتییەكانی
D.T.Pی
بۆ ماوەی 5 ساڵ كاری سیاسیو ئەندامەتی لە هەر
حیزبێكی سیاسیی توركیەیان لێ قەدەغە كرا.
بڕیاری ئەو دادگایەی توركیە لە كاتێكدا دەردەچێ كە لە
ماوەیەك لەوە پێشەوە لە لایەن حكوومەتی توركیەوە رەوتێك
بۆ دابینكردنی هێندێك لە مافە سەرەتایییەكانی گەلی
كورد دەستی پێ كردبووو چاوەڕوان دەكرا درێژەی ئەو
رەوتە بە سەرئەنجامێكی باش بە قازانجی كوردەكانی
كوردستانی توركیەو وڵاتی توركیە بە گشتی تەواو بێ،
بەڵام بێگومان ئەم بڕیارە دەتوانێ كوسپێك لە سەر رێگای
بەرەوپێشچوونی رەوتەكە دابنێ بە چەشنێك كە هەر ئێستا
بۆەتە هۆی ئاڵوزیو بشێوی زیاتر لەم وڵاتەدا.
ئێمە، وێڕای مەحكوومكردنی حوكمی داسەپاوی دادگای
یاسای بنەڕەتیی توركیە بە سەر
D.T.Pدا
هیواداری دەردەبڕین سەرەڕای ئەمەش رەوتی كرانەوەی
دێموكراسی بە رووی كورددا بەردەوامو بەئاكام بێ.
هەروەها هیوادارین كە خوشكو برا كوردەكانو دەوڵەتی
توركیە بتوانن بە هاوكاریی زیاتر لە رێگای تێپەڕبون بە
سەر ئەم ئاستەنگەدا، یارمەتیدەری بەرەوپێشچوونی
هەنگاوەكانی پرۆسەی سیاسیو دێموكراتی لەو وڵاتەدا بن.
حیزبی دێموكراتی كوردستانی ئێران
كۆمەڵەی شۆرشگێری زەحمەتكێشانی كوردستانی ئێران
سازمانی خەباتی كوردستانی ئێران
پارتی ئازادیی كوردستان
14 – 12- 2009
