هەڵە
  • JFolder::create: Could not create directory

یادێك لە شەهیدانی رێبەرایەتیی حیزبی دێموكراتی كوردستانی ئێران

چاپکردن

hiwa_-_nagada_2لە مانگی سەرماوەزدا شەهید دوكتور قاسملوو: گەلێك ئازادی بوێ دەبێ نرخی ئەو ئازادیش بدا.

بناغەكانی خەباتگێڕی و شۆڕشگێڕیی حیزبی دێموكراتی كوردستان لە 25ی گەڵاوێژی 1324ی هەتاوی لە لایەن پێشەوا قازی محەممەد و هاورێیانی خەباتكاری دارێژرا و ئەم حیزبە بە درێژایی تەمەنی پڕ لە شانازیی خۆی كارنامەیەكی پڕ لە سەروەری بۆ خۆی و نەتەوەی كورد تۆمار كردووە.یەكێك لە فاكتە جیاكەرەوەكانی ئەم حیزبە لەگەڵ بەشێكی زۆری حیزبەكانی دیكەی ناوچە، شۆڕ بوونەوەی گیانی لەخۆبردووی یەك بە یەكی ئەندامانی ئەم حیزبەیە لە نێو خەباتەكەیدا، بە واتایەكی دیكە چ لە سەردەمی كۆمار و چ لە ساڵەكانی 46ـ47 و چ لە دوای هاتنە سەركاری كۆماری ئیسلامی و خەباتی ئاشكرا و بەرنگاریی قارەمانانەی ئەم حیزبە لە خاك و خەڵكی نەتەوەكەمان لە كوردستانی ئێران، ئەندامی حیزبی دێموكرات بە بێ‌ لە بەرچاو گرتنی پلە و پایەی حیزبی بە شێوەیەكی یەكگرتوو بەرپەرچی هێرشی دوژمنانیان داوەتەوە و لەم پێناوەشدا زیاتر لە 40 ئەندامی رێبەریی حیزبی دێموكرات گیانی خۆیان فیدایی ئامانجەكان و رێبازی حیزب و نەتەوەكەیان كردووە كە قازی و قاسملوو و شەرەفكەندی سێ ئەستێرەی پڕشنگداری ئەم شەهیدانەن.

 

hiwa__m_-_shahidan_2

 

مانگی سەرماوەز، لە رۆژژمێری خەڵكی كوردستان تایبەتمەندیەكی بەرچاوی هەیە و ئەویش رێزگرتنە لەو رۆڵە خۆنەویست و گەل¬ویستانەی نیشتمانەكەمان، كەسانێك كە بە باوەرێكی پتەو و هێزێكی پوڵایین هاتنە گۆڕەپانی خەباتەوە و بە بێ هیچ چاوەڕوانییەك و وەرگرتنی هیچ پاداشێك ئامادە بوون خۆشەویست ترین سەرمایەی ژیانیان كە گیانیانە فیدای رزگاریی نیشتمانەكەیان بكەن. پێشمەرگایەتی وخەباتگێڕی لە نێو حیزبی دێموكراتدا تەنیا تایبەت نەبوو بە بەدەنە و كادرەكانی ئەم حیزبە، بەڵكوو لە ئاستی هەربەرزی حیزبیشدا و رێبەریی ئەم حیزبە بەردەوام لە سەنگەری بەرخۆداندا فیداكاری و قارەمانیان نواندووە كە لێرەدا هێما بۆ چوار رێبەری شەهید دەكەین كە لەم مانگەدا شەهید بوون، بەڵام دوای شەهیدبوونیان نە تەنیا یاد و بیرەوەرییەكانیان لە دڵی شۆڕشگێڕانی دێموكراتدا لەبیر نەكرا بەڵكوو رێبازی پڕ لە سەروەرییان دینەمۆی خەباتێكە كە تا گەیشتن بە رزگاری و ئازادی هیچكات دانامركێ. شەهید سەروان ئەحمەد جاویدفەڕ ناسراو بە كاك هەژار خەڵكی مەهاباد و فەرماندەی هێزی پێشەوا و ئەندامی كومیتەی ناوەندی كە پێشتر ئەفسەری ئەرتەش بووە، وەك فەرماندەیەكی لێهاتوو لە نێو حیزبدا ناوی دەركرد و پاش چەندین جار بریندار بوون لە شەڕێكی قارەمانانە لەناوچەی بانە لە رێكەوتی 22\9\1360 شەهید كرا، جێی ئاماژەیە كە كاك هەژار یەكێك بوو لە رێكخەرانی گیرانی پادگانی مەهاباد لە ساڵی 1357ی هەتاوی. شەهید كەماڵ دەباغی، خەڵكی مەهاباد و ئەندامی كومیتەی ناوەندی و بەرپرسی كومیتە شارستانی كرماشان لە مەئموریەتێكی تەشكیلاتی لە شاری كرماشان گیراو و پاش خۆڕاگری لە بەرامبەر ئەشكنجە و ئازاری درێژ خایەن، لە رێكەوتی 4\9\1364 لە لایەن كۆماری ئیسلامییەوە ئیعدام كرا، خۆڕاگرییەكانی نابراو وای كرد كە وەك نموونەی خۆڕاگیری لە زینداندا لە ناوی دەركرد. ناوبراو پێشتر لە كرماشان مامۆستای دواناوەندی بوو.

hiwa__m_-_shahidan_3شەهید مەنسوور فەتاحی ناسراو بە مەنسوور رەشەهەورامی، خەڵكی گوندی كەڕاوای شاری مەریوان، كەسایەتێكی هەڵكەوتوو و خۆشناوی ریزەكانی حیزب و خۆشەویستی ناوچەكانی مەریوان و ئەندامی پێشووی كومیتەی ناوەندی و بەرپرسی كومیتە هەورامان، رێكەوتی 17\9\1376 لە پیلانێكی ناجوانمێرانە لە دەرەوازەی شاری كۆیەی كوردستانی عێراق بە دەستی دەستوپێوەندیەكانی كۆماری ئیسلامی لە كوردستانی عێراقدا شەهید كرا. شایانی باسە برایەكی دیكەی شەهیدی حیزبی دێموكراتی كوردستانی ئێرانە. شەهید مەنسوور ناسری خەڵكی گوندی"حوسین ئاوا"ی شاری سنە، ئەندامی جێگری كومیتەی ناوەندی و بەرپرسی مەقەڕی حیزب لە شاری سلێمانی لە رێكەوتی 17\9\1376 لە پیلانێكی ناجوانمێرانە دا هاوڕێ لەگەڵ شەهیدان مەنسوور فەتاحی، ساماڵ ئیسماییل زادە، رەفعەت حوسینی، یەدوڵڵا شیرین سوخەن لە دەرەوازەی شاری كۆیەی كوردستانی عێراق بە دەستی دەستوپێوەندیەكانی كۆماری ئیسلامی لە كوردستانی عێراقدا شەهید كرا. ئەم شەهیدانە نموونەیەك لە دەیان شەهیدی رێبەری حیزبی دێموكراتی كوردستانی ئێرانن كە پێش لە شەهیدبوونیان ماندوونەناسانە بۆ وەدیهێنانی مافەكانی كورد هەوڵیان داوە و بە دڵ ئاوەڵاییەوە وازیان لە پلە و پێگەی پێشووی خۆیان هێناوە و ژیانی شاخ و خەبات و تێكۆشانیان هەڵبژارد، ژیانێك كە پڕە لە كەند و كۆسپ. ئەوان بۆ ژیانێك شیاوی مرۆڤ و بەتایبەت مرۆڤی كورد هەوڵیاندا. شەهیدبوونی ئەوان دیسانەوە ئەو راستییەی سەلماند كە لە نێو حیزبی دێموكراتدا رێبەر بوون تەنیا بۆ خزمەتی زیاتر و فیداكاریی زیاترە و ئەمەیشیان بە فیداكردنی گیانی خۆیان سەلماند و بوون بە رەمز و سیمبۆلی خەباتی پڕ لە سەرەوەریی حیزبی دێموكراتی كوردستانی ئێران و نەتەوەی كورد لە كوردستانی ئێران.

 

ناردن بۆ تۆڕه‌ کۆمه‌ڵایه‌تی‌یه‌کان