هەڵە
  • JFolder::create: Could not create directory

جوابەکەتان زۆر ڕەواو و وردبینانەبوو، دڵسۆزانی ڕاستەقینە (بەشی یەکەم)

چاپکردن

xalid_xorinji_1_wlam_2 ڕەوابیتێکی سالم و دۆستایەتێکی پاک و بێ گرێو گۆڵ کەلەناخی دڵ و دەرونی کەسێکەوە بەرامبەر بەکەسێکی ترەوە، یا خۆ لەدەوڵەتێکەوە بەرامبەر بەدەوڵەتێکی دیکەوە، یان لەحیزب و سازمانێکەوە بەرامبەر بەوی ترەوە سەرچاوەبگرێ و هیچ نیازو مەبەستێکی زەنگاوی لەپشتی پەردەوە خۆیان مەڵاس نەدابێ کە لەکات و ساتی لەباردا لەلایەن فرسەتتەڵەبانەوەکەڵکیان لێوەربگیرێ و زیان بەلایەنی دیکە بگەیەنێ ، بەڕاستی شتێکی جوانەو هەرکەسێکی خاوەن ئەقڵ و مەنتق و خاوەن و یژدان دەرکی ئەو ڕەوشتەپیرۆزە دەکات و بەلازم و مەزلومی ژیانی دەزانێ .بەڵام با و اقیع بینانەو ڕاستگۆیانە و بەبێ لەبەرچاوگرتنی سۆزوهەستی عاتیفی و ڕەوابیت و زەوابت و هەرچەشنە پەیوەندێکی تری کۆمەڵایەتی و هونەری و ماددی و مەعنەوی ،؟ ئایا بەڕاستی شتێکی باشە ئەگەر ساڵڕۆژی یادوبیرەوەری شەهیدانی سەربەرزی حیزب و گەل لەگەڵ ئەو جەماعەتەی بکرێتەوە کە بۆ دوو جارە تەنیاو تەنیا لەبەرخاتری پلەوپایەو بەبەرژەوەندی شەخسی لەڕێگاو ڕێبازی شەهیدان دەردەچن و لەحیزب جیادەبنەوەو زیانێکی زۆر و قەرەبو نەکراوەش لە حیزب و بزاڤی ڕزگاری خوازانەی کوردو کوردستان دەدەن و بنەماڵەی سەربەرزی شەهیدانیش سەرگەردان و بێ هیوادەکەن و بەسەدان و هەزاران ڕۆڵەی ئازاو ئازادی خوازیش لەو حیزبە دادەبڕن و سەرگەردان و پەڕیوەی ئەملاو لاو پەنابردنیان بۆناو حیزب و سازمانەکانی تری کوردستان و چونەوە ژێردەسەڵاتی ڕەشی ئاخوندانی تیرۆریست پەروەر دەکەن، لەبەرخاتری مقامپەرستی چەند کەسێکی خۆبەزل زان و ناسادق و ئاژاوەگێڕو دژی تەبای و برایەتی و بەهێزی و یەکڕیزی حیزب و گەل، ئەوە بۆ 2 جارە ئەو برینە مەزنانە لە جەستەی ماندو بەخوێن سورکراوی حیزبی دێموکڕاتی کوردستانی ئێران دەکرێن، بەبێ ئەوەی ئەنجامدەرانی ئەو زیانە مەزنانە هەست بەپەشیمانی بکەن و ڕاستگۆیانەو سادقانە بگەڕێنەوە ناوڕیزەکانی حیزب و داوای لێبوردن لەحیزب و بنەماڵەو کەسووکاری سەربەرزی شەهیدان بکەن و بەڵێنی تەبای و نیازپاکیش بەتێكۆشەرانی حیزبی دێموکڕاتی کوردستانی ئێران بدەن.

 

xalid_xorinji_1_wlam_3

 

خوێنەرانی بەڕێزو خۆشەوست، هەرچەند بەقەولی کوردەواری خۆمان ئەوهەویرە ئاوێ زۆرهەڵدەگرێ و باسکردنی زیانەمەزنەکانی دوجاردابڕان و تۆوی دڕدۆنگی چاندنەوە لەناوڕیزەکانی حیزب و لەناو کۆمەڵانی بەشەڕەفی خەڵکی کوردستان، پشتیوانانی ڕاستەقینەی حیزب و بنەماڵەو کەسوو کاری سەربەرزی شەهیدان .ئەوەندە زۆر و گەورەو لەبەرچاون و هیچ کەسێکی خاوەن ئەقڵ و مەنتق و چاک و خەراپ لێککەرەوە ناتوانێ نکۆڵی لەوڕاستێ تاڵانەبکات و کارە ناڕەواکانیان بۆ پوشبەسەرو دیزەبەدەرخۆنە بکات،کەچی بەداخەوە ئێستاش کەسانێک هەن کەبەناهەق و ناواقیع بینانە پەنجەی خەتا بۆتێکۆشەرانی دڵسۆزو و ەفادارانی ڕاستەقینەی ڕێبازی پیرۆزی شەهیدان ڕادەدێرن و حیزب تاوانبار دەکەن کە بە بزەیەکی نابەدڵ و نیازشاراوەی جەماعەتی ناڕازی و نەحاوانەوە لەگەڵ دێموکڕاسی ،دا دەست لەسەرسینگ و بەڵێ قوربان بەرەوپیری داواکانیان ناچێ و ڕێگایان نادات و ەک جاری پێشوو بگەڕێنەوە سەرەوەی دەفتەری سیاسی و دەستبکەنەوە بەقسەی زل و کاری ئاژاوەگێڕی . خۆشەویستان بابزانین ئایا بەڕاستی خەتابارەکان کێن و کێنە هەمو بەرژەوەندييه نیشتمانی و نەتەوەیەکان فیدای مقام و بەرژەوەندێ شەخسێ کانیاندەکەن. بەڕێزان دوای کۆتای هاتنی کۆنگرەی هەشتەمی حیزب لەزستانی 1366هەتاوی و ڕەهی نەهێنانەوەی ژمارەیەک لەئەندامانی ڕێبەرایەتی حیزب و کۆتای هاتنی کۆنگرەو گەڕانەوەی بەشدارانی کۆنگرە بۆ شوێنەکانیان، بەداخەوە دەستکرا بە تەبلیغاتی توند دژی یەکڕی و بەهێزی حیزب، بەبیانوی ئەوەی گوایا لە کۆنگرەدا مافی ئەندامانی کۆنگرە ڕەچاو نەکراوەو تەنیا ئەو کەسانە هەقی خۆ کاندیدکردنیان هەبوا کەناویان لە لیستەکەدا هاتبوو، دەیان بوختانیش لەدژی ڕێبەرانی مەزن کاک دوکتۆر قاسملو و دوکتۆر شەڕەفکەندی. خوێنەرانی هێژاو دڵسۆزانی گەل و وڵات ،با تەکتەکی ئێمەی خاوەن ماوەیەک خەبات و ماندوبوون و ئازار جێژتوو سادقانەو بەبێ ترس و دڵەڕاوکێ و ڕقوو خۆشەیستی ، ئەوچەند پرسیارانە ئاڕاستەی خۆمان و کەسانی دەوروبەری خۆمانبکەین و بزانین کێ بەدوای مقام و بەرژەوەندی شەخسی داگەڕاوەودەگەڕێ و کێش سادقانەو ماندونەناسانە خەمی گەل و وڵاتی کردۆتەکۆڵی.

یەکەم: باشە بەڕاستی کۆنگرەی هەشت دێموکڕاسی تێدا پێشێلکراوە. دووهەم: ئایا ئەوانەی دەنگیان بە بڕیاراتەکانی کۆنگرەداوەو ڕەهیان داو ڕەهیان وەرگرت دیکتاتۆربوون. سێهەم: ئایا ئەوانە دیکتاتۆربون کەبەدەنگی گشتی هەڵبژێردران و سەرکەوتنیان بەدەست هێنا، یان ئەوانە نادێموکڕات بوون!!! کە ڕەهیان نەهێنایەوەو لەبەرئەوەی باوەڕیان بەدێموکڕاسی نەبوو ،نەیانتوانی تەحەممولی ئەو ڕاستێ و ئەو بەرهەمەی ئازادی و مافی بەرابەری و یەکسانی و سەربەستی ئەندامانی حیزب بکەن و ماڵئاوایان لەو حیزبە خۆشەویستەی کوردو کوردستان کرد. چوارەم: ئایاکاملا بۆ مقام و بەرژەوەندی چەند کەسێک حیزبی دێموکڕاتی کوردستانی ئێرانی بەجێهێشتوو حیزبێکی لەحیزبی دێموکڕاتی ،دێموکڕاتترو پێشکەوتوتروچستو چالاکترو گەورەتری دامەزراندو شانازی گەورەتروزیاتری لەحیزب بۆگەل و و ڵات خوڵقاند. پێنجەم: ئایا کاملا قارەمانانەو دڵسۆزانەبۆ کوردو کوردستان خەباتیان کردو ڕێبەرانی کاملا سەداقەتی و دڵسۆزی و وەفاداریان بۆ ڕێبازی پیرۆزی شەهیدانی سورخەڵاتی حیزب و گەل بەخوێنی پاکی خۆیان سەلماند.

 

_________________________________________

تێبینی‌:

ماڵپه‌ڕی‌ "هه‌ڵۆی‌ كوردستان"

ـ له‌ به‌رامبه‌ر نێوه‌ڕۆكی‌ هیچ بابه‌تێكدا به‌رپرسیار نیه‌‌و نووسه‌ری‌ بابه‌ت به‌رپرسه‌ له‌به‌رامبه‌ر بابه‌تی‌ خۆیدا‌

ــ كه‌ڵك وه‌رگرتن له‌و بابه‌تانه‌ به‌ هێنانی ناوی سه‌رچاوه‌ یان له‌سه‌ر ئیزنی‌ نوسه‌ر ئازاده

ناردن بۆ تۆڕه‌ کۆمه‌ڵایه‌تی‌یه‌کان