هه‌ڵۆی کوردستان

-
هەڵە
  • JFolder::create: Could not create directory

٢٥ی گەلاوێژ

پۆستی ئەلیکترۆنی چاپکردن

 25-galawejjشەست و شەش ساڵ بەر لە ئێستا جۆباری فرمێسکی خەمی کورد

لە چوارچرا راوە ستا

دێموکرات لە دایک بوو

گەلاوێژی ئاسمانی کورد داگیرسا شەست و شەش ساڵ بەر لە ئێستا

چوار لەپی دەست

بوونە گۆڵدانی گۆڵی ئاڵا

گزنگی خۆریان ڕام کرد

لەو رۆژەوە هەڵۆیان بوون بەپێشمەرگە

لە سەر پشتی داگیرکەران

چاوگی ئاگرێکیان ساز کرد

لەورۆژەوە

خەلاتی گەل

بەرخودانی پێشمەرگەیە

خوێنی سووری لاوی وڵات

هەوێنی سەربەرزی مەیە

لەو رۆژەوە

پێشمەرگە بۆتە قەڵا

دەپارێزێ وڵاتەکەم

لە جەور و ستەم و بەڵا

لەو رۆژەوە

شنەبای ئازادی بٶتە ئاوات

بیست و پێنجی گەلاوێژ بوو بە رۆژی دیاری و خەلات

خەڵات بۆ دایکی شەهید

نیگایەک بوو لە توولە رێی پشتی ماڵان

نیگایێ لە ژێر هەورەبانی حەسرەت

بۆ ئامێزی هاورێی کوری شیرین

سەر لە ئێوارەی ٢٥ی گەلاوێژ

نیگا بۆ کۆتای چاوەرێ

بۆ دەنگی گڕ و گاڵی کۆرپەی خەباتی سەر رێ

بۆ پێرۆچکەی ئازادی بۆ بینینی هەلٶی سەر شاخی ئاگری

لەو رۆژەوە

لەو بەرتەسک بوونەی زۆڵمەوە

٢٥ی گەلاوێژ بۆتە ئەستوندەکی ژێر باڵ

بۆ شەقەی شاباڵی هەلۆی روزگار بون

لەو رۆژەوە بۆتە شەماڵ شانە دەکا زۆڵف و ئەگریژەی خاوی یار

بۆتە مۆمی ناو چاوەگی ئاگر

ئاگری ٢٥ی گەلاوێژ

ئەو ئاگرەی هێز و گیانمە

باوەری بەرزی کوردستانمە شەست و شەش ساڵە زامم دەکا سارێژ

شەست و شەش سالە بۆتە یاری

بۆتە جوانی

بۆتە جەل و بەرگی مناڵانی کوردەواری

شەست و شەش ساڵە

قەڵافەتی کام ئەستێرە

لە بەژنی تۆ باڵا نوێ ترە

روخساری کچی کێها وڵات

لە کچانی تۆ رووسوورترە

چ مێژوویێ

وەک مێژووی تۆ بۆ ئازادی ، بۆ سەر بەرزی

لە خوێنی خۆیدا شەڵالترە

شەست و شەش ساڵە هزر و بیرت

ئەندیشەی روزگاری گەلە

لە چوار پارچەی کوردستانا

پێشەوای کورد رێبەرمانە

تاهەنووکە بۆ ئاشتی مرۆڤ

بۆ ئازادی

بۆ ژیانی پڕلە شادی

پێغەمبەری ئاشتی ژیانە

لە ناو دۆست و دوژمنانا

قاسملووی من

قاسملووی تۆ

قاسملووی ئەو

قاسملووی هەموو کوردانە

دێموکراتیش رابەرمانە

 

ناردن بۆ تۆڕه‌ کۆمه‌ڵایه‌تی‌یه‌کان
جاری خوێندراوه‌: 1868
بۆچوونه‌کان (0)Add Comment

نووسینی بۆچوون
بچووکردنه‌وه‌ی خانه‌ی بۆچوون | گه‌وره‌کردنی خانه‌ی بۆچوون

busy