هه‌ڵۆی کوردستان

-
هەڵە
  • JFolder::create: Could not create directory

وڵامێک بۆ کاک داوود ئازاد فەر

پۆستی ئەلیکترۆنی چاپکردن

کاک داود ئازادفەڕ لە دواترین بابەتێکدا کە نووسیویەتی و لە ماڵپەڕی NNSROJ دا بڵاوی کردووەتەوە، بە خەیاڵی خۆی کەشفێکی گەورەی کردووە و نەتیجە دەگرێ کە "بارزانی تەماحی لە نەوتی ڕۆژاوای کوردستان کردووە!!!". وەک بڵێی بارزانی لە برسان مردووە یان لە باشوور نەوت نییە.

 

mad_roj_-_barzani_2

 

ئەوە لە کاتێکدایە کە کاک داود تەنانەت ئاگای لەوە نییە کە نەوتی ڕۆژاوای کوردستان هەناردە ناکرێ تا شەڕی لە سەر بکرێ و کێشەکانی ئەم دواییە هیچ پێوەندیەکی بە نەوت و ئابووری نییە، بەڵکوو کێشەیەکی سیاسییە. هاوکات کاک داود ئەوەی لە چاو دا نیە کە هەر لەو مانگانەی داهاتوو دا حکومەتی هەرێم بە هەزاران تۆن مادەی خۆراکی و سووتەمەنی وەک نەوتی بۆ خەڵکی ڕۆژاوای کوردستان ناردووە!!! بەرێز، ئەمە کێشەیەکی سیاسیە و هەر ئەو سیاسەتەشە کە چاوی تۆ لە دیتنی خزمەتی لایەنی حکومەتی هەرێم دەگرێ و تەنیا خزمەتی پەیەدە دەبینی. لە راستیدا لایەنێکی وەک "پەیەدە" لە ڕۆژاوا دەسەڵاتی تەواوی قەبزە کردووە و ڕێگە بە حیزبەکانی دیکە نادات کە بە ئازادی چالاکیان هەبێ و هەموو هێزی چەکدار هەر دەبێ سەر بە پەیەدە بن. ئەوەش دژی دێمۆکراسیە و لایەنگرانی بارزانیش مافی خۆیانە کە چەکدار و جەماوەری خۆیان لە دەوری خۆیان کۆ بکەنەوە. باس لە دەستەی باڵا دەکرێ و ئەسڵەنیش سەرنج نادەنە ئەوەی کە کە ئەوە بارزانی بوو کە دەستەی باڵای ساز کرد و نەیهێشت کە لە یەکەم ڕۆژەکانەوە شەڕی ناوخۆیی و خوکوژی لە ڕۆژاوا وەڕێ کەوێ... بەداخەوە کاک داود هەموو کاتێک بە چاویلکەی"دژە بارزانی" لە مژارەکان دەڕوانێ و بە بەبا کردنی کای کۆن دەیهەوێ ئەمڕۆ هەڵسەنگێنێ! بۆیە بەردەوام مەسەلەی سولێمان موعینی دەهێنێتەوە. وەک بڵێی پ ک ک کەسانی وەک شاهین دونمەز و سەدان کادری لە نێو خۆی و کادری حیزبی دیکەی (وەک نۆ ئەندامی یەکیەتی شۆڕشگەرانی لە ساڵەکانی ١٩٩٠) نەکوشت بێ...

داود ئازادفەر لە دواترین تێئۆری خۆی دا لە فەیس بووکەکەی ئەوجار دەڵێ کە گۆیا بارزانی خەریکە ئیسلامی توندرەو لە دژی پەیەدە بۆ سوریە و ڕۆژاوا دەنێرێ! بە راستی ئەگەر تێئۆریسیەنەکانی پەژاک و پ ک ک ئاوا بن، ئیتر دەبێ بڵێم کە زۆریان بۆ بەداخم. هەموو ئەوانەش لە کاتێکدایە کە باشووری کوردستان و بە تایبەت بارزانی بوونە پردی پێوەندی نێوان پ ک ک و دەوڵەتی تورکیە و هەوڵی ئازادی ئۆجەلان و چارەسەری ئاشتیانەی پرسی کوردیان داوە لە باکور. هاوکات کاک نێچیروان نامەی ئازادی بۆ ئۆجەلان واژۆ دەکات و پارلەمان شاندی خۆی دەنێرێ بۆ قەندیل...

ئەمسالی ئەوانەی کە بەو شێوەیە دژایەتی بارزانی دەکەن، چ چاوەڕوانیەکیان لە باشووری کوردستان هەیە؟ دەیانهەوێ باشوور چ بکات بۆ باکور لەمە زیادتر؟ بەڵام ئەوان دەبێ بزانن کە ئەگەر پ ک ک مافی بە کار هێنانی خاکی باشوور بە خۆی دەدات و دەڵێ کوردستان خاکی هەموومانە. ئەوسا چۆنە پ ک ک لە ڕۆژاوا، (شوێنێک کە هێزی هەیە)، ڕێگە بە حیزب و شۆڕشگەری ڕۆژاوایی نادات کە بچنەوە و لەوێ بن! ئایا خاکی ڕۆژاوا بۆ کوردی ڕۆژاواش قەدەغەیە، تەنیا لە بەر ئەوەی کە لایەنگری بارزانین! وا دیارە ئەمسالی کاک داود دێمۆکراسیان تەنیا بۆ خۆیان پێ باشە و نەک خەڵکی تر...

بەرێز ئازادفەڕ، بۆ جارێکیش کە بووە چاویلکەی "ئانتی بارزانیزم" لە چاوت دەرهێنە و ئەگەر بە قەولی خۆت بەردەوام خراپیەکانیان دەبینی، جارێکیش خزمەتەکانی بارزانی و حکومەتی هەرێم بە خەڵکی باکور ببینە. ئەگینا فەرقی چاویلکەکەی تۆ لە گەڵ چاویلکەی "ئانتی یەهودی" کۆماری ئیسلامی چیە کە ئەوەی پێوەندی بە ئیسرائیلەوە هەبێت بە خراپی دەزانێ و هێرشی دەکاتە سەر ! هەر چەند بەداخەوە بەرێز ئۆجەلانیش چەند ساڵ لەمەو پێش لە زیندانەوە حکومەتی هەرێمی بە ئیسرائیل و دەوڵەت ـ نەتەوەی مەترسیدار ناو دەبرد و هەستێکی وای لە لای لایەنگرانی ساز کردبوو کە هەر باشترە ئەو تاقە هیوایەی کە ئێستا بۆ کوردان ساز بووە نەمێنێ و دەبێ شەڕی لە گەڵ بکرێ! بە هەر حاڵ حکومەتی هەرێم ئەگەر کەم و کوڕیشی زۆر بن، ئێستا هیوایەکە بۆ هەموو کوردان لە هەر چوار بەشی کوردستان و لانی کەم حیزبەکانی بەشەکانی دیکەی کوردستان بە تێکڕایی لەوێن. بەڵام ئەگەر بەراوەردی بکەی دەبینی کە لە ڕۆژاوای کوردستان تەنانەت ئەندامی حیزبی ڕۆژاواش بە هۆی پ ک ک نەبوونی دەکوژرێ (نمونەکەی مەشعەل تەمۆ) یان ڕێگای چالاکی پێنادرێ. لێرەدا کێ دێمۆکراتەترە؟ جارێک چاویلکەکەت لادە و ویژدانی خۆت بکە قازی...

 

 _________________________________________

 تێبینى:

ماڵپه‌ڕی‌ "هه‌ڵۆی‌ كوردستان"

ـ له‌ به‌رامبه‌ر نێوه‌ڕۆكی‌ ئه‌م بابه‌ته‌ به‌رپرسیار نیه‌‌و نووسه‌ری‌ بابه‌ت به‌رپرسه‌ له‌به‌رامبه‌ر بابه‌تی‌ خۆیدا‌

 ــ كه‌ڵك وه‌رگرتن له‌و بابه‌تانه‌ به‌ هێنانی ناوی سه‌رچاوه‌ یان له‌سه‌ر ئیزنی‌ نوسه‌ر ئازاده

 

ناردن بۆ تۆڕه‌ کۆمه‌ڵایه‌تی‌یه‌کان
جاری خوێندراوه‌: 1326
بۆچوونه‌کان (1)Add Comment
...
نووسراوه‌ له‌ لایه‌ن kujan, May 26, 2013
ئه‌ری به‌راست ئیوه‌ له‌ داخی په‌که‌که‌و پژاك داگیرکه‌رتان له‌ بیر چوته‌وه‌ له‌ داخی په‌که‌که‌و پژاک خوتانکردوه‌ پاریزه‌ری بارزانی ئیوه‌ ده‌زانن که‌ ئه‌و که‌سانه‌ی بارزانی ده‌یان نیریت بۆ رۆژئاوا کین ئایه‌ ئیوه‌ رابردوی سه‌لاحه‌دین به‌دره‌دین وه‌ مسته‌فا جومعه‌ ده‌زانن که‌ چکاره‌ن له‌ رۆژاوا لانیی که‌م نیزیك به‌ بیست هه‌زار هیزی ده‌وره‌ دیده‌ له‌ کوران و کچانی رۆژئاوا له‌ هه‌موو پارته‌کان پیکهاتووه‌ بۆ پاریزگاری له‌ نیشتیمان وه‌ خه‌لك به‌لام پارتی ئازادی وه‌ ئه‌لپارتی که‌ هیچ که‌س ولامیان ناداته‌وه‌ وه‌ هیچ ئه‌ندامو لایه‌نگریکیان نیه‌ ده‌یان هه‌ویت به‌ هوی بارزانی خویان بناسینن بارزانی تا ئیستا چه‌ندین که‌تیبه‌ی بۆ پیکهیناون وه‌ك که‌تیبه‌ی سه‌لاحه‌دینی ئه‌یوبی وه‌ که‌تیبه‌ی ئیدریس بارزانی به‌لام به‌ گه‌یشتنیان بو رۆژئاوا له‌به‌ر ئه‌وه‌ی خه‌لک ئاماده‌ نه‌بو پشتیوانیان لی بکات کوتایان پیهات بارزانی له‌ داخان سنووری لی داخستن به‌لام له‌ ولامی سنوور داخستنی بارزانی خه‌لک ده‌یان گوت ئه‌گه‌ر گه‌لای داران بخوین ئیمه‌ له‌ ریبازی خومان لاناده‌ین ئیستاش که‌ دوباره‌ 75چکداریتریان ده‌وره‌ پیدیبوو ناردبویانن بۆ رۆژئاوا به‌لام به‌ گه‌یشتنیان بۆ رۆژئاوا هه‌موویان ده‌ستگیرکران پاش لیکولینه‌وه‌ ئازادیانکردن ئه‌مجاره‌ش بارزانی سه‌ر نه‌که‌وت ناچار دو باره‌ سنووری داخسته‌وه‌ کاکی برا خو به‌ زۆری که‌س ناتوانی خوی به‌سه‌ر گه‌لدا به‌ سه‌پینی له‌ رۆژئاوا خه‌لک خویان به‌ریار ده‌ده‌ن ئه‌و هاوپیمانه‌ی له‌ رۆژئاوا هه‌یه‌ خه‌لک به‌ته‌واوی پشتیوانی لیده‌که‌ن وه‌ هیزی خویان هه‌یه‌ وه‌ ده‌لین ئیجازه‌ به‌ هیزی دووه‌م ناده‌ین ئه‌وانه‌ی که‌ ئیوه‌ ده‌لین بابین بچنه‌ نیو ئه‌و هاوپیمانه‌ی له‌ رۆژئاوا هه‌یه‌ هیزی چه‌کداریان که‌ هه‌یه‌ له‌گه‌ل هی ئه‌وانی تیکه‌ل بکه‌ن به‌لام ئه‌مانه‌ درو ده‌که‌ن ده‌یان هه‌ویت بۆ ئاژاوه‌ نانه‌وه‌ هیندیه‌ك چه‌کدار به‌نیرن وه‌ خراپکاره‌ی بکه‌ن پاشان به‌لین ئه‌وه‌ کاری په‌یه‌ده‌یه‌ کورد له‌ رۆژئاوا زۆر له‌ ئیوه‌ هوشیاتره‌ خویان ده‌زانن چی بکه‌ن

نووسینی بۆچوون
بچووکردنه‌وه‌ی خانه‌ی بۆچوون | گه‌وره‌کردنی خانه‌ی بۆچوون

busy