هه‌ڵۆی کوردستان

-
هەڵە
  • JFolder::create: Could not create directory

روونکردنەوەیه‌ك له‌ ده‌فته‌ری‌ پێوه‌ندییه‌كانی‌ "حدكا" له‌ سلێمانی‌

پۆستی ئەلیکترۆنی چاپکردن

لە دوای کۆبونەوەی حیزبە کوردستانیەکان بە بەشداریی به‌ڕێز ئایالا‌و نوینەری جۆرج پاپا ئەندەریا لە شاری سلێمانی‌‌و هه‌ڵبژاردنی دەستەی سەرۆکایەتی کە پێكهاتوە لە یەکیەتيی نیشتمانی (سەرۆک)، حیزبی دێموكراتی کوردستانی ئێران‌و پارتی ئاشتی‌و دیمۆکراسی لە تورکیە بە جێگر، لە هێندێك راگەیاندنی (بە ناو سەر بە خۆ!؟) بۆ مەبەستی لایه‌نێكی‌ دیاری کراو، باس لەوە کراوە کە بە تەوافقی ٤ لایەن ئەو دەستەیە هه‌ڵبژێردراوە، لە پاش ئەو قسەڵۆکانە هێندێك لە ئەندامانی حیزب بە نامە‌و تەلەفون گلەیی‌ ئەوەیان لە لاپەرە [FACEBOOK]ى پەیوەندییەکانی سلێمانی‌ هەبوو کە بۆ هه‌واڵەکان وەک خۆی بڵاو ناکەنەوە؟ یا ئەگەر وەک خۆی بڵاو کراوەتەوە بۆ روونکردنەوە نادەن؟

 

pdki_-_slemani_-_ronkrdnawa_3


هەر بۆیە بە پێویستمان زانی بە دۆستانی لاپەڕەکەمان  بڵێن ئێمە هه‌واڵەکەمان وەک خۆی بڵاو کردوەتەوە به‌ڵام لە هێندێك وردەکاریی هه‌واڵەکە خۆمان پاراستووە‌و ئێستا بۆ دڵنیایی دۆستان بە هێندێك وردەکاریەوە بۆ دۆستان بڵاوی دەکەینەوە.

به‌ڵام پیش لەوە داوا لە دۆستان‌و ئەندامان دەکەین لەمەوبەدوا بە نیسبەت به‌ هێندێك هه‌واڵی لەو بابەتە هەڵویست مەگرن، چون ئەمڕۆ کورد پێویستیی بە یەکگرتویی‌و تەباییە، لە لایەکی دیکە حیزبی دێموكرات پێویستی بە درۆ کردن نەبووە‌و نییە لە گەڵ ئەندامان‌و دۆستانی خۆی لەمەڕ هەر رووداو‌و هه‌واڵیک کە بۆ بڵاو کردنەوە بێت.

هەروەک ئاگادارن چەند ساڵ لەمەبەر كومیته‌ی کاری کوردان لە SI دامەزابوو به‌ڵام هەم وەک قەبارە بچووک بوو (٥ یا ٦ لایەنی کورد‌و ئورووپایی )و هەم ئەوجورە کە پیویستە کارا نەبوو، هەر بۆیە لە ئاخرین کونگرەی SI (کونگرەی ٢٤) بڕیار درا کە کومیتەی کاری کوردان وەک باقی کومیتەکانی SI فراوان‌و چالاک بکرێت بۆ بەرە‌و پێش بردنی پرسی رەوای کورد لە تریبونی SI یەوە. هەر بۆیە بە بەشداریی زۆربەی حیزبە کوردستانیەکان لە هەر چوار پارچەی کوردستان بە لایەنە ئیسلامیەکانیشەوە یەکەم کۆبونەوەی خۆی بە میوانداریی یەکیەتیی نیشتمانیی کوردستان لە سلێمانی‌ بەست. بۆ سەرۆکایەتیی ئەو کۆمیتەیە تەنیا ئەو حیزبانە دەیانتوانی خۆیان بپاڵیون کە ئەندامی تەواو یا مشاور یا چاوەدێر بن ، بە داخەوە بە هۆی ئەوەی SI هێندێك مەرجی بۆ وەرگرتنی ئەندام هەیە تا ئێستا لەو حیزبانه‌ی کە داوای ئەندامەتیان کردوە تەنیا ٣ حیزب لەو رێکخراوەدا ئەندامن کە ئەویش 1ـ حیزبی دێموكراتی کوردستانی ئیران (وەک یەکەم هیزی کورد) 2- یەکیەتیی نیشتمانیی کوردستان 3- پارتی ئاشتی‌و دێموکراسی تورکیە ئەندامن. هەر بۆیە تەنها لەو ٣ لایەنە دەیانتوانی خۆیان بۆ سەرۆک‌و جێگر هه‌ڵبژیرن . سەرەتا بڕیار بوو یەک جێگری هەبێت، بۆ ئەو مەبەستەش تەنیا هه‌ڵبژاردن لە نێوان حدکا‌و ب دپ دەکرا بۆ جیگر، لە سەر داوای به‌ڕێز لویس پیشنیاری ئەوە کرا کە با دوو جێگری هەبیت. بۆ ئەو پیشنیارە تەنها ئەو چوار لایەنە (1-به‌ڕێز ئەیالا 2- یەکیەتی نیشتمانی 3-حدکا 4- BDP) حەقی نەزەر دان‌و تەوافقیان هەبوو نەک هیچ کەس‌و لایەنێکی دیکە ئەویش بە هۆی ئەوە کە تەنیا ئەو ٣ لایەنە ئەندامی ریکخراوەکەن. هەر بۆیە ئەگەر کەسیک بە ناوی بردنی پێشنیار بۆ دەستەی سەرۆکایەتی‌و پاشان دانیشتن بۆ وینەگرتن، بۆ مەسرەفی نێوخۆیی خۆیان بڵاوی بکەنەوە هیچ لە راستیەکان ناگۆریت، دۆستانی به‌ڕێز ئێوەش دەبێ پشوو درێژ بن‌و دەرکی خەڵکی دیکەش بکەن چون شایەد تا ئێستاش وایان نیشان دابێت کە بەدەر لەو ٣ لایەن ئەندامی دیکەی کورد لەو رێکخراوە دا هەیە‌و ئێستا بۆ پێش گرتن لە ناڕەزایەتیی ناوخۆیی لە وەعدانە هه‌واڵ‌و‌و وێنەی وا پێویست بێت.

حیزبی‌ دێموكراتی‌ كوردستانی‌ ئێران

پەیوەندییەکانی سلێمانی‌

16/4/2013

 

ناردن بۆ تۆڕه‌ کۆمه‌ڵایه‌تی‌یه‌کان
جاری خوێندراوه‌: 1397
بۆچوونه‌کان (0)Add Comment

نووسینی بۆچوون
بچووکردنه‌وه‌ی خانه‌ی بۆچوون | گه‌وره‌کردنی خانه‌ی بۆچوون

busy