هه‌ڵۆی کوردستان

-
هەڵە
  • JFolder::create: Could not create directory

جوابەکەتان زۆر ڕەواو‌ وردبینانەبوو،دڵسۆزانی ڕاستەقینە (بەشی دووهەم‌و کۆتايى)

پۆستی ئەلیکترۆنی چاپکردن

 xalid_xorinji_1_wlam_2خوێنەرانی خۆشەویست بابزانین جیابوونەوەی دووهەمی ئەوجەماعەتەی لە حیزبی لە پێناوی چیدا بووە. ئازیزان ئەو کەسەی کە لەکاتی گەڕانەوەی دابڕاوانی دوای کۆنگرەی 8حیزب زۆری زەحمەتکێشاو هەوڵی زۆری دا کە بۆگەیشتن بەو مەبەستەی کە گوایا بەمەبەستی یەکێتی‌و تەبای‌و لەناوبردنی پەرشوبڵاوی‌و وەسەریەکخستنەوەی بنەماڵەی گەورەی حیزب ئەوکارە دەکات‌و دەخوازێ چیتردڕدۆنگی‌و گرژی لەبەینی ئەو دوولایەنەدا نەمێنێ‌و ئاوبەئاگردابکرێ!!!!!! سەرئەنجام‌و بەهۆی کاروکردەوەکانێوە بۆمان دەرکەوت کەبەڕاستی چەندە لەپێناوی بەرژەوەندی گشتی داو چەندەش لە پێناوی بەرژەوەندی شەخسی دا ئەوکارەی ئەنجامداوەو چۆن دوای کۆنگرەی 13ی حیزب نیازو مەبەستە شاراوەکانی لێئاشکرابوون‌و چۆن لێفەش لەسەر هەتیوان هەڵدرایەوەو دەڵێن مێژوو شەرم لەکەس ناکات‌و بێ پشوودان‌و بێباکانە ڕێگای دەقەو سەعات‌و ڕۆژ‌و مانگ‌و ساڵەکانی خۆی لەسەر سینگی ڕۆژگار دەکاتەوەو زۆر سادقانەو بێ لەبەرچاوگرتنی پلەوپایەو دەوڵەمەندی‌و فەقیری‌و ڕەگەزو زمان‌و ڕەنگ. پاک‌و ناپاک لەیەکتری جیادەکاتەوەو ئاشکرای دەکات کێ ڕاستگۆیانەو دڵسۆزانە بۆگەل‌و وڵاتەکەی کاریکردواو کێش لەپێناوی مقام‌و بەرژەوەندی شەخسی دا کاری کردووە.

 

xalid_xorinji_1_wlam_3


خۆشەویستانی خاوەن بیروبڕوای پیرۆزی ڕزگاری کوردو کوردستانی ديل و دابەش دابەشکراو زۆربەی ئەوکەسانەی کە ڕابردویەکیان لە ناوڕیزەکانی حیزبی دێموکڕاتی کوردستانی ئێراندا هەیە دەزانن‌و لە بیریانە کە ئەو کۆنگرانەی کە کاک عەبدوڵڵای حەسەن زادە سەرکەوتنی تێدا بەدەست دەهێنان‌و مقام و پلەوپایەکەی لەدەست نەدەدان، چۆن مەشڕوعییەتیان دەبوو‌و چۆن دێموکڕاسی پێشێل نەدەکراو چۆنێش ڕێز لەدەنگی بەشدارانی کۆنگرەکان دەگیراو باوەڕ بەڕای گشتی بەشدارانی کۆنگرەش دەکراو ئەو کەسانەش کە سەرکەوتنیان بەدەست نەدەهێنا چۆن ڕاستگۆیانەو سادقانە شانیان دەدایەبەر ئەرکە حیزبێکانیان‌و کەسێش پەنای بۆ ئاژاوەو هاندانی کەسانی دیکە نەدەبردو کەسانێک دیاری نەدەکران کەنامەیەک بخەنە ناو دەستانەوەو بەناو بنکەو بارەگاکانی حیزبی داو بەناو ماڵ‌و مناڵانی کادرو پێشمەگەکانی ئەو حیزبەی دابگەڕێن‌و داوای کۆکردنەوەی‌ واژۆبکەن تا لەحیزب جیاببنەوەو زامێکی دیکە لە جەستەی بەهێزی ئەو حیزبە بکەنەوە، تەنیا لەبەرخاتری لەدەست دانی مقامەکەی خۆیان. بەڕاستی زۆر سەیرە کەسێک تەنیا ئەو دێموکڕاسێی قبوڵ بێ کە بەنەفعی خۆی بسووڕێتەوە‌و ئەو هەڵبژاردنەی پەسەند بێ کەخۆی سەرکەوتنی تێدا بەدەست بێنێ. ئەو کۆنگرەش مەشروعییەتی هەبێ کە ئەو تێیدا سەردەکەوێ ئەو کۆنگرە مەڕاسمی سەرکەوتنی بۆ بگیرێ کە کورسێ ڕازاوەکەی لەژێر ئەو پیاوە کورسی پەرستە دەرنەخستبێ. بەڕێزان دڵنیام کە تەکتەکی ئێوەی بەڕێزو وشیارو چاوکراوە دەزانن، کە جیابوونەوەی جاری دووهەمیش هەروەک جاری یەکەم تەنیا لەبەر مقام‌و بەرژەوەندی شەخسی دابوو، هیچی دیکە. بەدڵنیایەوە جیابوونەوەکان لەسەر مافی چارەنووس‌و ڕزگاری چوارپارچەکەی کوردستان‌و دیاری کردنی پانتای جوغڕافیای کوردستان‌و شێوەی مبارەزەو چۆنییەتی ڕاگەیشتن بەکادرو پێشمەرگەکانی حیزب‌و بنەماڵەی سەربەرزی شەهیدانی حیزب‌و گەل نەبوا، بەڵکو مەسەلەی مقام‌و بەرژەوەندی شەخسی بوونە‌و هەرجارەش ژمارەیەکی زۆر لەڕۆڵەسادق‌و قارەمانەکانی حیزب‌و گەل بوونەتە قوربانی‌و ڕێگاو ڕێبازی ئەسڵیان لێ بزر کراوە‌و یاری بەچارەنووسیان کراوە. چون کاروکردەوەکانیان دوای دابڕانەکانیان ئەو ڕاستێ دەسەلمێنێ کە چەندە دڵسۆزانە بۆ کوردوکوردستان کاریان کردووە. هەرلەکاتی هەڵبژاردنی سەرۆک کۆماری لەئێراندا ، وتەبێژەکانیان چۆن هاتنە مەیدان‌و ئەو هەڵبژاردنەیان بەڕەسمی ناسی‌و خەڵکیان بۆ هاندەدا تا بەشداری لەو هەڵبژاردنەدا بکەن. پاشان داوایان لە کۆنسۆڵی ئێران لە هەولێر دەکرد‌و داوایاندەکرد کە ئەوان ئامادەنە بچنەوە ژێردەسەڵاتی کۆماری ئێسلامی ئەگەر لێیانگەڕێن بەزمانی کوردی قسە بکەن‌و لەهەڵبژاردندا بەشداری بکەن. بۆگەڕانەوەشیان بۆ ناو کۆماری ئیسلامی تەنانەت ئامادەگی خۆشیان ڕاگەیاند بۆگۆڕینی ناوەکەیان، گۆڕینی ناوەکەیان بەلایانەوە زۆرعاددی‌و بێ موشکل بوو!!!!!!! بەڵام کەدەخوازن بگەڕێنەوە ناو حیزب باسکرن لەگۆڕینی ناوەکەیان چەندە بڤەیەو چۆن لەسەرناوەکەیان دەبن بەقیڕی کەوایسپی‌و بەری نادەن. هێژایان من بەخستنە بەرچاوی ئەو چەند خاڵە کۆتايی بەباسەکەم دێنم‌و هیوادارم هەمومان سادقانەو ڕاستگۆیانە بەدوای ڕاستێکاندا بگەڕێین‌و بەدوای کڵاوی بابردودانەگەڕێین.

یەکەم: بە بەبێ هیچ گومانێک دەزانین کێ ئازادی‌و بەختەوەری‌و سەرفرازی‌و یەکڕیزی حیزب‌و گەلی دەوێ‌و کێش ئەوانە فیدای دەسەڵات‌و بەرژەوەندی خۆی دەکات.

دووهەم: دەزانین کێ باوەڕی بە دێموکڕاسیه و کێش باوەڕی بەدێموکڕاسی ڕاسیەقینە نیه و تەنیا ئەو دێموکڕاسێی قبوڵەکە بەنەفعی ئەلیاسخان بسووڕێتەوە.

سێهەم: دەزانین کێ ئامادەبوا مەشڕوعییەت بەهەڵبژاردنە کارتۆنێ کەی کۆماری ئیسلامی بداوکێش سادقانە ڕەتی کردۆتەوەو خەڵکی لە دەغەڵبازێکانی ئەو تیرۆریست پەروەرانە ئاگادارکردۆتەوە.

چوارەم: دەزانین کێ ئامادەبوا مبارەزەی دەیانساڵەی خەڵکی کوردستان‌و خوێنی بەناهەقڕژاوی زیاتر لە 45000 هەزار خەڵکی بەشەڕەفی کوردستان‌و خوێنی گەشی نیزیکەی 10000هەزار کادروپێشمەرگەی حیزبی دێموکڕات‌و سەرجەم حیزب‌و سازمانەکانی دیکەی کوردستان فیدای 2خاڵ لەقانوونی ئەساسی ئەو ڕێژێمە بێ قانوونە بکات‌و بەباسکڕاوەشاندن بگەڕێتەوە ژێرسایەی کۆماری دژی گەلی ئاخوندانی نوقمی تاوان‌و تاوانکاری.

پێنجەم: دەزانین کێ مافی ڕەواو مەشڕوعی بەرامبەرەکەی پێشێل دەکاو لەناو ناوبانگ‌و ناوەرۆکی ئەوکەڵک‌و ەردەگرێ.

شەشەم: دەزانین کێ بەڕاستی‌و بەئاشکرا عەوامفریبی دەکاو ناخوازێ کێشەکەی لەگەڵ لایەنی بەرامبەری چارەسەر بکاو سەر لە خۆی‌و شوێن کەوتۆکانی خۆشی دەشێوێنێت‌و خۆی لە هەقیقەتەکان دەشارێتەوە‌و ناخوازێ ملکەچی ڕاستێکان بێ‌و ئۆباڵی کاروکردەوەو سەرئەنجامی کردەوەکانیشی بخاتە ئەستۆی تێکۆشەرانی بەوەفاو ڕێبوارە ڕاستەقینەکانی ڕێبازی پیرۆزی شەهیدانی حیزب‌و گەل. بەو هیوایەی هەموومان‌و یژدانێکی پاک‌و سەربەخۆیکی کامیل سەروەرمانبن.

 

بابه‌تی‌ پێوه‌ندیدار:

جوابەکەتان زۆر ڕەواو و وردبینانەبوو، دڵسۆزانی ڕاستەقینە (بەشی یەکەم)

 

_________________________________________

تێبینی‌:

ماڵپه‌ڕی‌ "هه‌ڵۆی‌ كوردستان"

ـ له‌ به‌رامبه‌ر نێوه‌ڕۆكی‌ هیچ بابه‌تێكدا به‌رپرسیار نیه‌‌و نووسه‌ری‌ بابه‌ت به‌رپرسه‌ له‌به‌رامبه‌ر بابه‌تی‌ خۆیدا‌

ــ كه‌ڵك وه‌رگرتن له‌و بابه‌تانه‌ به‌ هێنانی ناوی سه‌رچاوه‌ یان له‌سه‌ر ئیزنی‌ نوسه‌ر ئازاده

 

ناردن بۆ تۆڕه‌ کۆمه‌ڵایه‌تی‌یه‌کان
جاری خوێندراوه‌: 1088
بۆچوونه‌کان (0)Add Comment

نووسینی بۆچوون
بچووکردنه‌وه‌ی خانه‌ی بۆچوون | گه‌وره‌کردنی خانه‌ی بۆچوون

busy