هه‌ڵۆی کوردستان

-
هەڵە
  • JFolder::create: Could not create directory

یەکیەتیی لاوان رۆژی دامەزراندنی رێکخراوەکەی راگەیاند

پۆستی ئەلیکترۆنی چاپکردن

lawan_-_damazrandn_4پێشنیوەرۆی رۆژی 23ی رێبەندانی 1391ی هەتاوی لە یەكێك لە بنكەكانی سەربە دەفتەری سیاسیی حیزبی دیموكراتی كوردستانی ئێران ، بە ئامادەبوونی هەریەك لە بەرێزان : حەسەن شەرەفی جێگری سكرتێری گشتی حیزبی دیموكرات و پرۆفیسۆر دكتور عێزەدین مستەفا رەسوڵ ، مومتاز حەیدەری، سەید عەلی رەحمانی جەلیل گادانی كەسایەتیەكانی تێكۆشەری نەتەوەكەمان، تاهێر مەحمودی و دارا ناتق ئەندامانی كومیتەی ناوەندی حیزبی دیموكرات، لوقمان عبداللە زادە ئامادەكاری مێژووی رێكخراو و ئەندامانی هەیئەتی ئیجرایی یەكیەتیی لاوان بە فەرمی 30ی رێبەندانی 1324 وەك رۆژی دامەزرانی یەكیەتیی لاوان راگەێندرا.

لەو کۆبوونەوەیەدا رۆژی ٣٠ رێبەندانی ساڵی ١٣٢٤‌ی هەتاوی بەرانبەر بە ١٩ی فێورییەی ١٩٤٦ی زایینی، وەک رۆژی دامەزرانی یەکیەتیی لاوانی دێمۆکراتی کوردستانی ئێران دیاری کرا.

هەر لەو پێوەندییەدا یەکیەتی لاوان راگەیەندراوێکیان بڵاو کردەوە کە نوسخەیەکی بە ماڵپەڕی "هه‌ڵۆی‌ كوردستان" گەیشتووە.

دەقی راگەیەنراوەکە بەم چەشنەیە:

 

هاونیشتمانە بەڕێزەکان

خەڵکی تێکۆشەری کوردستان

ئەندامان و لایەنگرانی یەکیەتیی لاوان

بە ئاگاداری هەموو لایەک رادەگەیەنین کە بە مەبەستی جێبەجێ کردنی بڕیاری کۆنگرەی ٦ی یەکیەتیی لاوان و راسپاردەکانی ٧مین کۆبوونەوەی کۆمیتەی بەڕێوەبەریی گشتیی یەکیەتیی لاوان، پاش دانانی لێژنەیەکی تایبەت سەبارەت بە دیاری کردنی رۆژی دامەزرانی یەکیەتیی لاوان و لە هەمان کاتدا، راوێژ و پرس و را بە پسپۆڕانی بواری مێژوو و ئەدیبان و نووسەران و کەسایەتییەکانی نەتەوەکەمان بەو دەرئەنجامە گەیشتین کە بە شێوەی سەمبۆلیک رۆژی ٣٠ی رێبەندانی ١٣٢٤ی هەتاوی وەک رۆژی دامەزرانی یەکیەتیی لاوانی دێمۆکراتی کوردستانی ئێران دیاری بکرێت ئەوەش لەو رەهەندانەوە سەرچاوە دەگرێت کە:

 

lawan_-_damazrandn_3


ــ یەکیەتیی لاوانی دێمۆکراتی کوردستانی ئێران بەرهەمی کۆماری دێمۆکراتیکی کوردستانە کەواتە بەو پێیە دوای ٢ی رێبەندانی ١٣٢٤ی هەتاوی دامەزراوە.

ــ گۆڤاری "هاواری نیشتمان " وەک زمانحاڵی یەکیەتیی لاوانی دێمۆکراتی کوردستانی ئێران یەکەمین ژمارەی لە ١ی خاکەلێوەی ١٣٢٥ی هەتاوی دەرچووە.

 

lawan_-_damazrandn_2


بەو پێیە ناکرێت چەند رۆژ دوای ٢ی رێبەندان یەکیەتیی لاوان دامەزرابێت و لە لایەکی دیکەشەوە، ئورگانی زمانحاڵی رێکخراوەکە کە گۆڤاری "هاواری نیشتمان"ـە کەلە ١ی خاکەلێوە دەرچووە ماوەیەک بۆ ئامادە کردن و چاپ و بڵاو کردنەوەی پێویست بووە، لەو نێوانەدا یەکیەتیی لاوانی دێمۆکراتی کوردستانی ئێران ٣٠ی رێبەندانی ١٣٢٤ی هەتاوی وەک رۆژی دامەزرانی رادەگەیەنێت لە سەرجەم خەڵکی کوردستان و ئەندامان و لایەنگرانی یەکیەتیی لاوان داواکارە هەموو ساڵێک لەو رۆژەدا ئەو یادە پیرۆز و مەزنە بە بەڕێوە بردنی جێژن و رێوڕەسمی تایبەت بەرز رابگرن.

یەکیەتیی لاوانی دێمۆکراتی کوردستانی ئێران

هەیئەتی ئیجرایی

٢٣‌ی رێبەندانی ١٣٩١


ناردن بۆ تۆڕه‌ کۆمه‌ڵایه‌تی‌یه‌کان
جاری خوێندراوه‌: 1691
بۆچوونه‌کان (0)Add Comment

نووسینی بۆچوون
بچووکردنه‌وه‌ی خانه‌ی بۆچوون | گه‌وره‌کردنی خانه‌ی بۆچوون

busy