هه‌ڵۆی کوردستان

-
هەڵە
  • JFolder::create: Could not create directory

راگەیەندراوی دەفتەری سیاسیی PDKI، بەبۆنەی تیرۆری سێ‌ چالاکی سیاسیی کورد

پۆستی ئەلیکترۆنی چاپکردن

حیزبی دێمۆکراتی کوردستانی ئێران لە راگەیەنراوێکدا تیرۆری چالاکانی سیاسیی کوردی لە شاری پاریس مەحکووم کرد.

دەقی راگەیەنراوەکە بەم چەشنەیە:

 

pdki_-_paris_teror_2


بەپێی ئەو هەواڵانەی لە پاریسەوە بڵاو بوونەوە شەوی چوارشەممە رێکەوتی ٢٠ی بەفرانباری ١٣٩١ی هەتاوی، بەرانبەر بە ٩ی ژانوویەی ٢٠١٣ی زایینی، سێ‌ خوشکی کورد بە ناوەکانی ساکین جانسێز، ڤیدان دۆغان ‌و لەیلا سویلەمەز، کوردی کوردستانی تورکیە کە خاوەنی رابردووی تێکۆشانی سیاسی و مافخوازی بوون، لە شاری پاریس پایتەختی وڵاتی فەڕانسە کەوتنە بەر هێرشێکی تیرۆریستی ‌و بە گوللە گیانیان لێ ئەستێندرا و لە بەرە بەیانی رۆژی پێنج شەممە ٢١ی بەرفرانبار تەرمی قوربانییانی ئەو تیرۆرە دۆزرایەوە.

دەفتەری سیاسیی حیزبی دێمۆکراتی کوردستانی ئێران، وێڕای مەحکووم کردنی ئەو کردەوە تیرۆریستییە بەداخ بوونی خۆی لەو رووداوە رادەگەیەنێ ‌‌و هاوخەمی خۆی لەگەڵ بنەماڵە و کەس و کار ‌و دۆستانی ئەو قوربانییانە دەردەبڕێ و هیوادارە کە وەزارەتی نێوخۆ و دەزگا پێوەندیدارەکانی پۆلیسی فەڕانسە هەر وەک رایانگەیاندووە، لێبڕاوانە شوێن پێی تیرۆریستەکان هەڵبگرن و تەسلیمی دادگایان بکەن و بە بیر‌وڕای گشتیی جیهانیان بناسێنن.

 

حیزبی دێمۆکراتی کوردستانی ئێران

دەفتەری سیاسی

٢٢ی بەفرانباری ١٣٩١ی هەتاوی

١١ی ژانوویەی ٢٠١٣ی زایینی

 

ناردن بۆ تۆڕه‌ کۆمه‌ڵایه‌تی‌یه‌کان
جاری خوێندراوه‌: 917
بۆچوونه‌کان (0)Add Comment

نووسینی بۆچوون
بچووکردنه‌وه‌ی خانه‌ی بۆچوون | گه‌وره‌کردنی خانه‌ی بۆچوون

busy