هه‌ڵۆی کوردستان

-
هەڵە
  • JFolder::create: Could not create directory

شینێک بۆ پەپوولە باڵ سووتاوەکانی ''شیناوێ''

پۆستی ئەلیکترۆنی چاپکردن

ahmad_sherbagi_-_shinawe_2ئەمرۆ گۆڵە سپی یەکانی'' سپی رێز''

گوڵاڵەکانی'' سپی سەنگ''

لە ماتەمی هەڵقرچانی پەپوولە کانی'' شیناوێ''

تێکڕا بەرگی رەشیان پۆشی ،

شینیان گێڕا بەکوڵ گریان

بە خەڵووزی جەستەی ڕەشیان

لەسەر تەختە ڕەشەی قوتابخانە

ڕستە ڕستە

''خــــــــــــــەم''یان نووسی

قوتابخانە ئەمرۆ بۆتە

هەزیایەکی چاوچنووکی هاری برسی

هەرنێڵەی دێ

هەر گرفەی دێ

سووتمانەکەی

چەند کوڵمەیەک لە پەری گوڵ

خەرمانەیەک لە ئاوریشم و لە قژی لول

ئاوردووکەی

هاوار و رووحی ترساوی پۆلێک پەپوولەیە

هەر پەنجەیە،ئاور دەگرێ و هەڵدەوەرێ

هەر جەستەیە بۆتە مەشخەڵ

گری گرتوە بۆ چرووکی لێ هەڵدەستێ

هەر خونچەیە دەزریکینێ .دەقیژێنی

دەم و لێوی هەڵدەقرچێ

ئاسمان ئەمرۆ هەر ڕەش دەچێ

ترسناکە

جگە لە سووتانی گۆشت و لە دووکەڵ و لە رەنگی ڕەش

هیچ بۆنی تر ،هیچ ڕەنگی گەش

بەدی ناکرێ

خۆر خەمناکە

خۆر تاریکە

یەک ئەستێرەش رووی تێناکا

پەپوولەکانی ''شــــــــــــــــیناوێ''

لەتاو ئازار

پێکەنینی لێوەکانیان زیزە

چاوەکانیان داخراوە

بێ برژانگە

پەنجەکانیان قەڵەم ناگرێ

ئیتر حەزیان لە نووسین نێ

بێزوو بە نەققاشی ناکەن

ئەمرۆ شەوقی سەمایان نێ

ئەمرۆ هێزی فڕینیان نێ

نە ئاڵە بووک،

نە بووکەڵەی ڕەنگاو ڕەنگ و نە مۆسیقا،نە گۆرانی

نە رەنگی گوڵ، هیچکامێکیان شـــــــــادیان ناکا،

هیچکامێکیان شادیان ناکا

شادیان ناکا...



ArtCreative Design and Custom coding
&feature">        

 

ناردن بۆ تۆڕه‌ کۆمه‌ڵایه‌تی‌یه‌کان
جاری خوێندراوه‌: 3908
بۆچوونه‌کان (0)Add Comment

نووسینی بۆچوون
بچووکردنه‌وه‌ی خانه‌ی بۆچوون | گه‌وره‌کردنی خانه‌ی بۆچوون

busy