هه‌ڵۆی کوردستان

-
هەڵە
  • JFolder::create: Could not create directory

سێدارە، سیاسەتێك بۆ بێدەنگكردنی كۆمەڵگا

پۆستی ئەلیکترۆنی چاپکردن

dara_-_sedara_3رێژیمی دیكتاتۆر و مرۆڤكوژی كۆماری ئیسلامی، یەكێك لەو رێژیمانەیە كە بە هۆی بەڕێوەبردنی رێژەی بەڕچاوی ئێعدامەكان، بە كۆماری سێدارە ناسراوە و بە پێی ڕاپۆرتی رێكخراوی جیهانيی مافی مرۆڤ، بە پلەی دووهەم لە بواری پێشڵكردنی مافی مرۆڤ و سەپاندن و بەڕێوەبردنی حوكمی ئیعدامەكان لە ئاستی وڵاتانی جیهاندا بەئەژمار دێت. ئەم سیاسەتەی رێژیم سەرچاوەگرتوو لەو ئەقڵییەتە چەقبەستوو و ئیدئۆلۆژییە داخراو و دواكەوتووەی ويلایەتی فەقیهە، كە وەك ناوەندی سەرەكی سەرجەم ئەو نەهامەتیانەیە ئەمڕۆ وڵاتەكەمان پێوە دەناڵێنێت و چارەنووسی كۆمەڵگای دەیان ميلیۆنيی ئێران بەڕەو ئاقارێكی ڕەش و نادیار دەبات. سیاسەتێكی مرۆڤكوژانە كە كۆماری سێدارە بۆ ماوەی زیاتر لە سێ دەیە بە شێوەیەكی سیستەماتیك و هۆڤانە، لە دادگاگەلێكی نیزامی و چەند خولەكیدا و بە دوور لە هەر چەشنە یاسا و رێسایەكی مرۆڤی، لە ژێر ناو و تاوانی ساختە و جۆراوجۆردا، حوكمی ئیعدام بە سەر هەزاران مرۆڤی ئازادیخوازو نیشتمانپەروەری وڵاتەكەماندا سەپاندووە و بەڕێوە بردووە، سیاسەتێك كە تاكوو ئەمڕۆش بە شێوەیەكی بەڕچاو بەڕێوە دەچێت. مەرامی گڵاوی رێژیم لەو كردەوە دژی مرۆییەی، چاوترسێن كردنی خەڵك و پێكهێنانی كەش و هەوایەكی ترس و وەحشەت و بێدەنگ كردنی كۆمەڵگای ئازادیخواز و مافخوازی ئێرانە. سیاسەتێك كە سەرەڕای ئەو هەموو زەبروزەنگ و توندوتیژییە، نەیتوانیوە پێش بە ئیرادەی شۆڕشگێڕی و مافخوازانەی گەلانی تینووی ئازادی لەو ولاتەدا بگرێ.

 

dara_-_sedara_2


بە پێی دوایین ڕاپۆرتی ئەحمەد شەهید، رێپۆرتێری تایبەتی نەتەوە یەكگرتووەكان، كۆماری سێدارە تەنیا لە هەشت مانگی رابردوودا، زیاتر لە 300 كەسی لە سێدارە داوە. زیاتر لە دە لە سەدی ئەو ئێعدامانە بە مەبەستی ترساندن و تۆقاندنی كۆمەڵگا، لە بەرچاوی خەڵك و لە شوێنە گشتییەكاندا بەڕێوەچوون. هەر بە پێی ئەو ئامارە فەرمیانە لە رۆژێكدا دوو كەس لە ئێراندا، لە سێدارە دەدرێن. ئەوە لە حالێكدایە كە ئاماری ئێعدامەكان زۆر لەوە زیاترە و رێژیم بەشێك لە زیندانییەكان لە ژێر ئەشكەنجە یان بە شێوەی شاراوە گیانیان لێ دەستێنێ و رایناگەیەنێت. بۆیە رێژەی ئێعدام لە ئێراندا زۆر لەوە زیاتر مەزەندە دەكرێت كە رێژیم باسی لێ دەكات. هەر لە دە رۆژی ڕابردوودا، بە پێی راپۆرتی ئاژانسە هەواڵدەريیەكانى سەر بە رێژیم نزیك بە 20 كەسی دیكە كە زۆربەیان كورد بوون بە بیانۆی قاچاخی مادە سڕكەرەكان لە سێدارە دراون. شەپۆڵی بەرفراوانی لە سێدارەدانی زیندانییەكان و ئەشكەنجە كردنیان بە تایبەتی لە رۆژانی ڕابردوودا، جارێكی دیكە كۆڕ و كۆمەڵە مرۆڤدۆستەكانی لە جیهاندا سەرسام و نیگەران كرد. رێكخراوەكانی مافی مرۆڤ و كۆمەڵگای نێونەتەوەیی جارێكی دیكە وێڕای مەحكووم كردنی سیاسەتی مرۆڤكوژانەی رێژیم، نیگەرانیی خۆیان لە ڕەوشی خراپ و مەترسیداری مافی مرۆڤ لە ئێراندا دەربڕی و خوازیاری راوەستانی ماشینی ئێعدامی كۆماری ئیسلامی بوون. سەرەڕای مەحكوومییەتی بەردەوامی رێژیم لە ئاستی بیروڕای گشتیدا و خواستی كۆمەڵگای نێونەتەوەيی لە ماوەی سێ دەیەی ڕابردوودا، لە پێناو راوەستانی ماشینی ئێعدام لە ئێراندا، مخابن ڕەوتی سەركوت و زەبر و زەنگ و پێشڵكارییەكانی مافی مرۆڤ و لە سێدارەدان، رۆژ بە رۆژ لە پەرەسەندندایە.


ناردن بۆ تۆڕه‌ کۆمه‌ڵایه‌تی‌یه‌کان
جاری خوێندراوه‌: 1091
بۆچوونه‌کان (0)Add Comment

نووسینی بۆچوون
بچووکردنه‌وه‌ی خانه‌ی بۆچوون | گه‌وره‌کردنی خانه‌ی بۆچوون

busy