هه‌ڵۆی کوردستان

-
هەڵە
  • JFolder::create: Could not create directory

چاو خشاندنێکی کورت بەسەر مێژوی خەباتی ژنانی رۆژهەڵات

پۆستی ئەلیکترۆنی چاپکردن

mona_-_mejoy_jnan_2بۆ ژنانی ئێران چالاکی سیاسی ، هێمای زیاتر لە سێ دەیە خەبات لەگەڵ رژیمی دژەژن‌و تۆتالیتێرییە كە بە پێشێلكردنی مافەكانی ژنان، بنەماكانی دەسەڵاتی بەهێزكردوە‌و لە یەكەمین رۆژەكانی بەدەسەڵات گەیشتنی، بە هێرشكردنەسەر مافەكانی ژنان‌و پەسەندكردنی یاسا دژە ژن‌و دواكەوتووەكانی، سیمای دزێوی خۆی ئاشكراكرد. بەردی بناغەی رژیمی ئیسلامی لە ئێران بە پەسەندكردنی یاساكانی هەڵاواردن دانراوە. ژنان بەردەوام قوربانیانی سەرەكی هەژاریی، بێكاریی، لەشفرۆشی، هەڵاوسان‌و گرانی، ئێعتیاد‌و باقی كێشە كۆمەڵایەتییەكانن لە ئێراندا‌و ئێستاش بە پەراوێزكەوتنی زیاتر رژیمی ئیسلامی لە ئاستی نێودەوڵەتی‌و ئابلۆقە بەربڵاوەكان دژی بەرنامە ئەتۆمییەكەی ئەم رژیمە، قەیرانی ئابوریی زیاتر لەهەركاتێك كاریگەری لەسەر ژیانی خەڵك بەتایبەت ژنان داناوە‌و، ئەوانی كردوەتە بێبەشترین توێژی كۆمەڵگا. ئێرانی ئیسلامی بۆ ژنان زیندانێكی گەورەیە كە دیوارەكانی بە رزیوترین یاساكانی كۆیلەتی قایمكراوە. سەرەڕای ئەمە بزووتنەوەی ژنان لە ماوەی دەسەڵاتی ئەم رژیمە، بزووتنەوەیەكی خۆڕسك‌و چالاك‌و خۆڕاگر بووە‌و لە هەموو ناڕەزاییەكان دژی كۆماری ئیسلامی چالاكانە بەشداربوون‌و پاڵپشتێكی گرنگ بۆ باقی بزووتنەوە كۆمەڵایەتییەكانی ئێران بوون‌و هەن.

ئێستا بۆ هەموو جیهان ئاشكرابووە كە لەودیو دڕندەیی رژیمی ئیسلامی دژی ژنان، چ خەباتێكی بەتین لەلایەن ژنان‌و پیاوانی ئازادیخواز لەئارادایە‌و سەرەڕای سیستمی دژە ژنی كۆماری ئیسلامی، ژنان لەهەموو گۆڕەپان‌و بوارەكانی ژیانی كۆمەڵایەتی‌و سیاسی پێگەیەكی گرنگیان بەدەستهێناوە. بزووتنەوەی ژنان لە ئێرانی ئیسلامی بووەتە یەكێك لە بەهێزترین بزووتنەوە كۆمەڵایەتییەكان، بوونی دەیان كەس لە ژنانی خەباتكار، لە پارێزەر‌و رۆژنامەنوس تا خوێندكار‌و هەڵسوڕاوی كرێكاریی لە زیندانەكان، نیشانەی بەشداری بەربڵاوی ژنان لە خەباتی ئەمرۆ‌و سبەینێی كۆمەڵگای ئێرانە.

بزووتنەوە كۆمەڵایەتییەكانی ژنان سەرەڕای دەسەڵاتی رژیمی ئیسلامی، بە خەباتی خۆی بناغەیەكی پتەوی دروستكردوە كە هەموو ئاماژەكان دەرخەری ئەو راستییەن كە لەگۆڕانكارییەكانی داهاتووی ئێراندا دەبێتە بەهێزترین بزووتنەوەی سیاسی‌و، كاریگەرییەكانی تا ئەو دیو سنورەكان دەڕوات.

لەكوردستانیشدا، ژنان لە چەند دەیەی رابردوو بەشدارییەكی بەرینیان لە هەموو بوارەكانی كۆمەڵایەتی، كولتوری، سیاسی‌و خەباتدا بووە‌و پێگەیەكی دیاریان دەستەبەركردوە. بەشداری بەربڵاوی ژنان لە بزووتنەوەی شۆڕشگێڕانەی كوردستان لەزیاتر لە سێ دەیەی رابردوو و فیداكاری‌و لەخۆبردوویی‌و بەرخۆدانی ئەوان لە سەنگەری خەبات، یارمەتیدەریان بووە تا ئەزمونگەلێكی پڕبەها بەدەستبێنن‌و بە بێ هیچ دوو دڵییەك‌و ماندوونەناسانە دژی رژیمی ئیسلامی خەبات بكەن. ژنانی كوردستان لەیەكەمین قوربانیانی زیندان، ئیعدام، ئەشكەنجە‌و دەستدرێژی لە سەرەتای هاتنە سەركاری ئەم رژیمە بوون‌و لە سەنگەرەكانی خۆڕاگری گەلی كورد لە زیندانەكان‌و لە خەباتی چەكدارانە چەندین حەماسەیان خولقاند‌و قارەمانانە فیداكارییان كردوە. بەشداری ژنانی كورد لە بزووتنەوەی سەراسەری ژنانی ئێران بەرچاوتر بووە‌و لەخەبات دژی دیكتاتۆری ئەم رژیم لە ریزی پێشەوەبوون.

لەماوەی سێ دەیەی رابردوودا، فیداكاری، خۆڕاگری‌و خەباتی نەوەیەك لە ژنانی خەباتكار، لە پێشیشیانەوە ژنانی چەپ‌و سوسیالیست بەسەر نێوچاوانی بزووتنەوەی ئازادیخوازانەی كوردستان دەدرەوشێتەوە.

ژنی کورد له‌بن ده‌سه‌ڵاتی‌ کۆماری‌ ئیسلامیدا ئه‌زموونێکی به‌ درێژایی زیاتر ڵه سێ ده‌هه‌ پر له‌ خه‌بات و هه‌ڵس و که‌وتی هه‌یه‌. ژنی‌ کورد له‌ هه‌ردوو لایه‌نی‌ خه‌باتی نه‌ته‌ویی و فێمنیستی‌دا ده‌وری هه‌بووه‌. ژنی کورد هیزی هه‌میشه‌یی‌ به‌رامبه‌رکێ له‌ گه‌ڵ هیزه‌کانی حکومه‌ت بووه‌. له‌ کاتی بردنی رۆڵه‌کانیان بو سه‌ربازیی زوره‌ملی بۆ شه‌ڕی ئیران و عیراق، هێزێکی به‌رگری بوون له‌ به‌رامبه‌ر هیرشی داگیرکه‌رانه‌وه‌ بو سه‌ر ماڵ وحاڵیان، هیزی پشتیوانی پێشمه‌رگه‌ بوون له‌ مه‌ڕ دابین کردنی پێداویستییه‌کانی شۆڕش له‌ کوردستاندا به‌ به‌شی سیاسی و نیزامییه‌وه‌. هه‌موو رۆژێک و ساتێک که‌وتنه‌ به‌ر شاڵاوی هیزه‌کانی حکومه‌تی دیکتاتۆریی‌ دینی و هه‌موو بواره‌کانی ژیانی بنه‌ماڵه‌یی و کۆمه‌ڵایه‌تیشیان که‌وته‌ به‌ر سه‌رکوتی قانونی پیاومه‌زنی و یاسای کۆنه‌په‌رستانه‌ی‌ شه‌رعی و ته‌نانه‌ت له‌شیشیان و بوون و که‌سایه‌تیی‌ ئینسانیشیان له‌ ژیر حیجاب و مه‌قنه‌عه‌دا شاردرایه‌وه‌. ئه‌مه‌ تا ئه‌و کات بۆ ژنی کورد نامۆ بوو. به‌ کۆمه‌ڵ و به‌ تاک گیران و که‌وتنه‌ به‌ر شالاوی ده‌سدرێژی جینسی و ئه‌شکه‌نجه‌وه‌. منداڵیان له‌ پیش چاویان ئه‌شکه‌نجه‌ دراوه‌، مێردیان له‌ شه‌ڕی رزگاری خوازیدا کوژراوه‌ و باری گرانی ژیانی پڕ له‌ زووخاو و مه‌ترسیشیان وه‌کوو تاقه‌ ده‌رهێنه‌ری نان که‌وتۆته‌ سه‌ر شان و له‌ هه‌مان کاتدا فشاری رۆحی "بێوه‌ژن" بوونیان له‌ کۆمه‌ڵگای پیاوسالار و دۆاکه وتوودا ،به‌سه‌ره‌وه‌ بووه له‌ کوردستان سه‌رای هه‌موو ئه‌م ده‌ردانه‌، به‌ڵام وشیاریی گشتیی ژنان و به‌شدارییان له‌ بواری چالاکیی کۆمه‌ڵایه‌تی، سیاسی و فه‌رهه‌نگی‌ و ئه‌ده‌بیدا زۆر به‌رینتر له‌ جارانه‌. سه‌ ره‌ڕای هه‌موو کوسپ و ته‌گه‌ره‌کان، ژنان ئه‌مرۆ له‌ له‌ ئاستی تێکوشانی سیاسی و مه‌ده‌نیدا هێزێکی حاشا هه‌لنه‌گرن. زانستی گشتی و هه‌ست به‌ تێکوشان بۆ رزگار بوون له‌ نێو نه‌سلی ئه‌مرۆی ژنی کورددا گه‌شه‌ی کردووه‌. ژنی شاعیر، نووسه‌ر، هونه‌رمه‌ند وسیاسه‌تمه‌دارمان که‌م نین. بزووتنه‌وه‌ی ژنان بووه‌ته‌ هێزێکی رخنه‌گر و خوازیاری پێکهینانی ئالڕ وگۆڕ. ئه‌م قه‌بووڵ نه‌کردنه‌ بو هێزی ژنان هه‌وێنی سه‌رکه‌وتنه ژنی کورد هاوکات له‌ گه‌ڵ تێکه‌ڵاوی و ماندوو بوون له‌ جوولانه‌وه‌ی نه‌ته‌وه‌ییدا، بۆ رزگاری خۆشی تێکۆشاوه‌. وا وێ ده‌چێت که‌ ته‌نانه‌ت خه‌باتی به‌هێزی‌ رزگاریخوازانه‌ی نه‌ته‌ویی که‌متر توانیویه‌تی هه‌وڵ دان بۆ رزگاری ژنان بخاته‌ په‌راوێزه‌وه‌. ئه‌مه‌ بنه‌مایه‌کی باشه‌ بو ئازادی زۆرتری ژنان و بۆ سه‌ربه‌خۆیی زیاتری بزاڤه‌که‌یان له‌ داهاتووی ئاڵ و گوره‌کاندا.

ماوه‌ی زیاتر ڵه سێ ده‌هه‌ی رابردوو بۆ ژنی کورد زیاتر ڵه سی ساڵ ئه‌زموونی پر بایه‌خ بووه‌. ئه‌گه‌ر چی له‌ لایه‌که‌وه‌ ده‌سکه‌وتی زۆرمان له‌ بوواری رۆشنبیری و وشیاریی فێمنیستی به‌ ده‌ست هێناوه‌، به‌لام له‌ لایه‌کی دیکه‌وه‌ له‌ گه‌ڵ رێژه‌ی زۆری خۆسووتاندن و ناهومێدی ژنان و بگره ده سدرێژی جنسی بۆ سه ر یان و پاشان کوشتنیان و فرێ دانیان ڵێره و له وێ رووبه‌روو بووینه ته وه. پێش هه‌موو کارێک لێکۆڵینه‌وه‌ و تێکۆشانی بێ‌وچان به‌ مه‌به‌ستی په‌رده‌ هه‌ڵدانه‌وه‌ له‌ سه‌ر ئه‌م دیارده‌ دڵته‌زێنانه‌، ئه‌رکی سه‌رشانی ئێمه‌ی ژنان و پیاوانی به‌ ده‌ربه‌ست و ئازادیخوازه‌ که‌ هه‌ڵسورانێکی وشیاری‌به‌خش له‌ پێناو بنه‌بڕ کردنی ئه‌م دیاردانه‌دا به‌ڕێوه‌ به‌رین. به‌ مێتۆدی شیاو و کاریگه‌ر پێوه‌ندی نیوان رۆشنبیری ژن و ژنانی زه‌حمه‌تکێش و بێ‌ده‌ره‌تان پێک بێنین. ئه‌مه‌ سه‌ره‌کیترین هۆکاری‌ سه‌رکه‌وتنی بزووتنه‌وه‌که‌ی ئێمه‌یه‌. هه‌وڵ بده‌ین بۆ فێر بوونی زۆرتر، یه‌کگرتوویی و هاوده‌نگیی زۆر زیاتر له‌ هه‌موو کاتێک. هه‌رچی خێراتر هه‌وڵ بده‌ین بۆ پێکهێنانی به‌ره‌یه‌کی یه‌کگرتووی ژنان به‌ پلاتفۆرمی هاوبه‌شه‌وه‌. داخوازییه‌کانمان لای خۆمان و بۆ ده‌سه‌ڵاتدارانیش روون و دابینکراو بێت. ئه‌م کاره‌ مه‌رجی‌ سه‌ره‌کییه‌ بو به‌رامبه‌رکێ له‌ گه‌ڵ هه‌ر هێز و لایه‌نێک که‌ بیهه‌وێ ژن بێده‌سه‌ڵات بکات یان حه‌قی بفه‌وتێنێ. هه‌روه‌ها نابێ بهێڵین ژن و بزووتنه‌وه‌ی‌ ژنان به‌ هیچ بیانوویه‌ک ببێت به‌ پاشکۆی جووڵانه‌وه‌ کۆمه‌ڵایه‌تییه‌کانی دیکه‌. ئه‌زموونی جووڵانه‌وه‌ی جیهانیی ژنان ئه‌م راستییه‌ی پێ سه‌لماندووین که‌ له‌ دنیای سیاسه‌تدا ئه‌گه‌ر به‌ داخوازی لانی که‌م قه‌ناعه‌ت بکه‌ین و ته‌نیا پاشکۆی‌ شۆڕشه‌ سیاسییه‌کان بین و داخوازی شه‌فاف نه‌هێنینه‌ ئاراوه‌، هه‌ر وه‌کوو ڵه پێشوتریش دا وامان کرد، جارێکی دیکه‌ش به‌ ئاسانی ده‌مانگه‌رێننه‌وه‌ ناو ماڵه‌وه‌. هه‌ر له‌ ئێستاوه‌ ده‌بێ پێش به‌ دووپات بوونه‌وه‌ی‌ ئه‌م ئه‌زموونه‌ مه‌نفییه‌ بگرین. ئه‌گه‌ر چی له‌و بڕوایه‌دا نین که‌ ژنانی وشیار و سه‌ربزێوی کورد مه‌ودا بده‌ن و بهێڵن مێژوو له‌م باره‌یه‌وه‌ دووپات ببێته‌وه‌

خه باتی چه کداری:

ئه‌نجامی‌ پێچه‌وانه‌ی‌ راپه‌رینی‌ خه ڵکی‌ ئێران له‌ ساڵی‌ 1357ی‌ هه‌تاویدا‌و هێرش‌و په‌لاماری‌ چه‌كدارانه‌ی‌ رژیمی‌ كۆنه‌په‌رستی‌ئێران بۆ سه‌ر ماف‌و ئازادییه‌كانی‌ كورد كه‌ به‌ره‌ورووبوونه‌وه‌ی‌ یه کی گشتی ڵه ڵایه ن کۆمه لانی خه لکی کوردستانه وه به‌ شوێنه‌وه‌ بوو، خاڵی‌ به‌ هێزی‌ چه‌كدار بوونی‌ ژنی‌ كورد توانی‌ خرۆشی‌ تایبه‌ت به م خ هباته ره وایه ببه خشێت. په‌لاماری‌ چه‌كدارانه‌ی‌ رژیمی‌ ئایینی‌ هه‌رگیز چاوی‌ ئه‌م تۆێژه‌ی‌ له‌ خه‌بات‌و تێكۆشان نه‌ترساند‌و به‌ پێچه‌وانه‌وه‌ ژنی‌ ئه‌مجاره‌ی‌ كورد به‌ داهێنانی‌ خۆی‌ راسته‌وخۆ تاوی‌ دایه‌ چه‌كی‌ پارێزگاری‌ ڵه ماف و ویست و داخۆازیێه کانی و كۆمه‌ڵ كۆمه‌ڵ له‌ ناو ریزه‌كانی‌ پێشمه‌رگایه‌تی‌ دا رێكخران‌و به‌شدارییان له‌ شۆرشی خه ڵکى ئازادی خۆازی کوردستان دا کرد.

یه‌كێك له‌و رێكخراوه‌ سه‌ره‌كییانه‌ی‌ ناو بزووتنه‌وه‌ی‌ كورد له‌ رۆژهه‌ڵاتی‌ كوردستان، كۆمه‌ڵه‌ وه‌ک ره‌وتێکی چه‌پ له کوردستان دا بوو كه‌ له‌ شۆرشگێرانه دا له‌ گه‌ڵ راگه‌یاندنی‌ هه‌ڵسوورانی‌ ئاشكرای‌ خۆی‌ دا بڕیاری‌ رێكخستنی‌ ژنانی‌ كوردی‌ له‌ ناو ریزه‌كانی‌ خۆی‌ دا‌و ئه‌م بریاره ش له‌ رووی‌ لێكدانه‌وه‌یه‌كی‌ سیاسی‌‌و واقیعی‌ بوو كه‌ پوتانسیلی‌ بزووتنه‌وه‌ی‌ كوردی‌ باشتر ده‌رده‌خست، بریارێكی‌ له‌و چه‌شنه‌ ئازایه‌تی‌‌و بوێری‌ سیاسی‌ خۆشی‌ گه‌ره‌ك بوو چوونكه‌ ده‌ست بردن بۆ بابه‌تێكی‌ له‌و چه‌شنه‌ زۆر ئاستنگی‌ به‌ربڵاوی‌ له‌ سه‌ر رێ بوو به‌ڵام نه‌شده‌كرا وا به‌ سانایی پشت له‌و وزه‌، به‌هره‌‌و توانایانه‌ بكرێت‌و نه‌ده‌گونجا به‌ هۆكاری‌ خۆ پاراستن له‌ تێك‌و پێكدانی‌ هیندێك یاساو رێسای كۆمه‌ڵایه‌تی‌‌و كولتووری‌ له‌و هێزه‌ كه‌ڵك وه‌رنه‌گیردرێت، له‌و قۆناغه‌دا ره‌نگبێ چاوه‌روانی‌ ئه‌وه‌ كه‌ ژنانی‌ كورد به‌و رێژه‌ به‌رفراوانه‌ به‌شدارییان له‌ شۆرشی‌ چه‌كداری‌ دا كرد چاوه‌روانییه‌كی‌ دوور ده‌ستتر بووبێ به‌ڵام به‌ پاڵپشتیی‌ ئه‌م بڕیاره‌ بوو كه‌ بۆ یه‌كه‌م جار ژنی‌ كورد ده‌بێته‌ پێشمه‌رگه‌‌و ده‌یسه‌لممێنێت كه‌ له‌ چه‌ك هه‌ڵگرتن‌و خه‌باتی‌ چه‌كداریش دا پێشه‌نگه‌‌و له‌ ئازایه‌تی‌ دا كه‌م ناهێنێت چوونكه‌ ئیراده‌ی‌ پۆڵایینی‌ خه‌بات‌و به‌رخۆدانی‌ تێدا به‌ هێز بوو، راستیه‌كانی‌ مێژوویی‌ له‌و په‌یوه‌ندییه‌دا زۆر به‌ڵگه‌مان بۆ ده‌رده‌خه‌ن‌و دیارده‌ی‌ ئازایه‌تی‌ ژنی‌ كوردمان بۆ ده‌سه‌لممێنن. دیارده‌ی‌ به‌شداریی‌ له‌ خه‌باتی‌ چه‌كداریدا له‌ روویه‌كه‌وه‌ به‌رگری‌ ئازایانه‌ی‌ ژنانی‌ كورد له‌ نه‌ته‌وه‌كه‌یان بوو‌و له‌ روویه‌كی‌ تریشه‌وه‌ خۆ سه‌لماندنی‌ ژن بۆ ویستی‌ به‌رابه‌ری‌ له‌ گه‌ڵ ره‌گه‌زی‌ به‌رانبه‌ری‌ بوو ئه‌مه‌ش فاكتۆری‌ به‌ هێز‌و نۆێ بوو كه‌ ته‌نیا نموونه‌یان ده‌توانین له‌ شۆرشه‌ پیرۆزی‌ گه‌لی‌ ویتنام‌و به‌ربه‌ره‌كانی‌ ژنانی‌ جیهان له‌ به‌رانبه‌ر نازیسم‌و فاشیزمدا له‌ سه‌رده‌می‌ شه‌ری‌ دووهه‌می‌ نێو ده‌وڵه‌تی‌ بدۆزینه‌وه‌.

له‌ قۆناغی‌ به‌رگری‌ چه‌كداری‌ دا ژنانی‌ كورد سه‌لمماندییان كه‌ ده‌توانن پێشمه‌رگه‌ بن‌و باری‌ فیزیۆلۆژی‌ ناتوانی‌ به‌ر به‌ستی‌ هه‌ڵسووران‌و تێكۆشانیان بێت، نه‌ریت‌و كۆمه‌ڵگا‌و یاساكانی‌ ناكرێت به‌ر به‌ داهێنانیان بگرێت. له‌و قۆناغه‌دا سه‌لماندیان كه‌ ده‌توانن سه‌ره‌رای‌ زۆر به‌ربه‌ست‌و ئاسته‌نگی‌ سه‌ر رێیان بوونی‌ خۆیان وه‌ك پیاو بسه‌لممێنن‌و له‌ گه‌ڵ ئه‌وه‌شدا كه‌ پترین گوشاری‌ ئایین، كۆمه‌ڵگا‌و نه‌ریتیان له‌ سه‌ر بوو به‌ڵام هه‌مدیس به‌ داهێنانه‌كانیان به‌ره‌ورووی‌ هه‌رچه‌شنه‌ كۆنه‌په‌رستییه‌ك ببنه‌وه‌‌و گشت قورسایه‌كانی‌ به‌رپرسایه‌تیی‌ مێژووییان به‌ دڵه‌وه‌ وه‌ربگرن‌و له‌ خه‌باتكردن دانه‌مێنن‌و ببنه‌ سه‌مبوولی‌ خۆراگری‌ ‌‌و هانده‌ری‌ شۆرشی‌ خه لکی شۆرشگێری کوردستان.

ده‌وری‌ كاریگه‌ری‌ ژنانی‌ كورد له‌و قۆناغه‌ هه‌ستیاره‌دا له‌ به‌راوه‌رد له‌ گه‌ڵ هه‌موو بزووتنه‌وه‌ی‌ كورد ده‌ورێكی‌ جیاوازتر بوو چوونكه‌ به‌ربه‌ره‌كانی‌ له‌ به‌رانبه‌ر زۆرداریی‌ كۆماری‌ ئیسلامی‌ كه‌ به‌ پێشكه‌وتووترین ته‌داروكاتی‌ لۆجستیكی‌ به‌ره‌و شه‌ری‌ كوردستان هاتبوو‌و بواری‌ جوغرافیاییی‌ ناوچه‌كه‌‌و خۆ رێكخستنی‌ ژنی‌ كورد له‌ ته‌ك شاخ‌و سه‌نگه‌ر هه‌رچی‌ پتر بوونی‌ ژنی‌ كوردی‌ وه‌ك مرۆڤێكی‌ به‌هێز‌و شۆرشگێر سه‌لمماند‌و شوناس‌و كه‌سایه‌تی‌ گرینگی‌ پێیان‌و به‌ بزووتنه‌وه‌كه‌یان به‌خشی‌‌و به‌ وریاییی‌ و وشیارییان كۆمه‌گی‌ شایانیان به‌ خۆراگری‌ كورد كرد.

ماوه ته وه بڵێن که:

گه‌یشتن به‌ ده‌سه‌ڵات بۆ ژن، ئه‌ویش له‌ کۆمه‌ڵگایه‌کی پیاومه‌زنی روژهه‌ڵاتی ناوه‌راست و له‌ نێو میلله‌تیکی‌ بنده‌ستدا، کاریکی هاسان نییه‌. ژنان ده‌بێ بۆ ئه‌م مه‌به‌سته‌ هه‌موو یان زۆربه‌ی کۆسپه‌ فیکری و ئه‌خلاقییه‌کان بڕووخێنن و نیشانی بده‌ن که‌ ده‌توانن بڕیار بده‌ن و ریبه‌ری بکه‌ن. بۆ هه‌موو کارێک به‌ چه‌ن قات زۆرتر له‌ پیاوان هه‌وڵ بده‌ن تا بیسه‌لمێنن شیاوی ئه‌وه‌ن که‌ داوای ده‌که‌ن.

دیاره‌ هه‌وڵدانی حیزبه‌کانی رۆژهه‌ڵات له‌گه‌ڵ هه‌موو که‌م و کورێکانیان به‌ گشتی کاریگه‌ری موسبه‌تی له‌ مه‌ڕ را و بوچونی کۆمه‌ڵگا ده‌بێت و جێی‌ خۆیه‌تی‌ که‌ ژنان چاکسازییه‌کی‌ جیددی‌ له‌م بوواره‌دا بکه‌ن به‌ داوایه‌کی‌ ئاشکرا له‌ هه‌موو حیزبه‌کان، به‌ڵام گرینگتر ئاماده‌ بوونی ژنان خۆیانه‌ بۆ به‌شداری له‌ وه‌ئه‌ستۆ گرتنی ئه‌رکی رێبه‌رایه‌تی نه‌ک هه‌ر ته‌نیا له‌ نێو حیزبه‌کاندا به‌ڵکوو له‌ به‌ڕێوه‌ بردنی ئه‌رکی کۆمه‌ڵایه‌تی، سیاسی و هه‌ر وه‌ها بوواره‌کانی دیکه‌شدا.

بزووتنه‌وه‌ی ژنان له‌ کوردستانی رۆژهه‌ڵات ده‌بێ له‌ تێڕوانینی بۆ داهاتووی ده‌سه‌ڵات له‌م به‌شه‌ له‌ کوردستان به‌ له‌ به‌رچاو گرتنی ئه‌زموونه‌کانی کوردستانی باشوریش، بۆ جێ‌خستنی فه‌رهه‌نگی یه‌کسانیخواز و مۆدێرن و هه‌روه‌ها بۆ بڕوا به‌خشین به‌ بزووتنه‌وه‌ی سه‌رکوتکراوی ژنان، داخوازی گه‌وره‌ بهێنێته‌ گۆڕێ و به‌ که‌م رازی نه‌بێت. ئه‌مه‌ش ناواقیعی نییه‌. نزیک به 35 ساڵ تێکۆشان و قوربانی‌دان وێڕای چوونه‌ سه‌ری راده‌ی وشیاری ژنان به‌ گشتی که‌ ده‌سکه‌وتێکی مه‌عنه‌وییه‌ و هه‌روه‌ها هاتنه‌ مه‌یدانی نه‌سلێکی‌ تێگه‌یشتوو و یه‌کسانیخواز روناک بیرو هه ر وه ها رۆژنابه نووس، که‌ره‌سه‌ی پیویستی ئه‌م گورانکارییه‌یه‌. ئه‌م نه‌سله‌ له‌ ئه‌گه‌ری هاتنه‌ پێشی ئاڵ وگۆڕه‌کاندا زه‌حمه‌ته‌ چی دیکه‌ خۆی به‌ شارۆمه‌ندی پله‌ دوو، بێ‌ده‌سه‌لات و چاوله‌ده‌ست بزانێت و گوێ‌ڕایه‌لی یاساکانی سیستمی پیاومه‌زن ونه‌ریتی ئایینی و کۆن بێت.

له‌ ماوه‌ی ده‌سه‌ڵاتداریی کوماری‌ ئیسلامیدا ژنان له‌ زۆر پایه‌ و پله‌ی پیشه‌یی و ده‌سه‌ڵاتداری بێبه‌ش کراون و به‌ هوی ئه‌م بێبه‌شییه‌وه‌ که‌لێنێکی زور له‌ باری لێزانی‌ له‌ سه‌رپه‌رشتی کاری کۆمه‌ڵایه‌تی ومودیرییه‌ته‌وه‌ که‌وتۆته‌ نێوان پیاو و ژنه‌وه‌. ئێمه‌ شاهیدین که‌ سه‌ره‌ڕای هه‌موو هه‌وڵ و ته‌قالای چالاکانی بواری مافی ژنان له‌ کوردستانی باشوور و بوونی ژنانی پسپۆڕ و لێهاتوو له‌ زۆربه‌ی‌ بواره‌کاندا، رێژه‌ی هێزی ژنان له‌ ده‌سه‌ڵاتدا به‌رچاو نییه‌. له‌ سه‌رکردایه‌تی هیچکام له‌ حیزبه‌کاندا ژن ئه‌ندام نییه‌، له‌ به‌رێوه‌به‌ریی ده‌زگا ئیدارییه‌کاندا وه‌کوو کارخانه‌، زانکۆ، شاره‌وانییه‌کان و ئیداره‌ی ئوستانه‌کاندا ژن یان هه‌ر نییه‌ یان زۆر که‌مه‌. هێشتا له‌ پاش راپه رینه وه ڵه ته مه‌نی حکوومه‌تی هه‌رێم ته‌نیا چه‌ن ژن توانیویانه‌ بگه‌نه‌ پله‌ی وه‌زاره‌ت. ئه‌م نموونانه‌ نابێ‌ ببنه‌ مۆدێلێک بۆ داهاتوو، به‌ڵکوو به‌پێچه‌وانه‌ وه‌کوو هانده‌رێک بۆ هه‌وڵی باشتر له‌ پێناوی رێفۆرمی یه‌کسانیخوازانه‌دا که‌ڵکی به‌نرخی لی‌ وه‌ر بگیرێت.

 

ناردن بۆ تۆڕه‌ کۆمه‌ڵایه‌تی‌یه‌کان
جاری خوێندراوه‌: 3590
بۆچوونه‌کان (0)Add Comment

نووسینی بۆچوون
بچووکردنه‌وه‌ی خانه‌ی بۆچوون | گه‌وره‌کردنی خانه‌ی بۆچوون

busy