هاوخه‌باته‌يل قه‌دردارمان له حزب دمۆكرات كوردستان ئيران و كۆمه‌ڵه‌ی شۆڕشگێره‌يل كوردستان ئيران
وه‌ناو كۆمه‌ڵه‌ی چالاكوانان به‌ش خوارگ كوردستان پيروزبايی له‌ليدان كه‌يم و ئمزا كردن ڕێككه‌فتننامه‌ی ئستراتژيك ناوبه‌يندان، به‌رز نرخنيم. وه‌له‌وه‌رچه‌وگردن ئاڵشتكاريه‌يل ناوچه‌گه، ئی ڕێككه‌فتنه هه‌نگاويگ سه‌ره‌تايی گرنگه ئه‌را يه‌كه‌وگردن گشت حزب ولايه‌نه‌يل سياسی ڕووژهه‌ڵات كوردستان و خه‌بات هاوبه‌ش ك ئوميدواريم بووده خاڵ سه‌ره‌تای دامه‌زرانن به‌ره‌ی كوردستانی له ڕووژهه‌ڵات كوردستان.
ئه‌وه‌ی ك ديار و ئاشكراس و فره جار جه‌خت له‌بانی كرديمه، يه‌كگرتن و كار هاوبه‌شه له‌ناوبه‌ين لايه‌نه‌يل كوردی له‌سه‌رتاسه‌ر كوردستان وه‌گشتی و ڕووژهه‌ڵات نيشتمان وه‌تايبه‌تی ك وه‌خوه‌شحاڵيه‌و ئيوه ده‌سپيشخه‌ر بوين له‌ی باره‌وه‌و ئيمه‌يش جوور كۆمه‌ڵه‌ی چالاكوانان به‌ش خوارگ كوردستان پشتگيری خوه‌مان ئاشكرا كه‌يم ئه‌را ڕێككه‌فتننامه‌گه‌دان و ئوميدواريم په‌ره‌ی زياتر وه‌پێ بدريه‌ێد و ئاماده‌ی هاوكاری و هاوبه‌شييمن له‌هه‌ر پرۆژه‌يگ ك خزمه‌ت وه به‌رژوه‌ندی گشتی ملله‌ت كورد له‌ڕووژهه‌ڵات كوردستان بكه‌ێد، و هه‌ر وه‌ی بوونه‌وه داوا له‌گشت حزب ولايه‌نه‌يل سياسی له‌ڕووژهه‌ڵات كوردستان كه‌يم ك وه ديد نه‌ته‌وه‌ييه‌و بنووڕنه ئی مه‌سه‌له‌و ئه‌وانيش به‌شدار بوون چونكه ئی ئه‌رك نيشتمانيه وه‌رپرسياريه‌تی گشتمانه‌و بايه‌د وه‌گشت لايگمان كار ئه‌را سه‌ركه‌فتنی بكه‌يم.
سه‌رله‌نوو ئمزا كردن ڕێككه‌فتننامه‌ی ئستراتژيك ناوبه‌يندان به‌رز نه‌رخنيمن و ئوميد سه‌ركه‌فتن ئه‌رادان ديريم له كار و خه‌باتدان له‌ڕێ وه‌ده‌سهاوردن هه‌قه‌يل ڕه‌وای نه‌ته‌وه‌گه‌مان له ڕووژهه‌ڵات كوردستان.
يه‌كگرتنمان، سه‌ركه‌فتنمانه..
كۆميته‌ی ناوه‌ندی كۆمه‌ڵه‌ی چالاكوانان كوردستان
01 خەرمانان 20712ی كوردی
22/8/2012ی زاينی
