هه‌ڵۆی کوردستان

-
هەڵە
  • JFolder::create: Could not create directory

خەمێکی بێکۆتایی (پێشکەشە بەگشت سۆمەییەکانی وڵاته وێرانەکەم)

پۆستی ئەلیکترۆنی چاپکردن

mona_-_xami_be_kotaey_2ئاوارەیەکی دڵ پڕ لەخوێن، و

چاو بەگریانی ئەم خاکەم

خاکێك،

کە بست بەبستی خوێنی لێدەچۆرێتەوە،

خۆزگه ئاواره دەکرێ و

هیوا لەسێـــــــــــــــــــداره...!

ڕێبۆارێکی رۆح ماندووی

ئەم هەرێمەم

هەرچی تێکۆشام

بوومه دەسته چیلەی ژیان و

هەر بوومه ڕۆڵەیەکی دڵشکاو...

بۆ هەر کوێ ملی ڕێم نایەبەر

هەر بوومه میوانی شۆستەکانی شار و

نێچێری دەستی زاڵــــــــــــــــــــــــم ...

ڕێبوارێکی دڵ پر لەزام و نابینام

ژیان بۆم بووەته دۆزەخێکی ئەبەدی و

منیش ڕۆڵەیەکی شەرمەزار...!

لەناو باوەشی کارۆخدا

هاوارم گەیشته عەرشی ئاسمــــــــــــــــــان

سەرم لە بەرد، دار، گیا و شاخ سوو

کون و کازیوەی ئەم هەرێمەم

کرده کۆشکی داهاتووی ژینم

بەڵام هەمدیسان

ئاواتم بوو بەبڵقی سەرئاو

دڵۆپ دڵۆپ، خوێنی رژانده

باوەشــــــــــــــــی بێدەنگی...!

هەر سەفەره و نامگەیەنێته مەبەست و

وەك چۆراوگەی بن گێسوانان

خوێنم دەچۆرێتە ناو جۆگەلەی ژیانەوه

دەرد و ئاوارەیی و

غـــــــــــــــــــــــــەریبی لەم وڵاته

وەك ئاش دەمهارێ

دەمگەوزێنێته ناو پێچ و پەنای ئەم دۆزەخەوه...!

...

ئەمرۆ من و خەم ، فرمێسك و ئاوارەیی

ئەوەڵ دوانەی ناو باوەشی شەوەزەنگین...!

گـــــــــــــــــــــــــــــــــــــەڕام و

گــــــــــــــــــــــــــــــــــــــەڕام

بوومه میوانێکی ماندووی بەندیخانه و

هاورێی دڵه خەمیـــــــــــــمینەکەم.

...

بوومه ئاوەڵی شەپۆلی دەریا و

لەناو هەورەکانا، بناغەی ئاواتم نایە سەر یەك

بەڵام

بەڵام هەمدیسان،گوڵی ئاواتم

سیس و ژاکاو هـــــــــــەڵگەڕا...!

بەقەدەر مێژووی ئەفسانەییم

فرمێسك بووه میوانی گۆنای چڕچ و لاوازم.

...

بەشوێن سۆیەکی مانگ و ئه ستێره

سەرگەردانی هەموو دوونیام...!

ژینم هەر روو لە پڕتووکانه و

ئاسۆم لێڵ..

نەمدی، نا نا نەمدی تاقە جارێك

ژینم ڕیشەی لەئاوی ژیان بخشێ و

تینیۆتی بشکێ

نەبوو جارێ بای شەماڵ هەڵکا و

ئارەقەی ماندووی سەر گۆنام

هەڵچۆرێنێ و

دڵی غـــــــــــــــه مگینم وەحەسێنێ...

....

 

ناردن بۆ تۆڕه‌ کۆمه‌ڵایه‌تی‌یه‌کان
جاری خوێندراوه‌: 1297
بۆچوونه‌کان (1)Add Comment
...
نووسراوه‌ له‌ لایه‌ن هاوار, August 10, 2012
dastt xosh be

نووسینی بۆچوون
بچووکردنه‌وه‌ی خانه‌ی بۆچوون | گه‌وره‌کردنی خانه‌ی بۆچوون

busy