هه‌ڵۆی کوردستان

-
هەڵە
  • JFolder::create: Could not create directory

من کچم، کچی رۆژهەڵاتم

پۆستی ئەلیکترۆنی چاپکردن

mona_-_mn_kchm_2من کچم، کچی رۆژهەڵاتم

من کچی شار‌و لادێی رۆژھەڵاتی کوردستانم

وەك هەزاران پەپوولەی دەشتەکانی کوردستان

لە وەرزێکی خوێنیندا چاوم بەدونیای پڕ لەنەهامەتی هەڵێنا،

یەکەم گەرای پێکھاتنم

لەگەڕەکه هەژار نشینەکان

لە حەسیراوا و

مەجبوراواکان

چێنرا

 

من كچم

کچی رۆژهەڵاتی کوردستانم

پاش 9 ساڵ‌و 9 مانگ له 8ی مارس

بەژانی کلارا زێتکینەوه

لەدایک بووم

من ھەروەکو ڕێواسی بن ڕەوەزان ھەڵکشام‌و باڵام کرد،

وا پێ گەییم،

بووم بە بڕواو

بووم بە ورەو بووم بە داری ھەزار ریشە‌و شاخ‌و بەرگم رۆژھەڵاتی داپۆشی ...

 

من کچم

کچی رۆژهەڵات منم

من کێوی باوەڕ‌و شاخی لەبن نەھاتووی کۆڵنەدانم،

ئاگر‌و ھەورە برووسکەم

لانکەی شۆڕش‌و به رخۆدانم

رۆڵەی شەوە زەنگ‌و هاوڕێی رۆژی تەنگانەم،

ورەم قەندیل ئاسا بەرزو، بەرز

بەرزتر دەبێ‌و بەرەو لووتکە ھەنگاو دەنێم

من رێبواری ڕێگای دوورم‌و سەفەر دەکەم بەرەو شاری ئازاد ژیان

 

من کچم

کچی رۆژهەڵاتم

من مەستوورەی ئەردەڵانم

خوێنی ڕژاوی سەر شەقامی سنەی قارەمانم

من شیرین عەلەم هولیم........

لەدایک بووی وەرزی شەو‌و شەوگارانی تاریک، تاریک، ھەر وەکو تاریکستانم

بەڵام ھەر من چراو، ھەر من مۆمی نەکوژاوەی ماڵانم

هۆ بیرت نەچێ

من تیشکی ھيواو بزەی سەرلێو‌و مانگەشەوی ئاسمانی خەباتی ھەژارانم ...

من شەهلا کولا قوچیم

مەلەکەی تاقه نانه یادگاری دوکتور جەعفەرم

ھەزار، ھەزار کوڕی ئازا‌و کچی خوێنگەرم

لەکۆشی کوردستانی شۆڕشگێڕ

لەدایک بوون

 

من منم

من کچی رۆژهەڵاتم

من کچێکم لەچەشنی

سووسەن فەریقی،

شاخان سەر شەقامم بوون

ئەشکەوتان تەلارم بوون

قەناسەکەی سەر شانیشم ھەموو موڵك‌و سامانم بوو ...

هەموو جۆره دەستێك هێرشی کردۆته سەرم

بەدار لێم دراوه

سەرم بە چەقۆ بڕدراوه

سەنگسار کراوم

لە زیندان کراوم

تەڵاق دراوم

 

من کچم

من کچی رۆژهەڵاتی کوردستانم

بیرت نەچێ

ھەزارانم لێ شەھێدە‌و ھەزارانێش دیل‌و ئەسیر،

بەڵام من ھەر مام‌و ھەر دەمێنم

 

من منم

من کچێ رۆژهەڵاتم

پەتی سێداره نامخنکێنێ

دوژمن نامگەوزێنێ

من زولفام

سۆمیەم

دۆعام

من نیشتیمانم

....

من کچم

کچی رۆژهەڵاتم

 

ناردن بۆ تۆڕه‌ کۆمه‌ڵایه‌تی‌یه‌کان
جاری خوێندراوه‌: 6766
بۆچوونه‌کان (3)Add Comment
...
نووسراوه‌ له‌ لایه‌ن هاوار, July 24, 2012

دووریم لەنیشتمان

ئاخ خودایە!
بووم بەهەور
وەك تنۆکی باران
دادەرژێمە نێو خاکەوە
نامۆم بەباوەشی دایکم
نامۆم بەخۆم
بوومە قوربانی هەوسبازییەکانی تۆ
ئێستا دوور لەجوانیەکانی تۆم
ئەی خوداوەندی جوانی
ئەی شاری بوونم
دوور لەتۆ کوا ژیان
دوور لەچاوی فێرگە* کوابوونم
ئەمێستاکە نەفیم لەتۆ
پڕم لەتاوە بارانی شەو
پڕم لەهەناسەکانی نیشتمان
چ زەمەنێکی سەختە
تۆ بوویتە وە‌همێك و
نەخشەی ژیان بەرەو دواوە ئاڕاستە دەکەیت
بەس، چاوەڕێم
و
بگەڕێمەوە باوەشت
ئەی نیشتمانم
بەقەد باڵای تۆ
ئەمشەو
لەچاوما بەفر باریوە
ئەی شاری** بوونم.!
چ زه‌مه‌نكی سه‌خته‌
باخۆر بێته‌وه‌
مه‌ڵێ: نایه‌ته‌وه‌
خۆر هه‌ر دێته‌وه***

هاوار طیب
________


* مەبەست زانکۆی تەورێزە
** شاری مەهاباد
کۆپه‌ شیعرێکی شاعیر عەزیز ئاجی کەند
...
نووسراوه‌ له‌ لایه‌ن هاوار, July 24, 2012
دەستی نووسەر خۆش بێت
...
نووسراوه‌ له‌ لایه‌ن هاوار, July 24, 2012
جوان بوو هاوڕێم، بەهیوام سەرفراز بیت

نووسینی بۆچوون
بچووکردنه‌وه‌ی خانه‌ی بۆچوون | گه‌وره‌کردنی خانه‌ی بۆچوون

busy