هه‌ڵۆی کوردستان

-
هەڵە
  • JFolder::create: Could not create directory

به‌یاننامه‌ی YJDKI به‌ بۆنه‌ی رۆژی جیهانیی بنبڕکردنی توندووتیژی دژ به‌ ژنان

پۆستی ئەلیکترۆنی چاپکردن

25_novamber_-_jnan

رۆژی نێونه‌ته‌وه‌یی هه‌وڵدان له‌پێناو له‌نێوبردنی توندووتیژی دژ به‌ ژنانه‌ و و هه‌موو ساڵێک له‌ ئاستی جهاندا رێز له‌م بۆنه‌یه‌ ده‌گیرێت، به‌ڵام ده‌بینین بارودۆخی ژنان باشتر نابێت. پرسی ژن به‌ گشتی و یه‌کێک له‌ لایه‌نه‌کانی پرسی ژن که‌ هه‌وڵدان بۆ بنبڕکردنی توندووتیژییه‌، مه‌سه‌له‌یه‌کی گرینگی نێونه‌ته‌وه‌یی دێته‌ ئه‌ژمار و خه‌باتی بێوچانی ژنان و‌ پیاوانی یه‌کسانیخواز بۆ دابین بوونی مافه‌کانی ژنان و به‌هێزکردنی رۆڵ و پێگه‌ی ژنان له‌ کۆمه‌ڵگا درێژه‌ی هه‌یه‌. چوونکه‌ هه‌موو پێوه‌ره‌کانی سه‌رده‌م ئه‌مه‌ ده‌خوازێ و ده‌سه‌ڵمێنن که‌ کاتی کۆتایی هێنان و بنبڕکردنی یه‌کجاره‌کیی‌ توندووتیژی دژ به‌ ژنان هاتووه و ده‌بێ هه‌وڵه‌کان له‌م بواره‌دا چڕتر بکرێنه‌وه‌.

‌هه‌رچه‌ند تێکۆشانی ژنان و پیاوانی یه‌کسانیخوازیش له‌ سه‌رانسه‌ری جیهان بۆ کۆتایی هێنان به‌ هه‌ڵاواردن و نادادپه‌روه‌ری درێژه‌ی هه‌یه‌، به‌ڵام ئێستاش ده‌یان میلیۆن ژن له‌ هه‌موو ئاستی جیهاندا هه‌ر له‌گه‌ڵ نادادپه‌روه‌ری، توندوتیژی و نایه‌کسانی له‌ نێو ماڵ، شوێنی کار و ژیانی کۆمه‌ڵایه‌تی به‌ره‌وڕوون. هێشتا کۆمه‌ڵگای جیهانی نه‌یتوانیوه له‌ بواری‌ یه‌کسانی جینسی و ‌توانمه‌ندسازی ژنان هه‌نگاوی پێویست هه‌ڵبگڕت. له‌ زۆر ده‌وڵه‌تی جیهاندا هێشتا به‌ هۆی لاوازبوونی کۆمه‌ڵگای مه‌ده‌نی دۆخی ژنان ومافه‌کانی ژنان به‌ باشی به‌ره‌وپێش ناڕوات. سه‌ره‌ڕای ئه‌وه‌ که‌ توندوتیژی دژی ژنان له‌ 125 وڵاتی جیهاندا نایاساییه‌، به‌ڵام هێشتا 603 ملیون ژن له‌ وڵاتانی جۆراوجۆری جیهاندا به‌سه‌ر ده‌به‌ن که‌ هێشتا توندوتیژی دژی ژنان وه‌ک تاوان ناژمێردرێت. هێشتا 30%ی ژنان له‌ زۆربه‌ی وڵاتانی جیهاندا مووچه‌ی که‌متر له‌ پیاوان وه‌رده‌گرن.

توندووتیژی دژ به‌ ژنان له‌ ئێران به‌ شێوازی جۆراوجۆر په‌ره‌ی سه‌ندووه‌ و ئێستا به‌ ئاستێک گه‌یشتووه‌ که‌ هه‌موو کارناسانی بواری کۆمه‌لایه‌تی نیگه‌ران کردووه‌ که‌ قه‌تله‌ نامووسییه‌کان، قاچاغی کچان و ژنان و توندووتیژی جینسی به‌رچاوترینیانن. له‌ چوارچێوه‌ی ماڵ و بنه‌ماڵه‌دا و له‌ نێو کۆچه‌ و بازار و زانستگا و شوێنه‌ گشتییه‌کاندا رۆژانه شاهیدی به‌ڕێوه‌چونی چه‌شنێک‌ توندووتیژی دژ به‌ ژنانین. ژنان به‌ هۆی ویستنی سه‌ره‌تاییترین مافه‌کانی مرۆڤی ژیانی خۆیان، له‌گه‌ڵ شێوازی جۆراجۆری توندووتیژی به‌ره‌ورو ده‌بنه‌وه‌. به‌ڵام سه‌ڕه‌ڕای ئه‌م دۆخه‌، سه‌رکووتی ئازادییه‌ تاکه‌که‌سی و گشتییه‌کان بۆته رۆتینی کار و سیاسه‌تی هه‌میشه‌یی و سیستماتیکی ‌کاربه‌ده‌ستانی کۆماری ئیسلامیی ئێران. به‌ پێی جاڕنامه‌ی گه‌ردوونیی مافی مرۆڤ حیزب و رێکخراو و سه‌ندیکاکانی سه‌ربه‌خۆ، ده‌بێ ئازادیی تێکۆشانیان هه‌بێ، به‌ڵام له‌ ئێرانی ژێر ده‌سه‌ڵاتی کۆماری ئیسلامیدا رێگایان پێ نادرێت ئازادانه‌ تێکۆشانیان هه‌بێت و هیچ رێزێك بۆ ئازادی تاكه‌كه‌سی‌ کۆمه‌ڵایه‌تییه‌کانى خه‌ڵک دانانى‌. به‌داخه‌وه‌ ‌کاربه‌ده‌ستانی رێژیم، ئێرانیان کردۆته‌ زیندانێکی گه‌وره‌ بۆ که‌سایه‌تییه‌ سیاسی و کۆمه‌ڵایه‌تییه‌کان، پارێزه‌رانی مافی مرۆڤ، حیزب و رێکخراوه‌کان و به‌تایبه‌ت نه‌ته‌وه‌ ژێرده‌سته‌کانی ئێران که‌ زه‌ختێکی دووقات و زیاتریان له‌سه‌ره‌‌.

چالاکڤانانی بزووتنه‌وه‌ی ژنان له‌ ئێران به‌ گشتی، له‌ ماوه‌ی ئه‌م چه‌ند مانگه‌ی رابردوودا که‌وتۆنه‌ته‌ به‌ر په‌ڵاماری شه‌پۆلێکی نوێی گرتن، ئه‌شکه‌نجه‌ و سه‌پاندنی حوکمی قورسی زیندان و هه‌ڕه‌شه‌کردن به‌ شێوه‌یه‌کی به‌رفراوان. تاوه‌کوو به‌م شێوه‌یه‌ بتوانن به‌ پێکهێنانی جه‌وی ترس و تۆقێنه‌ر ناچاریان بکه‌ن واز له‌ خه‌باتی مافویستانه‌ و یه‌کسانخوازیی خۆیان بێنن.

جه‌وی سه‌رکووت به‌ دژی چالاکڤانانی مافی ژنان روو له‌په‌ره‌سه‌ندن کردووه كه‌‌، له‌م دواییا نه‌دا ده‌ستبه‌سه‌رکردنی ده‌یان که‌س له‌ که‌سایه‌تییه‌ چالاک و به‌رچاوه‌کانی بزووتنه‌وه‌ی ژنان، هونه‌رمه‌ند، هه‌واڵنێر و پارێزه‌رانی مافی مه‌ده‌نیی خه‌ڵک ده‌نگی دایه‌وه‌ و ته‌نانه‌ت کاردانه‌وه‌ی نێونه‌ته‌وه‌یشی لێکه‌وته‌وه‌. ئێستا ده‌یان زیندانی سیاسی ژن له‌ گرتووخانه‌کانی ئێوینی تاران و شاره‌کانی دیکه‌ی ئێران و کوردستاندا هه‌ن که‌ ته‌نانه‌ت له‌ مافی مڕه‌خه‌سی بێبه‌ش کروان. زۆربه‌ی چالکڤانانی مافی ژنان سزای زیندانی درێژخایه نیان به‌سه‌ردا سه‌پێنراوه‌.

له‌م بۆنه‌یه‌دا راده‌گه‌یه‌نین که‌ له‌پێناو بنبڕکردنی شێوازه‌کانی توندووتیژی دژ به‌ ژنان، ئه‌رک و به‌رپرسایه‌تییه‌کی گرینگ و مێژوویی ده‌که‌وێته‌ سه‌ر شانی بنه‌ماڵه‌کان، ناوه‌نده‌کانی خوێندن، رێکخراوه‌کانی کۆمه‌ڵگای مه‌ده‌نی، سینفی و تاکه‌کان و میدیاکان، دیاره‌ یاسا و حکوومه‌ته‌کانیش ده‌توانن باشترین رۆڵ و به‌رپرسایه‌تی له‌م پێناوه‌دا بگێڕن.

 

یه‌کیه‌تیی ژنانی دێموکراتی کوردستانی ئێران

25ی نوامبری 2011

 

ناردن بۆ تۆڕه‌ کۆمه‌ڵایه‌تی‌یه‌کان
جاری خوێندراوه‌: 1294
بۆچوونه‌کان (0)Add Comment

نووسینی بۆچوون
بچووکردنه‌وه‌ی خانه‌ی بۆچوون | گه‌وره‌کردنی خانه‌ی بۆچوون

busy