هه‌ڵۆی کوردستان

-
هەڵە
  • JFolder::create: Could not create directory

ئێوە رۆژهەڵاتتان پێ ناگەوجێنرێ !

پۆستی ئەلیکترۆنی چاپکردن

Erfan_R_-_pjak_kodar_2پرۆژە نوێکەی جووت کارتۆنەکەی پەکەکە ( پژاک / کۆدار )

پاش پرۆژە ئابڕووبەرانەکەی جووت پارتە کارتۆنییەکەی پەکەکە بۆ رۆژهەڵات ( پژاک / کۆدار ) و پێداگرییان لەسەر یەکپارچەیی خاکی ئێران و " اتحاد ناگسستنی زاگروس - البرز" و دانی پەیامی ئاشکرا بە سەرلەشکری پاسدار " حاجی قاسمی سولەیمانی " کە سیاسییانە ! دڵی ئەو تیرۆریستەیان دەدایەوە " کە حاجی خەم مەخۆن ناهێڵین پەیوەندیی زاگرۆس - ئەلبورز تەنانەت تاڵە موویەکیش درزی تێکەوێ ! " ، دەمامک لە رواڵەتی شۆڕشگێڕانەیان هەڵماڵراو و تێکئاڵانیان لە گەڵ ریشی " خامنەیی " دا بۆ هەموان ئاشکرا بوو . ئەو بەناو پرۆژە ئابرووبەرانەیە و ناردنی دەیان پەیام بە بۆنەی " الاربعین الحسینی " و حەماسەی تاسووعا و عاشوورای حوسەین لە دەشتی کەربەلا و فرۆشتنی " چیای جاسووسان " بە " سەردار موحەمەدی پاکپوور بەرپرسی هێزی زەمینیی سوپای تیرۆریستی پاسدارانی ئێران " و یارگیریان بۆ " حیزبی وەحدەتی میللی ئێران / ناحیەی کوردستان " و " هەڵوەرینی بەشێکی زۆر لە کوردانی رۆژهەڵات لە پەکەکە " ، جووت پارتە کارتۆنییەکەی پەکەکەی لە رۆژهەڵات بە چەشنێ دایە بەر باهۆزی رەخنە و پلار و گاڵتەجاڕی ورد و درشتی خەڵکی رۆژهەڵاتی کوردستان کە جووت پارتە کارتۆنیەکە لە حەرەکەتێکی ئاکرۆباتیکی شوعبەدەبازانەی چاوبەستانەی مەسخەرەدا ، پرۆژەیەکی جوانیان دایە دەرەوە کە من بەش بە حاڵی خۆم لەگەڵ هەموو خاڵەکانیدا هاوڕام ! . بەڵام هەر وەک ئیمام عەلیی کوڕی ئەبووتالیب دەڵێ " کلمە حق یراد بها باطل / وشەگەلێ " راست " ن کە " ناراست " ێ هەڵی گرتوون ! " پێتان سەیر نەبێ کە رستەیەکی ئیمام عەلیم هێنایەوە نا ! ئێوە کە هاوپەیمانی حیزبوڵای لوبنان و عەسایبی ئەهلی حەق و حەشدی شەعبی و موخلیسی " حاجی قاسمی سولەیمانی " ن ، باش لە فەرمایشتەکانی ئیمام عەلی و خوتبەکان " نهج البلاغە " تێدەگەن ، هەر بۆیە ویستم بە ئەدەبیاتێ وەڵامتان بەدەمەوە کە گوێتان باش پێی ئاشنایە !

 

Erfan_R_-_pjak_kodar_3


باشە ئێوە تا دوێنێ بە پارتەکانی رۆژهەڵاتتان دەگوت " فاسۆلیا خۆر " و " حیزبی کلاسیک " ئەدی ئێستە چۆنە داوای " درۆیانەی بەرەی کوردستانی و نیشتیمانی دەکەن ؟! " مەڕۆن ! با سێ بابەتی لاوەکیشتان بۆ روون بکەمەوە سەربازانی حاجی قاسمی سولەیمانی ! . یەکەم : " فاسۆلیا کە لە رۆژهەڵات لوبیای پێدەڵێن " خواردنێکی ئاساییە و بەپێچەوانەی باشوور و لە رۆژهەڵادا عادەت نیە زۆر بخورێ ، هەرچەند خواردنییشی نە عارە و نە شوورەیی . دەزانن شوورەیی چیە ؟ ئەگەر نازانن با تێتان بگەیەنم . شورەیی و ریسوایی " خواردنی شولە زەردی دەستی سوپای پاسدارانی ئێرانە " کە ئێوە سێژەمە لمۆزتان تێ ژەنیوە . دووهەم ، بە پارتەکانی رۆژهەڵات دەڵێن " حیزبی کلاسیک " ، بەراستی نەخوێندەوار و کاولن ! ئاخر وشەی " کلاسیک " تەنیا بۆ " هونەر و ئەدەب " بەکار دەچێ و هەڵگری هیچ مانایەکی نیگاتیڤ نیە . ئەگەر نازانن ، بزانن کە موزیکی " بتهۆڤن و موزارت " یش کلاسیکن ! یانی خاوەنی فرموول و بنەما و ستراکچەری لۆژیکی و سۆبژکتیڤن . سێهەم : کوڕە شوورەییە ! بە خۆتان مەڵێن " ئاپۆچی " . چونکە " چی " بە " کار و حیرفەوە دەلکێ " وەک : تەنەکەچی ، پەنچەرچی و قاچاخچی " دەکرێ بەخۆتان بڵێن " ئاپۆئیست " یان لانیکەم ئێوە کە کاک عەبدووڵای ئۆجالان هەر دەپەرستن بە خۆتان بڵێن " ئاپۆپەرست لەسەر وەزنی بوتپەرست " .

بەڕیزێ کە ئەندامی " کۆنگرە " تەنەکە " ییەکەی پەکەکەی ناسراو بە " کەنەکە " یە لە فەرمایشتێکی تۆمار کراو دا دەفەرمووێ " پەکەکە لە تاران نوێنەرایەتی هەبوو و تەنانەت هاوکات کە لە قەندیل لەگەڵ سپای پاسداران پەکەکە شەڕی دەکرد ، گەریلا بریندارەکان { لە لایەن سپای پاسدارانی ئێرانەوە } لە دەرمانگاکانی " اورمیە / ورمێ " دا، چارەسەر دەکران !!!! . دەی مەردی حیسابی و لێکۆڵەری سیاسی و پیاوی چاک ! ئێمە زیاد لە ٢٠ ساڵە هەر ئەو قسەیەی جەنابت دەکەین و شەڕی پەکەکە و ئێران تەنیا بە " فیلم و سیناریۆی ساختەی کاک جەمیل و حاج قاسم " دەزانین و گوتویشمانە کە هیچ لایەک بۆ بەڕەوپێشبردنی پرۆژەکانیان دەربەستی " کوژرانی چوار گەریلای هەناسە سارد و پێنج پاسداری بەکرێگیراو " نایەن .

ئەو بەڕێزە لە کۆتایی فەرمایشتەکانی دا دەفەرمووێ " ئەم پەیوەندییە نوێێە {ههههههههه} " . وەڵا برا راست دەکەی نوێیە ! بەکرێگیراوی بە رۆژی رۆشن لە رۆژهەڵات دا بۆ سپای پاسدارانی ئێران ، هەر فرە نوێیە و داهێنانی ئێوەیە و هەقە داوای هەقی کۆپیڕایتیش بکەن لە خوێش و بێگانە ! . بە " ابوالفضل العباس و جعفر الطیار " سوێندتان دەدەم کە " ئێوە خۆتان جوکن یان خەڵک بە جوک دەزانن ؟! " . شعوور نیعمەتێکی خراپ نیە و کەڵکی لێوەرگرن ! ئێوە رۆژهەڵاتتان پێ ناگەوجێنرێ !

 

 ___________________________________

 ــ بۆ پێوه‌ندی‌ گرتن له‌گه‌ڵ‌ به‌ڕێوه‌به‌ر‌ى ماڵپه‌ڕ له رێگه‌ی‌ فه‌یسبووكه‌وه‌ ئێره‌ كلیك بكه‌ 


ناردن بۆ تۆڕه‌ کۆمه‌ڵایه‌تی‌یه‌کان
جاری خوێندراوه‌: 1648
بۆچوونه‌کان (0)Add Comment

نووسینی بۆچوون
بچووکردنه‌وه‌ی خانه‌ی بۆچوون | گه‌وره‌کردنی خانه‌ی بۆچوون

busy