هه‌ڵۆی کوردستان

-
هەڵە
  • JFolder::create: Could not create directory

کەس بە دۆی خۆی ناڵێ ترشە!!! وڵامێک بۆ هێمن سەیدی

پۆستی ئەلیکترۆنی چاپکردن

 

 kawa_hasanpoorلەم چەند رۆژە دا نوسراوەیەکی بەڕێز هێمن سەیدی لە رۆژهەڵات تایمز دا بڵاو بۆوە کە زیاتر وەک بۆق و قین لە زگ هەڵڕشتن دەچوو تا بابەتێکی رەخنەیی، بەرجەستە کردنەوەی گرفتە دەروونییەکانی خۆی بوو تا رەخنە گرتن لە کەسایەتییەکی سیاسیی بە ئەزموون و بە ئەخلاقی وەک کاک مستەفا هیجری. بە داخەوە رۆژهەڵات تایمز هەر لە بنیادەوە جەبهەیەکی دیاری کراوی بەرامبەر بە حدکا گرتووە و بە بابەتی ناشیرین و بڵاو کردنەوەی بۆچوونی ناشیرن تری زۆر یەک لە خوێنەرانی نەک هیچ خزمەتێک بە رۆژنامەگەری ئازاد ناکا بەڵکوو بۆتە سەکۆی ئاژاوەنانەوە و مەیدانی تۆمەت بارکردن و جنێو نووسین. گەلۆ ئەو هەموو هەوڵە بۆ ئاژاوە ساز کردن و ناتەبایی دەگەڵ حدکا لە پێناو چ ئامانجێک دا بەڕێوە دەچێ؟ ئەو کەسانەی لەو نێوە دا قازانجیان پێ دەگا کێن و چ لایەنێکن؟

لە ساڵی 1975 دا ئامریکا وەکوو کوێخا و ردێن سپی و بناغەدانەری پەیمانی ئەلجەزایر سەددام حوسێن و شای ئێرانی لە سەر میزی موزاکرە دانا و پێکی هێنان و لە ئاکامی ئەو پەیمانە دا پتر لە دەیان هەزار کورد بوونە قوربانی و ئاوارە و وەیلان بە شاخ و چیاکانی کوردستانەوە هەڵگەڕان، هەنووکە پاش 35 ساڵ بە سەر ئەو کارەساتە دا پێوەندیە دەسەڵاتی کوردی لە باشور دەگەل ئامریکا دە چ ئاستێک دایە؟ خۆ برینی ئامریکا زۆر لە جنایەتەکانی رەزا شا و حەمەرەزا دەرحەق بە گەلی کورد کاری تر بووە کە وابوو بە پێی تێزەکەی جەنابی سەیدی ئامریکا لەبەر ئەو جنایەتەی دەرحەق بە کورد کردوویەتی دەبوا هەتاهەتایە کەوتبا بەر لەعن و نفرینی خەڵکی کوردستان! بەڵام سیاسەت بە رۆژە و توندئاژۆیی لە سیاسەت دا بەرەو هەڵدێر دەچێ و مەحکووم بە فەوتان و نەمانت دەکا. با نموونەیەکی دیکە بێنینەوە کوڕی مستەفا خومەینی یانی ئاغای حوسێن خومەینی کە دەبیتە نەوەی ئایەتوڵڵاخومەینی هەر لە سەرەتاکانی هاتنە سەر کاری کۆماری ئیسلامی بە هۆی بیرو ڕای جیاواز کەوتە پەڕاوێزەوە و لە ساڵی 2004 دا بە هۆی سەفەرێکی بۆ وڵاتی ئامریکا و دانیشتن دەگەڵ ئوپوزیسیۆنی دژبەری کۆماری ئیسلامی لە 2005 وە لە شاری قوم دە (حبس خانگی) دایە، ناوبراو زۆر جار لە ئاخاوتن و بەیاننامەکانیدا گوتویەتی ئازادی خەڵکی ئێران بە لابردنی ئەو رژیمە وەدی دێ. لە بیرمە چەند ساڵ لەمەوبەر ئەو کات کە گۆڤاری( شهروند) لە ئێران دەردەچوو فایلێکیان تایبەت بە خومەینی چاپ کرد و وت و وێژێکیان دەگەڵ هاوسەری خومەینی یانی خانمی سەقەفی پێک هێنابوو ناوبراو لە پرسیارێکدا لە سەر حوسێن خومەینی جوابی داوە کە ئەوە لە بنەماڵەی ئێمە نییە و ئیمام کاتی خۆی فەرموویەتی ئەوە بیژوویە. کەوابوو بە پێی فەرمایشتی کاک هێمن: ئێمه‌ی کورد ده‌گه‌ل ئه‌و کابرایه و ده‌گه‌ل باب و باپیریشی کێشه‌مان بووه کەوابوو وەرن با لەناوی بەرین با ئەو برادەرە دوژمنی کۆماری ئیسلامیش بێ و بۆ ئازادی و دێمۆکراسی وڵاتەکەی تێکۆشابێ. بە داخەوە بیر و رای کاک هێمن سەیدی و ئەدەبیاتی نوسینی لەو پیوەندییە دا لە مامۆستایەکی زانکۆ ناوەشێتەوە و پتر وەک بیر و بۆچوونی مرۆڤێکی هەستیاری بێسەواد دەچێ تا مرۆڤێکی سیاسیی و ئاکادمیی دیتوو. ئەوەندی من ئاگام لێ بووبێ و بەیانییە و بلاڤۆگ و وت و وێژەکانی رەزا پەهلەویم دیتبێ قەت باسی سەڵتەنەت و گەڕانەوی سیستمی ئێران بۆ سیستمێکی پاشایەتی تیدا نەبووە و ئیدعاشی نەکردووە، مەبەستی من لەو باسە ئەوە نییە دیفاع لە پەهلەوی و بنەماڵەکەی بکەم بەڵام رەزا پەهلەوی بە تایبەت لەم ساڵانەی دوایی دا باسی دێمۆکراسی و پلۆرالیزم و هەڵبژاردنی کردووە و هیچ باسێکی بڤە و غەیری عەقلانی لە لایان ئەو و دارودەستەکەی نەهاتۆتە ئاراوە کە ئێمە و هەر لایەنێکی کوردی و ئێرانی دیکە نەتوانین بیر و را گۆرینەوەی دەگەڵ بکەین، کارمان بە هەوادارانی ئەو بنەماڵەیە نییە کە وەکوو سەمبۆل و شای ئێران رێزیان بۆ دادەنێن. جەنابی سەیدی لە پاراگرافی ئەوەڵی نووسینەکەی دا دەفەرموێ ((کاک مستەفا بە خشکە لە رەزا پەهلەوی نزیک بۆتەوە)) سەیرە ئەگەر بە خشکە نزیک بۆتەوە جەنابت چۆنت زانیوە و وەک کۆماری ئیسلامی دەهۆڵی بۆ هەڵدەگری؟ هیچ پێویست بە خشکە ناکا و کاک مستەفا هەر لە سەر تیشک باسی کردووە و حدکاش نایشارێتەوە کەوابوو هیچ بە خشکە نەبووەhemn_seydi_-_rojhelattimess تا جەنابت لەو ئاوە قوڕاوە ماسی بگری!

لە ئاماژە بە فێدرالیزم دا دەفەرموێ:

فیدرالیزم؟

*((ره‌نگه ئه‌وه‌ی که جارێک رضا پهلوی له کۆرێکی بچوکدا گوتبێی فیدرالیزم ده‌کرێ وه‌کوو "یکی از گزینه‌های احتمالی" بۆ داهاتووی ئێران له‌به‌ر چاو بگیرێ، بوبێته هه‌وێنی دلخۆشی کاک مصطفی. به‌لام ئه‌گه‌ر پێوانه ئه‌وه بێ، خۆ محسن رضایی زۆر زیاتری باسی فیدرالیزم کردووه و ته‌نانه‌ت له به‌رنامه‌ی سیاسی خۆی له کاتی پێشبرکێی سه‌رۆک‌کۆماری له تله‌ویزیۆنی حکومه‌تیی ئێرانیش‌دا باسی کردووه. ئه‌گه‌ر پێوانه‌ش هێز و ده‌سه‌لات بێ، خۆ ده‌سه‌لاتی ئێستای محسن رضایی و ئه‌گه‌ری ده‌سه‌لاتداریی لە داهاتوودا، زۆر له رضا پهلوی زیاتره. ئێستا ئێمه ده‌بێ چ بکه‌ین؟ مه‌جبورین هه‌ڵبژێرین؟!))

فێدرالیزم لە ئیران دا نە حدکا و نە پان ئێرانیست و نە کوڕی شا و نە هیچ لایەنێک ناتوانێ مەشروعیەتی پێ بدا یان لێی بستێنێتەوە، بەڵکوو ئەوە نەتەوکانی ئێرانین بڕیاری لە سەر دەدەن، بۆ ئاگاداری جەنابی سەیدی ئیستا پتر 90 لە سەدی ئوپوزیسیۆنی فارس بە کەسایەتی سەربەخۆ و حیزبەکانیانەوە کێشەی ئەساسیان دەگەڵ چەمکی فێدرالیزم هەیە و ناتوانن قەبوڵی بکەن ئیدارەی داهاتووی ئیران لە نێو نەتەوەکانی بن دەست دا دابەش بکرێ، بەڵام ئەرکی سەرشانی هەموو ئەو حیزب و لایەنانەی بۆ ئەو مەبەستە کار دەکەن و فێدرالیزمیان وەکوو شوعار و ستراتێژی لە بەرنامە داهەیە ئەوەیە کە دەگەڵ هەموو لایەنێک دابنیشن و بیر و را بگۆڕنەوە، موبارزەی بۆ بکەن و هەر لە ئێستاوە زەمینەی بۆ فەراهەم بکەن جا ئەو لایەنە کوڕی شایە یا هەر گروپ و لایەنێکی تر، قەرار نییە چوون رەزا پەهلەوی یان ئەم و ئەو دەگەڵ فێدرالیزم کێشەی هەیە قسەی دەگەڵ نەکرێ و سەرپۆش لە سەر داواکانمان دابنێین.

ئەرکی حیزبی مەسئول و بە ئیعتبار ئەوە نییە بە قەولی جەنابی سەیدی دەفەرموێ بچێ بەربینگ بە کەسایەتی و لایەنان بگرێ کە وەرن جارێ با حیسابی باب و باپیران و پاک کەین جا دوایە بە یەکەوە دادەنیشین. من رووی پرسیارم هەر لە جەنابیانە بەڕاست ئەو کردەوە و هەنگاونانەی جەنابی سەیدی باوەڕی پێیەتی لە حیزبێکی بە ئەزموون و مەیدان دیدەی وەک حدکا دەوەشێتەوە کە خۆی بە میرات گری دوکتور قاسملوو دەزانێ؟ ئەو پیاوە مەزنەی لە هەموو دونیا بە پێغەمبەری ئاشتی نێوبانگی دەرکردووە؟ ئەو پیاوە مەزنەی دەگەڵ کۆماری ئیسلامی موزاکرە و وت و وێژی کرد خۆ ئەگەر بە پێی فەرمایشتی جەنابی سەیدی پۆلێن بەندی بکەین و لە نیوان کۆماری ئیسلامی و کوڕی شا دا هەڵبژێرین کۆماری ئیسلامی بە دەیان قات دڕندە تر بووە و هەر لە سەر میزی موزاکرە ئەو سەرکردە مەزنەی لی تیرۆر کردین، بەڵام رەزا پەهلەوی تاوانەکەی ئەوەیە کوڕی شای ئێران بووە و نە رێبەری لە سەر میزی موزاکرە لێ تیرۆر کردووین و نە فەرمانی جەهادی بە دژی گەلەکەمان داوە!!!

ئەوەی زۆر جێی تێڕامانە جەنابی سەیدی پێی وایە فێدرالیزم بە هۆی بوونی دەسەڵاتی زیاتری لایەنێک پێک دێ یانی ئەگەر موحسین رەزایی لەو هەڵبژاردنەدا دەنگی هێناباوە لەوانە بوو فێدرالیزم بکاتە کادۆ و بە نەتەوەکانی ئێرانی ببەخشێ، کاک هێمن دەگەڵ ئەوەی دا کە چەند ساڵی دە حدکا و حدک دا مەیدانی سیاسیی دیوە هێشتا نەیزانیوە کە لە نیو دەسەڵاتی هەنووکەیی ئێرانیش دا ئەوە ئەرکی سەرۆک کۆمار نییە کە شێوەی دەسەلات بگۆڕێ بەڵکوو دەتوانی وەکوو گەڵالەیەک پێش کێشی پارلمانی بکا بەڵام ئایا مەجلیسی شۆرای ئیسلامی بەو ئەندێشە و بیرەوە و بە کۆڵێک نوێنەری ئوسول گەراوە دەتوانێ و دەیهەوێ گەڵالەی ئاوا بکاتە یاسا؟ بێگومان هەر پیش هێنانە بەرباسی کێشەیەکی ئاوا بڤە لە سەر کار وەلا دەچێ جا ئەو کەسە ئەحمەدی نەژاد بێ یا موحسین رەزایی! بەڵام هەر داماننا ئەو گەڵاڵەیە لە لایان نوێنەرانەوە چەسپا و بوو بە یاسا ئایا شۆرای نیگابان تەئیدی دەکا؟ ئایا جەنابی ئاغا(خامنەای) بە دڵی دەبێ؟ ئایا کۆماری ئیسلامی یەک پیت و وشە لە حکومتی واحیدی ئیسلامی دێتە خوارێ؟

هێرشی نیزامی؟

((ره‌نگه هه‌ست کردن به نیزیک‌بونی هێرشێکی نیزامی، دیسان کاک مصطفی‌ی هه‌لخه‌له‌تاندبێ. 6 سال پێش ئێستا له پێلێنۆمی حدکا دا ( 30 جۆزه‌ردانی 1384) که ئه‌وکات ئه‌و ئه‌گه‌ره زۆر به‌هێزتریش بوو، پێی گوترابوو که حیساب له‌سه‌ر هێرشی ئامریکا، هه‌م خه‌ونه و هه‌م شه‌رمه! خه‌ونه چون هیچ‌کات وه‌دی نایه، شه‌رمه چون پێ له جێ‌ پێی مارینزی ئامریکایی بنێی و بچێوه ولاته‌که‌ت، زیاتر له‌وه‌ی که شۆرشگێری نه‌ته‌وه‌که‌ت بی، به‌کرێ‌گیراوی داگیرکه‌رێکی دیکه‌ی. ره‌نگه هێرشی نیزامی بۆ رضا پهلوی که حازره به هه‌ر قیمه‌تێک دیسان به ده‌سه‌لات بگا، خه‌ونێکی زۆر خۆش بێ، به‌ڵام له هه‌لومه‌رجی ئێستادا، بۆ کورد و بزوتنه‌وه‌که‌ی، مالوێرانکه‌رێکی دیکه ده‌بێ.))

من نازانم ئەو بەشە لە فەرمایشتەکانی سەیدی چ پێوەندییەکی بە دانیشتن دەگەڵ رەزا پەهلەوییەوە هەیە؟ ئەگەر ئامریکا هێرش بکا و نەکا چ بەربەستێک لە سەر رێگا هەیە کە ئیمە دەگەڵ کەسایەتییەکی ئۆپۆزیسیۆنی ئێرانی کە ئەگەر هیچ نەبێ لە سەر رووخانی کۆماری ئێسلامی دەگەڵ حدکا هاو دەنگ و هاوبیرە دانەنیشین؟ دیسان ئەگەر ئامریکا هێرش بکاتە سەر ئێران مەگەر کاک هێمن بە پێی ئەو تێزە بێ بنەمایانەی خۆی رەزا پەهلەوی دە خەیاڵ دا کردبێتەوە ئەو شا خوێن رژە چەکمە رەقەی سی و چەند ساڵ لەوەی پێش دەنا نە خەڵکی ئێران ئەوەی قەبووڵ دەکا و نە ئامریکاش حازرە ئەو هەموو هەزینە بکا و شەڕێکی دیکە لە رۆژهەڵاتی ناوەراست دا بۆ خۆی درووست بکا و دوایە نیزامێکی پاشایەتی بکاتە ئاڵترناتیو بۆ بەڕێوە بردنی ئێران! بڵێی بێتوو ئامریکا هێرش بکا و رەزا پەهلەوی نەبیتەوە شای ئێران، گلەیی لە ئامریکا بکا؟! لەوانەیە لە روانگەی جەنابی سەیدییەوە ئامریکا ئەوەندەی رەزا پەهلەوی لە لا گرینگە ئیدی ئەوە لە سەر فەرمانی ئەو راوەستە بفەرموێ حەملە!!! ئامریکاش هێرش بکا. ئەدی ئەوە هاتین و رەزا پەهلەوی نەبۆوە شای ئێران لەوانەیە ئامریکا لە خەجاڵەتیان هەر نەیەتەوە رۆژهەڵاتی ناوەراست!!!!

تریبۆنی "صدای آمریکا"؟

((بۆچیته کاک مصطفی؟ ده‌تهه‌وێ له صدای آمریکا بلێی چی؟ ئه‌گه‌ر دایبنێین ئه‌وجار قسه‌ی زۆر جوانیش بکه‌ی، باندی رضا پهلوی زۆر ئیعتباری له‌و تریبۆنه نه‌ماوه. چه‌ند ساڵه به‌شێکی زۆری به‌رنامه‌یه‌کی حه‌وتوانه، بۆ ته‌وجیهی جینایه‌ته‌کانی سه‌رده‌می پهلوی ته‌رخان کراوه (له رێگای مقایسه‌ی ئێستا و رابردوو که جنایه‌ته‌کانی کۆماری ئیسلامی زیاتره له پهلوی و گۆیا خه‌لک ده‌بێ یه‌کیان هه‌لبژێرن!) به‌لام ئه‌و به‌رنامه‌یه هیچ که‌سی نه‌کرده شاپه‌ره‌ست، به‌لکو زیانێکی زۆری به صدای آمریکا گه‌یاندووه. سه‌باره‌ت به داکۆکی له کێشه‌ی کوردیش، رۆژنامه‌وانه سه‌ربه‌خۆ‌که‌ی! کاک مصطفی‌ش، ره‌سمه‌ن له‌و تریبۆنه رایگه‌یاند "کردستان جزء تفکیک ناپذیر ایران است" تا به‌شکم دیسان ده‌عوه‌تی که‌نه‌وه. یانی ئه‌گه‌ر مه‌ینه‌تی و نیگبه‌تی کورد ده‌‌یان ئه‌وه‌نده‌ش بێ هه‌ر ئه‌وه‌یه که هه‌یه، شۆونیسته کان، فه‌قیرانه چی دیکه‌یان گوتوه له‌وه زیاتر؟ نیزیک بونه‌وه له رضا پهلوی ئه‌گه‌ر ته‌نانه‌ت جیا له تریبونی ده‌نگی ئامریکا، یارمه‌تی مالیشی به‌دوا دابێ، نرخێکی یه‌کجار زۆره که ته‌نیا حدکا نایدا به‌لکو له ده‌ره‌وه‌ی کوردستان به حیسابی خه‌ڵکی کوردیش ده‌نوسرێ.))

جارێ بەر لە هەموو شتێک پێم سەیرە لە کاک مستەفای پرسیوە بۆ چیتە؟ ئایا ئەو پرسیارە منداڵێکی پێنجومی ئیبتدایی لە رووی هەڵدێ بیکا؟ من پێم وایە ئەگەر کاک هێمن دوکتوراکەی لە سەر دامپزیشکیش وەرگرتبا دیسان زۆر عەیب دەبوو پرسیاری ئاوا بێنێتە گۆڕێ! سەیر ئەوەیە کەس بە دۆی خۆی ناڵێ ترشە کاک خالید عەزیزی هەتا نوێنەری حیزب بوو لە ئامریکا و بەر لە ئینشەعاب پتر لە سەد جاری لە رێگەی تەلەفوون و لە ئیستدیۆ وت و وێژ دەگەڵ سەدای ئامریکا کرد و ئیستاش هەر کردوویەتی کەس پێی ناڵێ بۆچیتە کاک خالید؟! کەس نییە بڵێ ئەوە نییە سەدای ئامریکا بۆ خۆی لایەنگری لە موسەوی و کەرڕوبی دەکا جەنابت دەچی دەڵێی چی؟ غەیری تەئید کردنی فەرمایشتەکانیان و غەیری ئەوەی شانازی بە پشتیوانی حیزبەکەت لە سەر ئەو دوو کەسە بکەی چی دیکە هەیە بیڵێی؟ قسەی تازە چت پێیە ئەو جار خەڵکی کوردستان لایەنگری لە کێهە خوێنرێژ و قاتڵی کۆماری ئیسلامی بکەن؟ حەتمەن لە کۆنگرەی 15 دا لە سەر موحسین رەزایی ساغ بونەوە بۆیە کاک هێمنیش زۆری پێ هەڵدەڵێ ئاخر دوای ئەوەی زانیان پەتەی موسەوی و کەڕوبی بە تەواوی هەم لە نێو خەڵک و هەم لە نێو کۆماری ئیسلامی سووتا ئەو جار هەر لە ئێستاوە حیسابیان بۆ رەزایی کردۆتەوە!

پرسیویەتی دەتهەوێ لە سەدای ئامریکا بڵێی چی؟‌! ئەوە ویدیۆی دانیشتنەکەی کاک مستەفا لە سەدای ئامریکا هەیە پێم وایە جارێکی دیکەش بیبینی باشترە لەوانەیە جاری ئەوەل کە چاوت لێکردووە لە حەیفی ئەوەی پێت وایە کاک مستەفا بەشی حیزبەکەی جەنابتی خواردووە و لە حەیفی ئەوەی سەفەری ئاوا رێک و پێک و بە دەسکەوت بە سکرتێری حیزبەکەی جەنابت ناکرێ، چاوت هیچ کۆی نەدیوە دەنا کاک مستەفا نە دیفاعی لە رەزا پەهلەوی کرد و نە لە سەدای ئامریکا، بەڵکوو داواکارییەکانی گەلی کوردی لە ئێران خستە ڕوو و یەک میلیمتریش لە فێدرالیزم نەهاتە خوارەوە، باسی واقع بینی و درایەتی حدکای لە سەرەتاکانی شۆرشی گەلانی ئێران کرد و رەخنەی لە ئۆپوزیسیۆنی چەپ و ئێرانی گرت کە کاتی خۆی هێرشیان دەکردە سەر بەیانییە و ئاگادارییەکانی حدکا لە پیوەندی دەگەڵ گیرانی بالیوزخانەی ئامریکا و .... بە باوەڕی جەنابت سەدای ئامریکا سەر بە چ دەوڵەت و لایەنێکە؟ ئەو کەسانەی بانگ دەکرێن بۆ سەدای ئامریکا دەڵێن چی؟بۆ خۆت لە پرسیارەکەی خۆت حالێ بووی چیت پرسیوە؟

بەڕێزیان باسی رەحیم رەشیدی کردووە و فەرمویەتی مۆری تەئیدی لە فەرمایشتی فارسە شۆوینستەکان داوە، دە پێش هەموو شت دا با ئەوە بڵێم حدکا بە سەربەرزییەوە دەڵێ ئێمە کوردی ئێرانین و دەگەڵ ئێران دەمێنینەوە و حەققی نەتەوەکەشی داوا دەکا. بەڵام کەس ئێستاش نەیزانی ئیوە سەربەخۆیی خوازن یا فێدرالیزمتان دەوێ؟ ئەو پرسیارە کاتێک لە ئەندامی رێبەریشتان دەکرێ وەک دەوڵەتی ئەحمەدی نەژاد هەر کەسەو جوابێک دەداتەوە هەر کەس بەیانی زوو لە خەو هەستا ئەو کوێخای حیزبەکەیە ئەگەر یەکتان قسێکتان کرد فارسەکان دڵیان هێشا ئەوە ئەوی دیکەتان راستی دەکاتەوە ئەگەر قسێکتان کرد کوردەکان دڵیان هێشا ئەوە کەسێکی دیکەتان دێتە مەیدان و دڵێ خەڵک رادەگرن. بەدڵنیاییەوە لابردنی پاشگری ئێران لە سەر نێوی حیزبەکەتان هەر لە ژێر سێبەری ئەو سیاسەتە دۆگمە داڕێژراوە کە کاتێک فارس رەخنەی لێگرتن پاساوی وێک نەچوونی نێو دەگەڵ حدکا بێننەوە و لە نێو خەڵکی کورستانیش دا بۆ ئەوەی بسەلمینن لایەنی ناسیۆنالیستی و سەربەخۆیی خوازیتان تۆخترە بۆیە ئیوە حیزبی دێموکراتی کوردستانن یانی بەم شێوەیە هەم لە پیک دەدەن و هەم لە ماپیک.

لەوانەیە جەنابی سەیدی زگی بە نێو و نیوبانگی رەحیم رەشیدی وەژان کەوتبێ کە لە ماوەی چەند ساڵ دا لە دونیا دا نیوبانگی دەرکردووە و لایەنە فارسەکانیش حیسابی بۆ دەکەنەوە و لە سەر تۆڕەکانی ئینترنێت رەخنە و گلەیی لێدەکەن کە خەریکە قەوم دەکاتە نەتەوە! کاک هێمنیش ئێستا بانگ نەکراوە بۆ سەدای ئامریکا! باوەرت بێ کاک هێمن بە نوسینی بابەتی لەم دەستە قەت نێوت نایەتە نێو نێوان دەبێ کردەوەت جوان بێ!

گه‌رانه‌وه‌ی سیستمی پاشایه‌تی؟

((هیچ نیشانه‌یه‌ک نابیندرێ که خه‌لکی ئێران له داهاتودا حکومه‌تێکی پاشایه‌تی ( ته‌نانه‌ت ئه‌گه‌ر سیمبولیکیش بێ) هه‌لبژێرن به‌لام ئه‌گه‌ر وه‌کوو گریمانێکی زۆر لاوازیش حیسابی بۆ بکه‌ین ، پرسیار ئه‌وه‌یه بۆ رضا پهلوی؟ پاشایه‌تی پهلوی به بوق و زورنا رویشت و ته‌واو بوو. ئه‌گه‌ر قه‌رار بێ له "مجلس موسسان‌" ێک دا، پاشایه‌ک بۆ ئێران هه‌لبژێردرێ ، هه‌ر ئێرانیه‌ک ده‌توانێ کاندید بێ و بۆ وێنه شانسی که‌سێکی هاوفکری مصدق یا فروهر زۆر زیاتره له شانسی کوری جنایه‌تکارێکی وه‌کوو محمدرضا پهلوی.))

بە داخەوە کاک هێمن لەو بەشەش دا هەر بۆ خۆی بڕیوییەتی و دروویەتی! دەنا کوا کاک مستەفا باسی دامەزران و گەڕانەوەی سیستمی پاشایەتی کرد؟ کێ باسی "مجلس موسسان"ی کردووە؟ سەر لەبەری مێژووی حدکا هەڵدەیەوە غەیری دژایەتی دەگەڵ سیستەمی پاشایەتی و دیکتاتۆڕی قەت تەئید کردنی ئەو سیستمەی تێدا نەبووە، سەیرە ئایا دانیشتن دەگەڵ رەزا پەهلەوی یانی ئەوەی ئێمە سیستمی پاشایەتی مان دەوێ بۆ ئێران؟! ئەوەی کاک هێمن ئیدعای دەکا دە خانەی بیری جیاوازیش دا جێناگرێ کە مرۆڤ قەبووڵی کا و رێزی بۆ دابنێ بەڵکوو تێنەگەیشتنە لە مانا و لە ناوەرۆک.

مه‌رگ و فه‌وتانی چالاکانی سیاسی ناوخۆ؟

((دوو سال پێش ئێستا کاک مصطفی و حیزبه‌که‌ی حه‌یای هه‌ر که‌سێکیان ده‌برد که ناوی موسوی و کروبی به زاری دا هاتبا، رابردوی سیاسی ئه‌و دو که‌سایه‌تیه جێی دیفاع نیه به ‌لام روون و ئاشکرایه که هه‌ر دوکیان، ئال‌و گۆر به بیر و کرداریان دا هاتوه ، ئاماده‌شن به نرخی گیانی خۆیان و بنه‌ماله و دۆستانیشیان بێ ، نرخی ئه‌و گۆرانه بده‌ن، به‌لام رضا پهلوی چ ئالو گۆرێکی کردووه ؟ کاک مصطفی چ به‌لگه‌یه‌کی هه‌یه که ئه‌و کاک ره‌زایه، رضا پهلوی جاران نه‌ماوه؟ کروبی و موسوی که له‌ناوخۆی ولاتدا خه‌ریکن نرخی گۆرانه سیاسیه‌کانی خۆیان ده‌ده‌ن ، هه‌زار شه‌ره‌فیان به ‌سه‌ر رضا پهلوی دا هه‌یه که ته‌نانه‌ت له خۆکوشتنی براکه‌شی وه‌ک دوکانێک بۆ بازار گه‌رمی ئیستفاده ده‌کا، ئێستا چ بوه که پێیان وایه کروبی ده‌بێ دادگایی بکرێ و موسوی ده‌بێ ئیعدام بکرێ به‌لام رضا پهلوی ده‌بێ خه‌لات بکرێ و له سه‌ر شانی کوردان ، بگه‌رێته‌وه سه‌ر تاج و ته‌خته‌که‌ی؟))

ئەو پرسیارە دەبێ لە جەنابت و حیزبەکەت بکرێ کاک هێمن ئەو دوو کەسایەتییە( موسوی و کروبی) چ ئاڵ و گۆرێکیان بە سەر داهاتووە کە حیزبەکەی ئێوە هەر لە سەرەتاوە یانی ئەو کاتەی ئیستا هەر خۆیان کاندید کردبوو و هیچ ئاڵ و گۆڕیکیان بە سەر دانەهاتبوو پشتیوانیتان لە ئاغای کەڕڕوبی کرد؟ ئەوە ئێوە بوون کاتێک کەڕڕوبی بە دەم باسی حقوقی قەومییەتانی کرد لە هۆتێلی پێنج ستارە لە شاری هەولێر کۆنفرانستان بۆ بەست و دەهۆڵتان بۆ هەڵگرت کە ئەگەر بێتوو کورد ئەو هەلە نەقۆزێتەوە و دەنگ بە کەڕڕوبی نەدا تازە حەقەکەمان دەخورێ و قەت وەرناگیرێ. ئێستاش نەمانزانی ئەو دوو کەسە لە سەرەتاوە خوازیاری چ بوون؟ چ ئاڵ و گۆڕێکیان کردووە؟ ئەگەر شەقولقەمەریشیان کردبا نەیاندەتوانی بۆ ئیسلاحات و گۆڕان نیو هێندی خاتەمی پێک بێنن بەڵام ئەوە خاتەمیشمان دیت چۆنی جوابی خەڵك داوە! لە بیرم ناچێ کاک خالید عەزیزی لە وت و وێژێک دا لە سەر کورد کاناڵ بەر لە ئینتخابات کوتی ئێمە پێمان باشە خەڵک دەنگ بدا بە کەڕروبی هەر دوای چەند ساتێک فەرمووی لە ئێران دا حوکمی حکومەتی لە هەموو شتێک لە سەر ترە دەی ئەگەر دەزانی حوکمی حکومەتی لە هەموو شتێک لە سەرترە بۆ خەڵک هان دەدەی بۆ سەر سندووقی دەنگ دان؟! بە خۆشییەوە خەڵکی کوردستانیش وەک پێشوو هەر نەک نەچوونە سەر سندووقەکان بەلکوو بە کاک خالید و حیزبەکەشی سەلما کە کۆماری ئیسلامی دە پێش دەنگدان دا سەرۆک کۆماری خۆی هەڵبژاردووە و دەنگدان بە خۆراییە، ئەوەی کە لە هەموو شتێک زیاتر جێگای سەرەنجە ئەوەیە کارنامەی کۆماری ئیسلامی لە بیدایەتەوە بۆ هەموو لایەک دەرکەوتووە و بە روونی دیارە کە ئەو رژیمە دەگەڵ دژبەرانی نێوخۆیی خۆی چۆن جوڵاوەتەوە و چۆن حەقی دە بەری دەستی ناون جا ئەو دژ بەرە ئایەتوڵلا مونتەزیری بووبێ کە کاتی خۆی جێنشینی خومەینی بوو و چ وەک کورەکانی رەفسەنجانی کە بە گوێرەی فەرمایشتەکانی خامنەیی بابیان دەستی راستی نیزام بووە و چ وەک بەنی سەدر کە سەرۆک کۆمار بوو و چ وەک زۆری دیکە کە دەو نوسراوە دا مەجالی نێوهێنانیان نییە. بێ گومان ئەگەر ئەو دوو کەسە (موسوی و کروبی) هێڵە سورەکانی نیزامیان بەزاندبا کە دەبووە رەت کردنەوەی ویلایەتی موتڵەقەی فەقیه و روخانی کۆماری ئیسلامی زۆر لە مێژ بوو لە دار درابوون بەڵام ئەوان جگە لە داوا کردنی ئیسلاحاتێکی رواڵەتی داوای چیان کردووە؟ مەگەر بە سەدان جار کەڕروبی و موسەوی باسی گەڕانەوەی دەسەڵات بۆ مەدینەی فازلەی خومەینیان نەکردووە مەگەر تەواوی سەروەری و شانازیان بە قەولی خۆیان خزمەت کردن لەو دەورانە زێڕینەی خومەینی دا نەبووە؟ ئایا کەسێک شانازی بە خزمەت کردن و بە بوونی مەسئولییەت دە دەورانی خومەینی خوێن رێژ و جەللاد دا بکا و بیهەوێ کۆمەڵگای ئێران بۆ ئەو سەردەمان بگەڕێنێتەوە بۆ وەی دەبێ پشتیوانی لێبکرێ؟ بێجگە لە هەمووی ئەوانە، ئەوەی کە ئەو دوو کەسە بە سازدانی بزوتنەوەی سەوز خزمەتیان بە کۆماری ئیسلامی کرد یا خەیانەت؟ ئەوەش بۆ خۆی هەویرێکە ئاوی زۆر هەڵدەگرێ بەڵام زۆر بە کورتی ئەگەر ئیشاڕەی پێ بکەم لە ماوەی ئەو دوو ساڵە دا هەرچی ئازادیخواز و روناکبیر بوو هەرچی خوازیاری نەمانی کۆماری ئیسلامی بوو، ئاشکرایان کرد و بە گرتنیان دا و بە کوشتیان دا و لە ئێرانیان ڕاو نا و بۆ خۆشیان لە ژێر سایەی ئاڵای سێ رەنگی کۆماری ئیسلامی دا پاڵیان داوە و خەریکی دەرکردنی وردە بەیانییەی خەڵك هەڵخەلتێن بوون. ئەگەر دەرکردنی بەیانییەی لەم جۆرە و بە قەولی فارس خۆیان دەڵێن (بازی با کلمات) و هەر رۆژە بە نەوعێک یانی ئاڵ و گۆڕ بە بیر و کردار دا هاتن، دەبێ بڵێم ئەوە یانی خۆش خزمەتی کردن بە کۆماری ئیسلامی و تەمەن درێژ کردنی دیکتاتۆڕی. ئەوەش پرسیارە کە ئایا ئیوە چ بەڵگێکتان بە دستەوەیە کە رەزا پەهلەوی بۆ داهاتووی ئێران داوای سیستمی پادشایەتی دەکا؟ کێ باسی خەڵات کردنی ناوبراو و گەرانەوەی بە شانی کوردان بۆ سەر تاج و تەختەکەی کردووە؟ بە پێی چ بەڵگەیەک؟ رەنگ بێ ئەوەش هەر بە خەون و خەیاڵی جەنابی سەیدی دا هاتبێ.

*بابەتەکانی نیو کەوانە هی بەڕیز کاک هێمن سەیدییە.

 

 

_________________________________________

 

تێبینی‌:

 

ــ ماڵپه‌ڕی‌ "هه‌ڵۆی‌ كوردستان"

له‌ به‌رامبه‌ر نێوه‌ڕۆكی‌ ئه‌م بابه‌ته‌ به‌رپرسیار نیه‌‌و نووسه‌ری‌ بابه‌ت به‌رپرسه‌ له‌به‌رامبه‌ر بابه‌تی‌ خۆیدا‌

ــ كه‌ڵك وه‌رگرتن له‌و بابه‌تانه‌ به‌ هێنانی ناوی سه‌رچاوه‌ یان له‌سه‌ر ئیزنی‌ نوسه‌ر ئازاده

ناردن بۆ تۆڕه‌ کۆمه‌ڵایه‌تی‌یه‌کان
جاری خوێندراوه‌: 4449
بۆچوونه‌کان (20)Add Comment
...
نووسراوه‌ له‌ لایه‌ن مادیح ئەحمەدی, October 29, 2011
حەک رەببی دەست خۆش لە میژە ئەو بابەتەم دیوە، بەراست واتان هیمن سەیدی و حدک تەزاندوە دوای ماوەیەکی زور نەیانتوانی جوابیک بۆ ئەو بابەتە بنیرنەوە لائەقەل بە یەکیک لە نەوچەکانیان وەک سمایل زارعی یا رەسول سولتانی و... من باوەرم وایە هیمن سەیدی رورەش بو بەو وتارە هەتا دونیا بە دونیایە ناویری.... ئاوا بخواتەوە. کاکە کاوە پەنجەت خوش خامەت رەنگین
...
نووسراوه‌ له‌ لایه‌ن falah rahimi, October 12, 2011
له گه ل سلاوو ريز
زور جار ئه و كه سانه ي كه به هه ر هويه كه وه له حيزبي ديموكرات دابراون له رووي نه زاني و تووره ييه وه له سايت و مالپه ره كاندا به دژي ئه و حيزبه وتاريان نووسيوه به لام هه ندي كه س بو وينه ي كاك هيمن وكه ساني تر له چه شني خوي به ئه نقه ست قه له مه كه يان به ويست و باوي دلي دوژمنان له سه ر كاغزي بي زمان هه لده سوورينن. به لام ره وتي رووداوو زه مان ئه م كه سانه ريسوا ده كات و وشه ي په شيماني به روكيان ده گريت. سپاس بو به ريز كاك كاوه كه به شيوه ي مه نتقي و راشكاوانه ئه م بابه ته ي نووسيوه هيوا دارم هه رده م سه ركه وتوو بيت.
...
نووسراوه‌ له‌ لایه‌ن رةحمان دارتاش, October 07, 2011
هه‌ر قه‌له‌م زیرین بیت كاك كاوه‌ی‌ خوشه‌ویست
سه‌دان كه‌سی‌ وه‌ك كاك هیمن و له‌ویش به‌ هیز تریش ناتوانن به‌و ره‌خنانه‌ كه‌سایه‌تی‌ به‌ریز هیجری‌ بهیننه‌ زیر برسیاره‌وه‌ .با باش بزانن قسه‌ی‌ به‌ریز هیجری‌ هه‌ر وته‌ی‌ خوی‌ نیه‌ به‌لكو بیرو باوه‌ری‌ حیزبیكه‌ كه‌ به‌ به‌ربرسیارانه‌ ده‌جولیته‌وه‌ له‌ بیناو وه‌دیهینانی‌ مافه‌ره‌واكانی‌ نه‌ته‌وه‌ی‌ كورد
زوركه‌سمان دیت شه‌و كه‌ ئه‌خه‌وتن ناسیونالیست بون وبه‌یانی‌ هه‌ستان له‌ خه‌و بون به‌ كمونیست وبه‌ بیجه‌وانه‌و هه‌ر نه‌یشیان زانی‌ جی‌ ئه‌لین وخوشیان له‌ خویان تی‌ نه‌كه‌شتن ئه‌وه‌ل بابرون جوان ئه‌و وتوویزانه‌ مروور بكه‌ن ولی‌ تیبكه‌ن دواتر باوه‌ك ئیستا نه‌بن ...... وخوشیان له‌وه‌ زیاتر ناشیرین نه‌كه‌ن
...
نووسراوه‌ له‌ لایه‌ن hemn, July 07, 2011
ئەو کەسەی بە خراپ لە سەر کامستەفا دێتە قسە ئەشێ لە ناوی ببەی تو خوا تا ئیسە مرۆفێ ئەوەنە پاک و سادق لەم دونیایەیا بووگە؟ یا خوا بە کۆی زوخاڵ بن ئەو کەسانەی بەم شێوە ئەم پیاوە مەزنە ئەرەنجێنن
...
نووسراوه‌ له‌ لایه‌ن rojhelat, July 06, 2011
سلاو ویرای ده سخوشی له کاک کاوه ی به ریز ده لی کا برا نیو یان نه ده هینا نیو نیوان ................................
...
نووسراوه‌ له‌ لایه‌ن ئەندامی ئەنجومەنی ئەدەبی مەهاباد, July 05, 2011
قەڵەمی کاوە قەڵەمی شۆڕشە، بە بێ موبالغە بڵێم و روبەروی خۆشی گوتومە قەلەمی وا بە بڕشت و روهەڵماڵاو کە بە بێ ئیدعا دە خزمەت نەتەوەکەی دابووە من بە نۆبەی خۆم نەمدیوە، لە هەر کوێیەکی ئەم گۆی زەوییە دەژی یادی پیرۆزە لە لای من و هەموو هۆگرانی ئازادی و سەربەستی، کاتی خۆی لە سەر ئەو جەسارەتەی هەیبووە بارەها بانگی شوینە ئەمنیەتیەکانی کۆماری ئیسلامی کراوە
...
نووسراوه‌ له‌ لایه‌ن jornalist, July 05, 2011
بە بوجونی من هیمن سیدی بەو ... زلامە و بەو قەلافتە ... هەر بو بازیگری فیلمی ... باشە و با بچی لە سپاسپلاتنومدا بازی بکا، چا ئەو دمەی ئەو دمەی منی کشتوە
...
نووسراوه‌ له‌ لایه‌ن چەکۆ, July 05, 2011
بە بۆچونی من هیمن سەیدی ئەو کەسە نییە خۆی لە شانی کاک مستەفا بدا و جنێو و قسەی سووکی پێ بلی چون کاک مستەفا بە قەد تەمەنی هیمن سەیدی دە ریبەرایەتی حیزب دا بووە و جیگای ریز و ئیحترامی هەمولایەکە نەک حدکا بەلکو دەنیو حدکیش دا ، هەر وەک ئەو ریبەر و مەسئولە گەورەی جاران دە نیو دلی هەموان دایە، ئەمن پیم وایە کاک مستەفا پیویستی بەوە نیە دیفاعی لیبکەی چون رابردوی رونە و داهاتوشی هەر وا دەبی رورەشی هەر بۆ نەیارانی دەمینیتەوە دەستی کاوەش خۆش بێ، سپاس بۆ بەریوەبەرانی ئەم سایتە رازاوە و جوانە بەردەوام بن دە کار و تیکۆشان دا. براتان چەکۆ جەلالی
...
نووسراوه‌ له‌ لایه‌ن کاوە حەسەن پوور, July 05, 2011
سپاس بۆ هەموو ئەو دۆستانەی کاتی خۆیان تەرخان کردووە بۆ خوێندنەوەی ئەو بابەتە، تکایە لە بێ حورمەتی کردن و سووک کردنی کەسایەتی یەکتر خۆ بپارێزن،
...
نووسراوه‌ له‌ لایه‌ن shahoo, July 05, 2011
ده ستت خوش بیت کاک کاوه / به راستی جوابیکی زور جوانت داوه ته وه پیموایه کاک هیمن سیدی جاریکی تر له م شته ... نانووسیت بو خوشی نازانیت چی نووسیوه / کاک ناصری احمدیش به داخه وه نیوی خوی ده نیت چی پیموابیت له زیانیدا هه ر جنیو فیر بووه که به بی مه نتیق جنیو ده دا زور به داخه وه نیوی خویشی ده نیت دیموکرات .
...
نووسراوه‌ له‌ لایه‌ن ako kakayie, July 05, 2011
be rasti dest xoosh kak kawe/ ewaney ke niwi xooyan denin dimookrat belam le prakticda natwann dimookrat bn tanya be doway koorsi v meghamda boon booye le hizbish jooda boonewe/ be daxewe/ we sopas boo ew wolamey ke pit dawe

ــ تێبینی "هه‌ڵۆی‌ كوردستان": هاوڕێی‌ به‌ڕێز، له‌گه‌ڵ‌ سپاس بۆ جه‌نابت، تكایه‌ به‌پێی‌ ئیمكان بۆچوونه‌كه‌ت ئه‌مجاره‌ به‌ پیتی‌ لاتین مه‌نووسه‌
...
نووسراوه‌ له‌ لایه‌ن هه‌ڵۆی‌ كوردستان, July 05, 2011

تێبینی‌ "هه‌ڵۆی‌ كوردستان": به‌داخه‌وه‌ چه‌ندین كه‌س به‌جێگه‌ی‌ ره‌خنه‌‌و تێبینی‌ درووست قسه‌ی‌ ناشیرین‌و جنێونامه‌یان ناردووه‌‌و سووكایه‌تییان به‌ نووسه‌ر‌ی‌ ئه‌م بابه‌ته‌وه‌و به‌ڕێوه‌به‌ری‌ ئه‌م ماڵپه‌ڕه‌ كردووه‌. تكایه‌ به‌ جێگه‌ی‌ تووڕه‌بوون‌و جنێونامه‌ ناردن‌و هه‌ڵبه‌ز دابه‌ز، به‌ زمانێكی‌ خاوێن وه‌ڵامی‌ بابه‌ت بده‌نه‌وه‌ یان ره‌خنه‌‌و پێشنیار‌و بۆچوونی‌ خۆتان بۆ بابه‌ته‌كه‌ بنێرن.

...
نووسراوه‌ له‌ لایه‌ن nasr ahmadi, July 05, 2011
berast jegai sherme bo hizbi dikoratykurdisatni iran hewadari awa nahali habe hdk sad sharfi ba sar ewe da haya


ــ تێبینی "هه‌ڵۆی‌ كوردستان": به‌ڕێز تكایه‌ به‌پێی‌ ئیمكان بۆچوونه‌كه‌ت ئه‌مجاره‌ به‌ پیتی‌ لاتین مه‌نووسه‌

...
نووسراوه‌ له‌ لایه‌ن faroq mirsaidi, July 05, 2011
بە قەولی کورد دەڵێ بەرێز کاک کاوە دەست خۆش بێ بە وەڵڵا هێمنی سەیدیت رورەشی دونیا و قیامەت کرد باوەر بفەرمو ئەگەر پێم عەیب نەبا دەمکوت ... پیکردوە تازەهەتا هەتایە قسە خۆشی ماستاو شلی وا با قسان نەکا بە نۆبەی خۆم لە هەر شوێنێک کەسیکی تریش قەلەم بکاتە خەنجەر و بیوەشینی دەڵێم دەردی هیمن سەیدیت بە سەر دی ئاگادار بە. بۆ نەوەکانی داهاتووشی دەگیرمەوە
...
نووسراوه‌ له‌ لایه‌ن laven baran, July 05, 2011
kake awa ch babteke? mn joan hali nebom dekre ronkrdnewekman bo bden?


ــ تێبینی "هه‌ڵۆی‌ كوردستان": هاوڕێی‌ به‌ڕێز، له‌گه‌ڵ‌ سپاس بۆ جه‌نابت، تكایه‌ به‌پێی‌ ئیمكان بۆچوونه‌كه‌ت ئه‌مجاره‌ به‌ پیتی‌ لاتین مه‌نووسه‌
...
نووسراوه‌ له‌ لایه‌ن نەوید پالانی, July 04, 2011
بەریزان کاک همن سیدی بو خوی نازانی چی دلی و چی نوسیوە دەستی کاک کاوە خوش بی بەلام ئەمن پم وایە همن سیدی ارزشی وای نبوو جوابی بدرەتەوە
...
نووسراوه‌ له‌ لایه‌ن karim rohani, July 04, 2011
heta hetaye ba hemn seidi neweri basi awa benete gore. rehmet le daik u babt kave gian.


ــ تێبینی "هه‌ڵۆی‌ كوردستان": هاوڕێی‌ به‌ڕێز، له‌گه‌ڵ‌ سپاس بۆ جه‌نابت، تكایه‌ به‌پێی‌ ئیمكان بۆچوونه‌كه‌ت ئه‌مجاره‌ به‌ پیتی‌ لاتین مه‌نووسه‌
...
نووسراوه‌ له‌ لایه‌ن خالید وەنەوشە, July 04, 2011
هەر چەند ئەمن دەگەڵ لایەنی ئەو بەریم بەڵام نوسەر زۆر جوانی ئاماژە پێکردووە و بە قەولی کورد دەڵێ ئەگەر کوتت حەق ئاو رادەوستە دەستی هەموتا ن خۆش بی
...
نووسراوه‌ له‌ لایه‌ن fereidoun , July 04, 2011
کاک کاوه ده ست خۆش ،
خۆزگه هه مو روی قه له مه کانیان له دوژمنانی گه له که مان بوایه
...
نووسراوه‌ له‌ لایه‌ن ????????, July 04, 2011
كوردستان
زۆر سپاس كاك كاوه‌ی‌ خۆشه‌ویست‌و هێژا، به‌ڕاستی‌ جوان نووسیوته

نووسینی بۆچوون
بچووکردنه‌وه‌ی خانه‌ی بۆچوون | گه‌وره‌کردنی خانه‌ی بۆچوون

busy