هه‌ڵۆی کوردستان

-
هەڵە
  • JFolder::create: Could not create directory

مستەفا هیجری بە بۆنەی کۆچی‌ دوایی مام جەلال پەیامێکی ماتەمینی بڵاو کردەوە

پۆستی ئەلیکترۆنی چاپکردن

"مستەفا هیجری" سکرتێری گشتی حیزبی دێموکراتی کوردستانی ئێران، لە پەیامێکدا سەرەخۆشی خۆی ئاراستەی گەلی کورد، سەرکردایەتی یەکیەتیی نیشتمانی کوردستان و بنەماڵەی مام جەلال کرد.

دەقی پەیامەکە:

 

hijri_talabani_2


بەڕێزان ئەندامانی بنەماڵەی مام جەلال تاڵەبانی

مام جەلال دوای تەمەنێک لە خەبات دژی پێشیلکاری مافی کورد و خەبات بۆ ڕزگاری نەتەوەکەی بەداخەوە کۆچی‌دوایی کرد.

کەسایەتی بەرزی مام جەلال لە بواری سیاسی و پێشمەرگایەتی و ئەزموونێکی زۆر کە لەو بوارانەدا بە دەستی هێنابوو، هەموویان بەستێنسازی ئەو شوێندانەرییە بەرچاوە بوون کە لە ململانێی خەبات دژی دوژمنانی گەلەکەی بەڕێزیانی کردبووە خەباتکار و سیاسییەکی سەرکەوتوو و بەرچاوی دۆزی کورد و نێونەتەوەیی.

بۆیە لە دەست دانی مام جەلال بەتایبەت لەم هەلومەرجە ئەستەم و ناسکەی خەباتی کورد لە باشوور خەسارێکی گەورە بوو؛ بۆ حیزبی دێموکراتی کوردستانی ئێرانیش لە دەستچوونی دۆستێکی بەوەفا و لەمێژینە بوو، کە لە سەردەمی شەهید دوکتور قاسملوو ئەو دۆستایەتییە بناغەی دامەزرا و تا ئاخر بەردەوام بوو.

بە بۆنەی ئەم ڕووداوە پڕ لە ماتەمەدا سەرەخۆشی خۆم پێشکەش بە گەلی کورد، سەرکردایەتی و ڕیزەکانی یەکیەتیی نیشتمانی کوردستان و بەتایبەت بنەماڵەکەیان، بەڕێزان هێرۆ ئیبراهیم ئەحمەدی هاوسەری و کوڕەکانی کاک پاڤڵ و کاک قوباد دەکەم.

 

حیزبی دێموکراتی کوردستانی ئێران

سکرتێری گشتی

مستەفا هیجری

١٢ی ڕەزبەری ١٣٩٦ی هەتاوی

٤ی ئۆکتۆبری ٢٠١٧ی زایینی

 

 ________________________________________

بۆ پێوه‌ندی‌ گرتن له‌گه‌ڵ‌ به‌ڕێوه‌به‌ر‌ى ماڵپه‌ڕ له رێگه‌ی‌ فه‌یسبووكه‌وه‌ ئێره‌ كلیك بكه‌ 

 

ناردن بۆ تۆڕه‌ کۆمه‌ڵایه‌تی‌یه‌کان
جاری خوێندراوه‌: 973
بۆچوونه‌کان (0)Add Comment

نووسینی بۆچوون
بچووکردنه‌وه‌ی خانه‌ی بۆچوون | گه‌وره‌کردنی خانه‌ی بۆچوون

busy