هه‌ڵۆی کوردستان

-
هەڵە
  • JFolder::create: Could not create directory

دەقی گەڵاڵەی پێشنیاركراوی تەیموور مستەفایی، ئەندامی دەفتەری سیاسی حیزب بۆ چاكسازی لە ساختاری حیزبدا

پۆستی ئەلیکترۆنی چاپکردن

حیزبی‌ دێموكراتی‌ كوردستانی‌ ئێران بڕیاری‌ داوه‌ چاكسازی لە ساختاری حیزبدا بكات‌و هه‌ر به‌م بۆنه‌وه‌ ته‌یموور مسته‌فایی‌، ئه‌ندامی‌ ده‌فته‌ری‌ سیاسیی‌ حيزبی‌ دێموكراتی‌ كوردستانی‌ ئێرانیش گه‌ڵاڵه‌یه‌كی‌ پێشنیار كردووه‌ بۆ چاكسازی لە ساختاری حیزبدا. ئه‌م گه‌ڵاڵه‌یه‌ دووهه‌مین گه‌ڵاڵه‌یه‌ له‌ حیزب دا پێشنیار ده‌كرێ‌‌و پێشتر سكرتێری‌ گشتیی‌ حیزبی‌ دێموكرات، مسته‌فا هیجری‌، گه‌ڵاڵه‌یه‌كی‌ پێشنیار كردووه‌‌و ئه‌م گه‌ڵاڵانه‌ له‌لایه‌ن حیزبه‌وه‌ بڵاو كراوه‌ته‌وه‌و ئامانج ئەوەیە چەندی لە توانادا بێ گەڵاڵەیەک لە لایەن زۆرایەتی کۆمیتەی ناوەندی بە مەبەستی ئاڵوگۆڕ پێکهێنان لە سیستم‌و پێکهاتەی حیزب بۆ پێشکەش کردن بە کۆنگرەی شازدەهەمی حیزب ئامادە بکرێ، ئەگەر ئەوەش نەکرا، گەڵاڵەی سکرتێری حیزب لەگەڵ هەرچەند گەڵاڵەی دیکە دەخرێنە بەر دەستی کۆنگرەی حیزب بۆ بڕیاری کۆتایی.

 

teymor_mstafaei_-_gallala_-_pdki_k_16


له‌گه‌ڵ‌ بڵاوكردنه‌وه‌ی‌ ئه‌م گه‌ڵاڵه‌ له‌ راگه‌یه‌نه‌كانی‌ حیزبدا هاتووه:


لە بەرەبەری كۆنگرەی ١٦ی حیزبی دێموكراتی كوردستانی ئێراندا، حیزبەكەمان لە بەردەم قۆناغێكی مێژوویی چارەنووسسازدایە‌و دەرفەتەكان‌و هەڕەشەكانی سەر ڕێگا‌و خێرایی ڕەوتی ئاڵوگۆڕەكانی پێوەندیدار بە چارەنووسی نەتەوەكەمان بە تایبەتی لە كوردستانی ڕۆژهەڵاتدا، پێویستی بەخۆداچوونەوە‌و ئاڵوگۆڕ لە پێكهاتەی حیزبدا زیاتر لە هەمیشە دەخاتە پێش چاوی ئێمە ئەندامان‌و تێكۆشەرانی حیزب‌و دڵسۆزانی بزووتنەوەی نەتەوەیی دێموكراتیكی كوردستانی ڕۆژهەڵات.

بە دەستپێكردنی قۆناغی نوێی خەباتی حیزب‌و هەڵگرتنی گوتاری پێكەوەگرێدانی خەباتی شاخ‌و شار كە بە ڕاسان ناوی دەركردووە، لە ڕەوتی ڕاپەڕاندنی كاروبارەكاندا هێندێك كێشە‌و كەموكوڕی خۆیان دەرخست كە بەشێكیان پێوەندییان بە پێكهاتە‌و سیستمی حیزبەوە هەیە‌و دەبنە هۆی ئەوەی كە سەرەڕای هەوڵ‌و ماندووبوونی دڵسۆزانەی هەموو كادر‌و پێشمەرگە‌و ئەندامانی حیزبە تێكۆشەرەكەمان، نەتوانین وەك پێویست وەڵامدەری چاوەڕوانییەكانی خەڵك‌و پێشبینییەكانی خۆمان بین.

هەر بۆیە بە سەرنجدان بەو ئەزموونانە‌و لە بەرچاوگرتنی ئەو كەموكۆڕییانەی كە لە ڕەوتی بەڕێوەبردنی كاروبارەكان لەو ماوەیەدا بۆمان هاتوونەتە پێش‌و بە مەبەستی نەهێشتنی كۆسپ‌و لەمپەرەكانی سەر ڕێگای چالاكیی بەربڵاوتر‌و شوێندانەرتری حیزبەكەمان، بە پێویستم زانی ڕاوبۆچوونی خۆم وەكوو پێشنیار‌و ڕێكارێك بۆ دەربازبوون لەو كەندوكۆسپە سیستماتیكانە، لە دووتوێی گەڵاڵەیەكدا بخەمە ڕوو.

لەم گەڵاڵەیەدا هەوڵ دراوە بۆ درووستبوونی بڕیار كەڵك لە زۆرترین تواناكان وەربگیرێت، چوونكە ئەگەر بڕیارێك بە بەشداریی ژمارەیەكی زیاتر دەر بچێت، بێگومان هەم هەستی بەرپرسیارێتی لە نێو حیزبدا بە هۆی بەشداریی زۆرتری خەڵك زیاتر دەكات‌و هەم بابەتەكان زیاتر تاوتوێ دەكرێن‌و وردبینیی زیاتر لە دەركردنی بڕیاردا دەبێت.

هیوادارم دڵسۆزانی حیزب‌و بزووتنەوە ڕەواكەمان بە ناردنی بۆچوون‌و ڕەخنە‌و ڕێنوێنییەكانیان لەم پێوەندییەدا یارمەتیدەرمان بن بۆ ئەوەی كە بتوانین گەڵاڵەكە دەوڵەمەندتر بكەین‌و ئەو بۆشایی‌و كەلێنانەی كاروباری حیزب كە بە نەزەری ئەوان دەگات‌و لەوانەیە لەم گەڵاڵەیەدا لە بیر كرابن، پڕ بكرێنەوە‌و هەموومان بە گەڵاڵەیەكی هاوبەش‌و تۆكمەوە بتوانین لە كۆنگرەی داهاتووی حیزبەكەماندا هەنگاوی كردەكی بۆ بەرەوپێشچوون‌و سەركەوتنی خەباتەكەمان هەڵبگرین.


بۆ داگرتنی دەقی گەڵاڵەکە کلیک بکە:

دەقی گەڵاڵەی پێشنیاركراوی تەیموور مستەفایی، ئەندامی دەفتەری سیاسی حیزبی دێموكراتی كوردستانی ئێران بۆ چاكسازی لە ساختاری حیزبدا

 

بابه‌تی‌ پێوه‌ندیدار:

گەڵاڵەى پێشنیارکراوی سکرتێری گشتی بۆ گۆڕینی پێکهاتەی حیزبی دێموکرات‌و چارتی پێکهاتەی نوێ

 

___________________________________

ــ بۆ پێوه‌ندی‌ گرتن له‌گه‌ڵ‌ به‌ڕێوه‌به‌ر‌ى ماڵپه‌ڕ له رێگه‌ی‌ فه‌یسبووكه‌وه‌ ئێره‌ كلیك بكه‌ 

ــ تێلێگرامی‌ "هه‌ڵۆی‌ كوردستان"

 


ناردن بۆ تۆڕه‌ کۆمه‌ڵایه‌تی‌یه‌کان
جاری خوێندراوه‌: 940
بۆچوونه‌کان (0)Add Comment

نووسینی بۆچوون
بچووکردنه‌وه‌ی خانه‌ی بۆچوون | گه‌وره‌کردنی خانه‌ی بۆچوون

busy