هه‌ڵۆی کوردستان

-
هەڵە
  • JFolder::create: Could not create directory

دەفتەری سیاسیی حیزبی دێموکراتی کوردستانی ئێران بە بۆنەی ٨ی مارس ڕاگەیەندراوێکی بڵاو کردەوە

پۆستی ئەلیکترۆنی چاپکردن

بە بۆنەی ٨ی مارس ڕۆژی جیهانیی ژنانەوە، دەفتەری سیاسیی حیزبی دێموکراتی کوردستانی ئێران ڕاگەیەندراوێکی بڵاو کردەوە.

دەقی ڕاگەیەندراوەکە:

 

jnan_-_pdki_-_1_-_8


ڕاگەیەندراوی دەفتەری سیاسیی حیزبی دێموکراتی کوردستانی ئێران

بە بۆنەی ٨ی مارس ڕۆژی جیهانیی ژن


بەبۆنەی ٨ی مارس ڕۆژی جیهانیی ژن، پیرۆزبایی لە هەموو‌ ژنانی جیهان‌و ئێران بە گشتی‌و کوردستان بە تایبەتی دەکەین. هیوادارین هەر بەم جۆرە کە ژنان لە بەشێک لە وڵاتان بە ماف‌و ئازادییەکان‌و یەکسانی‌و عەداڵەت گەیشتوون‌و لە ٨ی مارسدا یادی سەرکەوتن‌و بەئاوات گەیشتنیان دەکەنەوە، ئەو بەشە لە ژنانیش کە تا ئێستا هەر وا لە ژێر باری نابەرابەری‌و بێ‌مافیدا ژیان بەسەر دەبەن، بەڵام لە هەوڵ‌و تێکۆشان بۆ ماف‌و ئازادی‌و بۆ یەکسانی لە بنەماڵە‌و کۆمەڵگادا خەبات دەکەن، لە ڕەوتی خەبات‌و بەردەوامی لە تێکۆشاندا سەرکەتووبن. بە تایبەتی ژنانی ئێران‌و کوردستان کە لەژێر دەسەڵاتی کۆنەپەرەستانەی کۆماری ئیسلامیی ئێراندا سەرەتاییترین ماف‌و ئازادییەکانیان پێشێل کراوە‌و لە ڕەوتی تێکۆشانیان دژ بە بێعەداڵەتی‌و لە پێناو مافە ئینسانیەکانیاندا لەگەڵ گرتن، ئەشکەنجە‌و بێ‌بەشکردن لە خۆێندن‌و کارکردن بەرەوڕوو دەبنەوە‌و تەنانەت باس کردن لە مافەکانیشیان بە نیشانەی دژایەتی لەگەڵ دەسەڵاتی ڕەشی کۆماری ئیسلامیی ئێران دادەنرێ.

حیزبی دێموکراتی کوردستانی ئێران وێڕای پشتیوانی لە ماف‌و ئازادییەکانی ژن‌و پیرۆزبایی ٨ی مارس ڕۆژی جیهانی ژن، پێ لەسەر باوەڕمەندیی هەمیشەیی خۆی بە ماف‌و ئازادییەکانی ژن‌و بە یەکسانیی ژن‌و پیاو لە بنەماڵە‌و لە کۆمەڵدا دادەگرێتەوە‌و لە بڕینی ڕێگای دژواری لابردنی هەر جۆرە ستەم‌و بێعەداڵەتییەک پشتگر‌و پشتیوانی ژنانی تێکۆشەری ئێران‌و کوردستان لە پێناو دەست ویڕاگەیشتن بە مافەکانیان دەبێ. جارێکی دیکە ٨ی مارس لە هەموو ژنانی جیهان پیرۆز بێ.

 

حیزبی دێموکراتی کوردستانی ئێران

دەفتەری سیاسی

٧ی مارسی ٢٠١٧ی زایینی

١٧ی ڕەشەمەی ١٣٩٥ی هەتاوی

 

 _________________________________________

ــ بۆ پێوه‌ندی‌ گرتن له‌گه‌ڵ‌ به‌ڕێوه‌به‌ر‌ى ماڵپه‌ڕ له رێگه‌ی‌ فه‌یسبووكه‌وه‌ ئێره‌ كلیك بكه‌ 

ــ تێلێگرامی‌ "هه‌ڵۆی‌ كوردستان"


ناردن بۆ تۆڕه‌ کۆمه‌ڵایه‌تی‌یه‌کان
جاری خوێندراوه‌: 975
بۆچوونه‌کان (0)Add Comment

نووسینی بۆچوون
بچووکردنه‌وه‌ی خانه‌ی بۆچوون | گه‌وره‌کردنی خانه‌ی بۆچوون

busy