هه‌ڵۆی کوردستان

-
هەڵە
  • JFolder::create: Could not create directory

محەمەدساڵح قادری: پڕۆژەکەی دەوڵەتی یاسا لەدژی حزبەکانی ڕۆژهەڵات ڕەت دەکەینەوە

پۆستی ئەلیکترۆنی چاپکردن

محەمەد ساڵح قادری، بەرپرسی پێوەندییەکانی حزبی دیموکراتی کوردستانی ئێران لە هەولێر دەڵێ، پڕۆژەکەی دەوڵەتی یاسا، کە سەبارەتە بە دەرکردنی حزبەکانی ڕۆژهەڵاتی کوردستان لە عێراق، ڕەت دەکەینەوە و، ئەو پڕۆژەیە بە ڕەهەندێکی سیاسی دەزانین نەک یاسایی.

Ghaderi_-_PDKI_-_1

 

محەمەدساڵح قادری، بەرپرسی پێوەندییەکانی حزبی دیموکراتی کوردستانی ئێران لە هەولێر، بە ماڵپەڕی فەرمیی پارتی دیموکراتی کوردستانی ڕاگەیاند: ''هەندێک لایەنی عێراقی، بەتایبەت دەوڵەتی یاسا و میلیشیاکانی حەشدی شەعبی پڕۆژەیان بۆ دەرکردنی هێزەکانی ڕۆژهەڵاتی کوردستان لە خاکی باشووری کوردستان و عێراق هەیە و، پڕۆژەکەیان ڕەهەندی سیاسیی هەیە. دەوڵەتی یاسا و حەشدی شەعبی لەژێر ئەجێندای وڵاتێکی هەرێمیدا دەیانەوێت، ببنە بەشێک لەو سیاسەتەی لە ناوچەکەدا دەکرێت و هاوکاریی جێبەجێکردنی ئەجێندایەکی دەرەکی بکەن، بۆیە پڕۆژەکەیان، پێش ئەوەی یاسایی بێت، سیاسییە. لەبری ئەو پڕۆژەیە، باشتر وایە ئەنجوومەنی نوێنەرانی عێراق بڕیار لەسەر وەستاندنی دەستوەردانی وڵاتان دەرەکی لە عێراقدا دەربکات.''

قادری گوتی: ''هەندێک لایەنی عێراقی دەیانەوێت گوشار بخەنە سەر حکوومەتی هەرێمی کوردستان، لەکاتێکدا حزبەکانی ڕۆژهەڵاتی کوردستان لەپێناوی ئەزموونی باشووری کوردستان و سەقامگیریی ئەم هەرێمەدا وازیان لە بەشێکی زۆری مافەکانیان هێناوە، بۆ ئەوەی یارمەتیدەری ئاسایشی هەرێمی کوردستان بن، بۆیە لە ڕوانگەی ئێمەوە، نە حکوومەتی هەرێمی کوردستان پابەند دەبێت بەو پڕۆژەیەوە، نە حزبەکانی ڕۆژهەڵاتی کوردستانیش قبووڵی دەکەن.''

بەرپرسەکەی حزبی دیموکراتی کوردستانی ئێران دەڵێ: ''هەوڵەکانی بەغدا لەدژی هێزەکانی ڕۆژهەڵاتی کوردستان و حکوومەتی هەرێمی کوردستان دەبێتە هەوێنی تەبایی و یەکڕیزیی زیاتری گەلی کوردستان، چونکە بەغدا بەو سیاسەتە زوڵم لە کوردستان دەکات، بۆیە ئەگەر ئەو پڕۆژەیە بچێت بۆ ئەنجوومەنی نوێنەران، ئێمەش لەگەڵ سەرۆکایەتیی هەرێمی کوردستان و حزبەکان و فراکسیۆنە کوردستانییەکان و فراکسیۆنە سوننە و شیعەکانیش ڕاوتەگبیر دەکەین، بۆ ئەوەی سەروەرییی عێراق پارێزراوبێت، بەڵام پابەند نابین بەو بڕیارانەی بەربەست لەبەردەمی خەباتەکەماندا دروست بکەن.''

محەمەدساڵح قادری دەشڵێت: ''بەداخەوە لەژێر سیاسەتێکی لێڵ و نادیاردا بەشێک لە دەوڵەتی یاسا دەیانەوێت گوشار لەسەر هەرێمی کوردستان و حزبەکانی ڕۆژهەڵاتی کوردستان دروست بکەن.''

 

 _________________________________________

ــ بۆ پێوه‌ندی‌ گرتن له‌گه‌ڵ‌ به‌ڕێوه‌به‌ر‌ى ماڵپه‌ڕ له رێگه‌ی‌ فه‌یسبووكه‌وه‌ ئێره‌ كلیك بكه‌ 

ــ تێلێگرامی‌ "هه‌ڵۆی‌ كوردستان"


ناردن بۆ تۆڕه‌ کۆمه‌ڵایه‌تی‌یه‌کان
جاری خوێندراوه‌: 1244
بۆچوونه‌کان (0)Add Comment

نووسینی بۆچوون
بچووکردنه‌وه‌ی خانه‌ی بۆچوون | گه‌وره‌کردنی خانه‌ی بۆچوون

busy