هه‌ڵۆی کوردستان

-
هەڵە
  • JFolder::create: Could not create directory

دەفتەری سیاسیی حیزبی دێموکرات سپاسی خەڵکی کوردستانی کرد

پۆستی ئەلیکترۆنی چاپکردن

دەفتەری سیاسیی حیزبی دێموکراتی کوردستانی ئێران لە راگەیەندراوێکدا بە ئاماژە بە گوشارەکانی رژیم بۆ سەر خەڵک تاکوو مانگرتن بەڕێوە نەبەن، سپاسی هەڵوێست و کرداری خەڵکی کوردستانی کرد کە بە بێ گوێدان بە گوشارانەی رژیم، دەنگی دژایەتییان لەگەڵ تیرۆریزمی کۆماری ئیسلامی بەرز کردەوەو پێشوازییان لە بەرینترکردنەوەی خەبات و گرێدانی خەباتی شاخ وشار کرد.

دەقی راگەیەندراوەکە بەم شێوەیە:

 

spasnama_-_pdki_22_85_1


بۆ کۆمەڵانی تێکۆشەری خەڵکی کوردستان

بەدوای بانگەوازی کۆمیسیونی تەشکیلاتی حیزبی دێموکراتی کوردستانی ئێران و داواکردن لە کۆمەڵانی خۆڕاگری خەڵکی کوردستان بە مەبەستی ئەنجامدانی کردەیەکی ئیعترازیی بەرین و تێکرایی لە ڕۆژی سێ‌شەممە ڕێکەوتی٢٢ی پووشپەڕی ئەمساڵ، بیست و حەوتەمین ساڵڕۆژی تیرور کردنی دوکتور قاسملوو، بۆ مەحکووم کردنەوەی تیروریزمی کۆماری ئیسلامیی ئێران، دەربڕینی بێزاری لەو ڕێژیمە و چەند پات کردنەوەی وەفاداری بە ڕێباز و سیاسەتەکانی حیزبی قاسملوو و لەوەش زیاتر بە مەبەستی پێشوازی کردن لە بەرینتر کردنەوەی خەبات و گرێدانی خەباتی شاخ و شار، ڕێژیمی کۆماری ئیسلامیی ئێران بۆ پێشگرتن بە وەها حەرەکەتێک وەک هەمیشە پەنای بۆ هەڕەشە کردن لە خەڵک بە تایبەتی کاسبکاران برد و لە ڕێگای دەزگاکانی ئیتلاعاتی، سوپای پاسداران، ژووری بازرگانی و ئەسناف و...، هەوڵیدا خەڵکی کوردستان لە ژێر گوشار و زەخت و زۆر و هەڕەشەدا وەڵامی ئەرێنی بەم بانگەوازە نەدەنەوە. بەڵام کۆمەڵانی خەڵکی کوردستان سەرەڕای هەموو ئەو هەڕەشانە و نیزامی کردنی کەش و هەوای شارەکان، بە لەخۆگرتنی هەزینەی ئەنجامدانی وەها حەرەکەتێک، وەڵامێکی ئەرێنی و شیاوی خەباتگێڕیی خۆیان بە بانگەوازەکەی حیزبی دێموکراتی کوردستانی ئێران دایەوە و دەستێکی بەهێزیان بە سینگی ڕێژیم و دام و دەزگا سەرکوتکەرەکانیەوە نا، ئەوان بە داخستنی دوکان و بازار و نەچوون بۆ سەر کار و ڕەچاوکردنی ڕێنوێنییەکانی حیزب لەو پێوەندییەدا، وەک ساڵانی پێشوو نیشانیان دا، نەک لە پێداگری لەسەر بیر و باوەڕەکەیان و داخوازە سیاسی و ئەساسییەکانیان سوور و پێداگرن، هەروا پاڵپشتی بەهێزی حیزبی دێموکراتی کوردستانی ئێرانن، بەڵکوو سەلماندیان کە هەڕەشەکانی کۆماری ئیسلامیی ئێرانیان لەخۆ دوور خستووەتەوە و لەو باوەڕەدان ئەو ترسە بۆ هەمیشە دەبێ بڕژێ. بۆیە دوێنێ سێ‌شەممە هەموو لایەک نیشانەکانی ئازایەتی و چاونەترسی و خەباتگێڕی و خۆڕاگریی کۆمەڵانی خەڵکی کوردستانیان لە نێو تەم و مژی هەڕەشە و فشارەکانی ڕێژیمدا بە بەرز کراوی دیت و دڵنیاییان دا بە هەموو لایەک کە شار دەنگ و پەیامی شاخی بیستووە و بە دڵ و گیان وەری گرتووە و هەموو شێوەکانی خەباتی ڕەوایان دەستەملانی یەکتر کردووە.

پیرۆز بێ لە کۆمەڵانی خەڵکی کوردستان ئەو وشیارییە سیاسییە

ڕۆڵەکانی نەتەوەی کورد!

خەڵکی زامدار و ماف پێشێلکراوی کوردستان!

ئێوە بە ئازایەتی و چاونەترسیی خۆتان لە ٢٢ی پووشپەڕی ئەمساڵ ٢٧ـەمین ساڵڕۆژی تیرور کردنی دوکتور قاسملوودا، هەم مستێکی توندتان لە دەمی ڕێژیمی تیروریست و تیرور پەروەری کۆماری ئیسلامی ئێران دا و هەم وەفاداریتان بۆ ڕێبازی دوکتور قاسملوو و سیاسەت و بڕیارەکانی حیزبی خۆتان، حیزبی دێموکراتی کوردستانی ئێران، دووپات کردەوە و هەمیش بە گرینگ نرخاندنی لێک گرێدانی خەباتی شاخ و شار، وەڵامێکی شیاوتان بە گوێی دۆست و دوژمنان گەیاند و ئەو مژدەیەتان دا کە لە داهاتوودا شارەکان لە ڕابردووش زیاتر دەبنە مەکۆی خۆڕاگری و خەباتی ڕەوا لە شکڵ و شێوەی جۆراوجۆردا. نیشانتان دا کە خەبات لە پێناو گەیشتن بە مافە دێموکراتیک و نەتەوایەتیەکانمان ئەرکی یەک یەکی کۆمەڵانی خەڵکی کوردستانە و سەلماندتان کە بە یەکدەنگی و یەک هەڵوێستی دەکرێ و دەشێ بەسەر دوژمنانی کورد و نەیارانی کورددا سەر بکەوین و پیلانە ڕەنگاوڕەنگەکانیان پووچەڵ بکەینەوە. بە تایبەت کە هاوکات لەگەڵ بە پیلەوهاتنی شار لە کوردستانی ڕۆژهەڵات، ڕۆڵەکانی کورد لە وڵاتانی دەرەوە و لە پارچەکانی دیکەی کوردستانیش بە بەڕێوەبردنی حەرەکەتی ئیعترازی و ڕێوڕەسمی تایبەت دەنگی خۆیان هەڵبڕی و هەنگاوی شیاویان نا.

ڕێبەرایەتی حیزبی دێموکراتی کوردستانی ئێران ئەو حەرەکەتە ئیعترازییە بەرین و بەرچاوەتان وێڕای پیرۆزبایی پێگووتن، بەرز و شوێندانەر دەنرخێنێ و وەک سەرەتایەک بۆ خەباتێکی بەرینتر لە سەرتاسەری کوردستان سەیری دەکا و وەک هەمیشە بە پشتیوانی و پشتگیریی کۆمەڵانی خەڵکی کوردستان پشت ئەستوورە.

جارێکی دیکە سڵاو و سپاس بۆ ئەندامان، لایەنگرانی حیزب و هەموو ئازادیخوازانی کورد لە ڕۆژهەڵات کە بەشێوەیەکی بەرچاو پەیامی حیزبیان گەیاند و هەروەها بۆ بەشدارانی حەرەکەتە شیاو و شوێندانەرەکەی ڕۆژی سێ‌شەممە ٢٢ی پوشپەڕی ئەوساڵ.

بەردەوام و یەکگرتوو بێ خۆڕاگریی خەڵکی کوردستان، شوێندانەرتر بێ خەباتی لێک گرێدراوی شاخ و شار، سەر کەوێ خەباتی تێکڕایی لە پێناو گەیشتن بە ئاوات و ئامانجی شەهیدان و ماف و ئازادییەکانی خەڵکی کوردستانی ڕۆژهەڵات.

 

حیزبی دێموکراتی کوردستانی ئێران

دەفتەری سیاسی

٢٣ی پوشپەڕی١٣٩٥ی هەتاوی

 

 ---------------------------------------------------------------------------------------------------

بۆ پێوه‌ندی‌ گرتن له‌گه‌ڵ‌ به‌ڕێوه‌به‌ر‌ى ماڵپه‌ڕ له رێگه‌ی‌ فه‌یسبووكه‌وه‌ ئێره‌ كلیك بكه‌


ناردن بۆ تۆڕه‌ کۆمه‌ڵایه‌تی‌یه‌کان
جاری خوێندراوه‌: 1086
بۆچوونه‌کان (0)Add Comment

نووسینی بۆچوون
بچووکردنه‌وه‌ی خانه‌ی بۆچوون | گه‌وره‌کردنی خانه‌ی بۆچوون

busy