هه‌ڵۆی کوردستان

-
هەڵە
  • JFolder::create: Could not create directory

سرنجێک بۆ پەیامی نەورۆزی رێزدار "هیجری"

پۆستی ئەلیکترۆنی چاپکردن

reza_amini_-_xebat_1پەیامی نەورۆزی ساڵی ٢٧١٦ی کوردی ناکرێ لە چوارچێوەی تەنگەبەری سیگنالێکی ئیحساسی یا دەسکرد تەفسیر بکرێ وا هەست پێدەکرێ زەمینەکانی بانگەوازی ئەو جارەی سکرتێری گشتی حیزبی دێمۆکراتی کوردستان لە سەر بناخەی رێککردنەوەی خەباتی ئاکتیڤتریا گرێچنکردنەوەی توندو تۆڵتری خەباتی خۆرهەڵاتی کوردستان گەڵاڵە کرابێ بە جۆرێک کە پلانێکی متمانە پێکراو خەریکە دەبێتە بنەمای هیوای رزگاری بۆ خەڵکی کوردستان ، وێدەچێ بڕگەی خەباتی رزگاریخوازی نیشتمانی کوردستان بە سەر قەیرانە رەنگاڵەکانی ٢٠ ساڵی رابردوو دا دەرباز بووبێ‌و بەو هەلە رەخساوە گەیشتبێ جارێکی دیکە رێبەری بزوتنەوەی کورد لە دیاری کردنی چارەنووسی کورد لە کوردستانی بن دەستی ئێران دێتەوە گۆڕەپان‌و رووداوەکان بە بارستایی پوتانسیلی بزوتنەوەی رەوای کورد رێکدەخاتەوە.

حیزبی دێمۆکراتی کوردستان لە سەر بنەمای بەرژەوەندی نیشتمانی بۆ پەرەگرتنی ئەزموونی خەباتی کورد لە باشوری کوردستان نێزیک بە دوو دەیە لەمەوبەر بنکەو دامەزراوەکانی خۆی لە چیای قەندیل بەرەو کۆیە گواستەوە بەو هەڵوێستە سیاسیە نیشتیمانیەی سەلماندی کە بەرژەوەندی کورد لە سەرەوەی خۆی دادەنێ لەو قۆناغەدا هەموو وزەی خەباتی حیزب بۆ رێکخستنی خەباتی هێمنانەی سڤیل لە خۆرهەڵاتی کوردستان تەرخان کرا هاوکات پشگیری خەباتی کورد لە بەشەکانی دیکەی کوردستان بوو بە پارامیتری جولە سیاسیەکانی ئەو حیزبە ئەنجامەکاشی بە پرستێژ بوونی بوو لە ناو کۆمەڵانی خەڵکی کوردستاندا ئەو ساڵە تاڵانە ئەگەرچی بە نرخی کۆمەڵێک قەیران بۆ حیزب تەواو بوو بەڵام دەرئەنجامی ئەرێنیشی ئەوە بوو کە دێمۆکرات بە پێی پێویست داهێنەری شێوازی خەباتی رەنگاڵەیە.

 

payam_-_N_-_r_a_1


کۆماری ئیسلامی ئێران کە بە گشتی لە گەڵ هەموو خولیاکانی کورد ناتەبایە تەنیا بە گواستنەوەی بنکەکانی حیزبی لە سەر سنووری رۆژهەڵاتی کوردستان وازی نەهێنا دوا جار لە رێگەی سوپای قودسەوە دەستی لە هەموو کارو بارەکانی خەڵکی باشووری کوردستان وەردا‌و لە پێکناکۆککردنی هێزە سیاسیەکانی باشووری کوردستان ئەوی پێکرا درێغی نەکرد.

حیزبی دێمۆکراتی کورستانی ئێران لە ساڵی رابردوو دا بۆ گرێدانەوەی خەباتی شاخ‌و شەقام بریاری دا هێزی پێشمەرگە لە سنوورەکان جێگیر کات بۆ ئەوەی لە کاتی گونجاو دا بتوانێ داکۆکی لە خەباتی مەدەنی خەڵکی خۆرهەڵاتی کوردستان بکات خەباتێک کە لە چەند ساڵی رابردوودا بە هۆی کۆماری ئیسلامییەوە وەڵامەکەی زیندان ، ئیعدام‌و بێ سەرو شوێنکردنی تێکۆشەرانی کورد بوو .

بە دوای ملشۆرکردنی کۆماری ئیسلامی بۆ هێزە رۆژئاواییەکان هەرو گیفەکانی قاسم سولەیمانی وسوپای قودس خەریکی رێکخستنی کەشێکی مەسمووم بۆ بزوتنەوەی کورد بوون بۆیە پێویستی دەکرد لایەنی رێبەری بزوتنەوەی کورد لە خۆرهەڵاتی کوردستان دژە هێرشێک بەرێوە بەرێ تا ئەو وانانە وەبیر کۆماری ئیسلامی بێنێتەوە کە بزوتنەوەی کورد بە نرخی خوێنی شەهیدان‌و وزەی تێکۆشەرانی گەل کۆماری ئیسلامی لە هەموو رەواییەکی لۆژیکی‌و سیاسی بێ بایەخ کردووە .

هەنووکە لەو قۆناغە نوێیەی تێکۆشاندا لە پەیامی رێزدار هیجری دەکرێ ئەو تەفسیرە وەربگرین کە حیزبی دێمۆکرات بە هاوکاری هێزە سیاسیە کوردستانیەکانی خۆرهەڵاتی کوردستان بۆ خەباتێکی چالاکتر خۆی رێکدەخا ، بەرگری چەکداری ئەو جارە بەر لەوەی بەرژەوەندییەکانی رۆژهەڵاتی کوردستانی بە شوێنەوە بێ لە خزمەت تەناهی هاووڵاتیانی باشووری کوردستاندایە‌و ئەمەش هەم بۆ خەڵکی ئەو پارچەیەی نیشتمان‌و هەمیش بۆ حیزبە سیاسییەکانی ئەو بەشە سەڵماوە بەڵگە نەویستە لاوازی کۆماری ئیسلامی لە بەرژەوەندی هەموو بزوتنەوەی کورد دایە.

فاکتۆرێکی گرینگ لەو پێوەندییە دا ئەوەیە کە حیزبی دێمۆکراتی کوردستانی ئێران لە ساڵانی رابردوو دا پێوەندی دیپلۆماسی خۆی لە سەر بنەمای کۆمەڵێک پرنسیب‌و گرێبەستی دێمۆکراتیک لە گەڵ وڵاتانی رۆژئاوایی‌و رێکخراوە مروڤ دۆستەکان رێک خستووە بە چەشنێک کە ئەو حیزبە‌و ئامانجەکانی بە ئەرێنی دەنرخێنن هاوکات کۆماری ئیسلامی بە دەسەڵاتێکی نادێمۆکراتیک دەناسن بۆیە بە مەرجێک هێزە سیاسیەکانی خۆرهەڵاتی کوردستان یەکگرتوو بن بنەمای پەیامی نەورۆزی ٢٧١٦ کوردی دەبێتە سەرەتای وەرزێکی هیوا بەخش بۆ بزوتنەوەی رەوای کوردو کۆتایی بێ هیواییەکانی کۆمەڵانی خەڵکی کوردستان .

 

بابه‌تی‌ پێوه‌ندیدار:

ده‌قی‌ په‌یامی‌ نه‌ورۆزیی‌ كاك مسته‌فا هیجری‌، له‌ چیاكانی‌ كوردستانه‌وه‌!

 

 ---------------------------------------------------------------------------------------------------

 بۆ پێوه‌ندی‌ گرتن له‌گه‌ڵ‌ به‌ڕێوه‌به‌ر‌ى ماڵپه‌ڕ له رێگه‌ی‌ فه‌یسبووكه‌وه‌ ئێره‌ كلیك بكه‌


ناردن بۆ تۆڕه‌ کۆمه‌ڵایه‌تی‌یه‌کان
جاری خوێندراوه‌: 1037
بۆچوونه‌کان (0)Add Comment

نووسینی بۆچوون
بچووکردنه‌وه‌ی خانه‌ی بۆچوون | گه‌وره‌کردنی خانه‌ی بۆچوون

busy