هه‌ڵۆی کوردستان

-
هەڵە
  • JFolder::create: Could not create directory

ئێمە‌و هەڵبژاردنەکانی کۆماری ئیسلامی

پۆستی ئەلیکترۆنی چاپکردن

omer_-golamelei_-_web_logo"سەردەمی ئێمە سەردەمی پەرەگرتنی دیمۆکراسی، گەشەی کۆمەڵایەتی‌و ڕزگاریی نەتەوییە".

 ئەم ڕستەیە دەتوانین لە بەرنامە یاپڕۆگڕامی زۆربەی ئەو حیزب‌و ڕێکخراوانە (ئەوانەی خۆیان وەک ڕێکخراوی مۆدێڕن‌و پێشکەوتنخواز پێناسەدەکەن‌و جاڕی گەشەپێدانی کۆمەلایەتی دەدەن) هەڵێنجین.

سێکۆلاریزم‌و ئاراستەکەی کە جیایی دین لە دەوڵەتە لە دروشمە زەق‌و بەرچاوەکانیانن، بەو مانایە کە مزگەوت، دێر،کەنیسە‌و هەموو پەرستگاکان مینبەرو خەڵوەتگەی دڵان لەگەڵ خوای خۆیانن‌و تەلارەکانی حکوومەت سەکۆی دەسەلات‌و فەرمانڕەوایی. بەشی هەرە زۆری ئۆپۆزیسیۆنی ئێرانی، چ کورد‌و نەتەوەکانی دیکە‌و چ ئەو ڕێکخراوانەی خۆیان وەک حیزبی سەراسەری وڵات دەناسێنن، سیکۆلاریزمیان وەک بنەمایەکی هەرە گرینگ بۆ گەشەی کۆمەڵایەتی لە گەڵالەکانیان بۆ بەڕیوەبردنی وڵات دا گونجاندووە. دەزانین کە سێکۆلاریزم‌و ڕژیمی دینی ئاویان بەئاوەڕۆیەک داناڕوا‌و ئەوەی لێدەکەوێتەوە کە کۆماری ئیسلامی‌و دژبەرانی حکوومەتەکەی لە٣٦ ساڵ ململانێ دا ئەزموونیان کردووە. هەموو ئەو حیزب‌و ڕێکخراوانە هەر بەو هۆیەوە(دەکرێ هۆکاری دیکەش بوونی هەبێ) لە دەستپێکی دەسەڵاتی "کۆمار"ی ئیسلامی یەوە بە تۆمەتی شەڕ لەگەڵ خودا هەڵوەشاوە ڕاگەیەندران‌و تێکۆشانی سیاسی‌و کۆمەڵایەتی یان قەدەغە کرا. ئەگەر لە موجاهیدینی خەڵکی ئێران‌و چەند گرووپێکی ئیسلامی گەڕێین،حیزبە گەورە‌و جەماوەرییە سەراسەرییەکانی وەک حیزبی توودەی ئێران، ڕێکخراوی چریکەفیداییەکانی خەڵکی ئێران و..... قەدەغە‌و سەرکوتیان پێمل نەبوونیان بە حکوومەتی دینیی "موتڵە‌ق"ی ویلایەتی موتلەقەی فەقیه بوو.

 

sorani_-_halbjardin_shora_2

 

لە کوردستانیش مل نەدانی خەڵکی کوردستان بەو پاوانخوازییەی دامەزرێنەرانی کۆماری ئیسلامی‌و ویستەنەتەوەیی‌و دێمۆکراتیکەکانی حیزبی دێمۆکراتی کوردستانی ئێران، چارە هەرچووە ئەوبارە و،لەتێکۆشانی سیاسی‌و بەشداری لە بەڕێوەبردنی ولاتەکەیان بێبەش کران. ئەم تاڵانی دەسەڵاتە لە کوردستان لە کەشێک دابوو کە لە یەکەم هەڵبژاردنی پاش شۆڕشی گەلانی ئێران بۆ "مەجلیسی شۆڕا"‌و بەشداری کردنی حیزب‌و ڕێکخراوەکانی کوردستاندا، کۆماری ئیسلامی‌و دەست‌و پیوەندەکانی نەیانتوانی دەنگی متمانە بۆ هیچ نوێنەرێکیان دەستەبەر بکەن . بەڵام پاوانخوازیی ئایینزایی‌و فەلسەفەی ویلایەتی مۆتڵەقەی فەقیهی خۆمەینی، نە لەرێگای دەنگی جەماوەری‌و هەڵبژاردنەوە بەڵکوو بەهۆی هیزی لەشکر‌و شەڕو داگیرکاری‌و ئابلۆقەی ئابووری، کۆمەڵکوژی‌و دەیان تاوانی ترەوە دەسەڵاتی بەسەر خەڵکی کوردستان دا زاڵکرد‌و هەموو ئاسەوارێکی ژیانی ئازاد‌و هەموو ڕۆخسارە جوانەکانی پلۆرالیزم ،سیکۆلاریزم‌و پێکەوەژیانی ئایین‌و ئایینزاکان(کە لەباوەڕی ئەو حیزبانەدابوون)‌و ...ی سڕیەوە . ئەوە ڕابردوو نیە کە کتێب‌و سەرچاوەی مێژوویی بۆ بگەڕێین، هەر ئەوەندە بەسە کە چاوێک بە ئەدەبیات‌و بڵاوکراوە‌و ڕاگەیاندنەکانی ڕێکخراوە کوردستانی‌و ئێرانی یەکاندا بگێڕین‌و لێمان نەگۆڕێ کە سیاسەتی ئەم سیستەمە رەوتێکی بەردەوامە‌و ڕیڕەوی خۆی تا ویشک هەڵاتنی سەرچاوەکانی دەپێوێ، ئەو سەرچاوانەی کە یەک لەوان شانۆگەریی هەڵبژاردن بۆ چاوبەستنی بیروڕای جیهانی‌و خۆڵ کردنە چاوی کۆمەڵانی خەڵکی وڵاتەکەمانە.

ئەم ئاوڕە کورتە لە دۆزی ویلایەتی فەقیه لە وڵاتی بەربەڵای ئێران‌و دۆخی تێکۆشەرو خەباتکارانی سیاسی لە کوردستان، پرسیارێک دێنێتە ئاراوە.،

 ئایا هاندانی کۆمەڵانی خەڵک بۆ بەشداری، یان بەشداری بەهەر بیانوویەک، لە شانۆی هەڵبژاردن لەم سیستمەدا بۆ " پەرەگرتنی دیمۆکراسی، گەشەی کۆمەڵایەتی‌و ڕزگاریی نەتەوییە"وخەڵوەتگەو تەلارەکان لە جێگای ڕاستەقینەیەی خۆیانن کە بانگەشەیان بۆ دەکەین ؟

 

  ---------------------------------------------------------------------------------------------------

   بۆ پێوه‌ندی‌ گرتن له‌ رێگه‌ی‌ فه‌یسبووكه‌وه‌:

    لاپه‌ڕه‌ی‌ به‌ڕێوه‌به‌ری‌ ماڵپه‌ڕ 

   لاپه‌ڕه‌ی‌ ماڵپه‌ڕ


ناردن بۆ تۆڕه‌ کۆمه‌ڵایه‌تی‌یه‌کان
جاری خوێندراوه‌: 1039
بۆچوونه‌کان (0)Add Comment

نووسینی بۆچوون
بچووکردنه‌وه‌ی خانه‌ی بۆچوون | گه‌وره‌کردنی خانه‌ی بۆچوون

busy