هه‌ڵۆی کوردستان

-
هەڵە
  • JFolder::create: Could not create directory

سەقامگیری سیاسی ڕێژیمی ئاخوندی‌و چەند قسەیەك!

پۆستی ئەلیکترۆنی چاپکردن

slemani_-_pkk_pdki_rega_1بە پێچەوانەی باس‌و خواسی گەرمی دەسەڵاتدارانی تاران کە باس لە سەقامگیری سیاسی‌و ئابووری‌و کۆمەڵایەتی وڵاتەکەیان دەکەن‌و وای نیشاندەدەن کە گوایە ئێران بەرەو دێمۆکراتیزەکردن‌و دادپەروەری سیاسی‌و نەتەوەی هەنگاوی بەرەو پێشەوە هاویشتووە‌و لەو ڕێگایەشەوە وڵات‌و دەسەڵاتەکەی خۆی سەقامگیرکردوە‌و هیچ جۆرە هەڕەش‌و نیگەرانیەك شك نابن کە ئەوان بترسێنێت‌و لەسەر دەسەڵات لایانبدات. دیارە جۆری خۆپێدا هەڵدان‌و مەتحو سەناکەیان بەتەواوی داماوی‌و پەشێوی پێوەدیارە وئەگەر بە گوێرەی قسەی کاربەدەستانی نیزام ئەوەڕاست بێت، ئەی بۆچی بەرپرسە ئەمنیەکانی ڕێژیم زۆر بە نیگەرانیەوە باس لە بارودۆخی سیاسی‌و ئەمنی کوردستان‌و لاوازی جمووجۆڵی چەکداری هێزە تیکۆشەر‌و خەباتگێڕەکانی ڕۆژهەڵاتی کوردستان دەکەن‌و دەڵێن سنوورەکان ئارامن‌و لە مەترسی نیزامی نەیارانیان پاڕێزراون. ئاماژەکردن بەو خاڵە‌و کۆمەڵێك بابەتی دیکەی پەیوەندیدار ئەو راستیە دەسەلمێنن کە نەڕێژیمی ئاخوندی سەقامگیربووە‌و بەرویەکەیتریشدا خەباتی چەکداری تێکۆشەرانی کوردستانیش پەکی نەکەوتووە‌و هەر ڕۆژێك گەل بخوازێت ئەو ئیرادە‌و وشیاریە نەتەوەیە بەدی دەکرێت کە وەك ڕابردوو مەترسی گەورە لەسەر ڕێژیم‌و دامودەگائەمنی‌و سیاسیەکانی دروست بکڕیتەوە. بەدڵنیایەوە خەڵکی کوردستان‌و تێکۆشەرانی حیزبی دێمۆکرات‌و هێزەکانی تری ڕۆژهەڵات لە دەرفەتێك دەگەڕێن بۆ ئەوەی کوردستان بکرێتەوە مەتەرێزی بەرخۆدان‌و تێکۆشانی سیاسی‌و نیزامی. دیارە ئەوە ڕاستنیە کە گوایە نیزامی ئاخوندی توانیویەتی بەسەر کێشە‌و قەیرانە نێوخۆی‌و دەرەوەیەکانیدا زاڵ بێت و، بەهەشتێکی بەرینیان بۆ گەلانی ئێران دروستکردوە‌و بەگشتی کۆمەڵگا تێیدا هەست بەئاسودەی‌و ئارامیان دەکات. دیارە ئەوە تەنیا خەیاڵ‌و پڵاوی ئاخوندەکانی ئێران‌و بەس. ئەوەی ڕاستی بێت کار بەدەستانی تاران بۆ ئەوەی خۆیان لە شەپۆلی بێزاری‌و ناڕەزایەتی گەلانی وڵات بپارێزن لە ئێستادا، لە دەرەوەی سنوورەکانی ئێران خۆیان سەرقاڵی شەڕ‌و ململانەی لاوەکیکردوە بۆ ئەوەی ئەگەر بۆ ماوەیەکی کوردتیش بێت خۆیان لە مەترسیەکانی نێوخۆی ڕێژیم بپارێزن. بەتایبەتیش لە حاڵی حازردا کە خۆیان بۆ دەورەی دەیەمی هەڵبژاردنی پارلمانی وڵات ئامادە دەکەن. بەگوێرەی توێژینەوە‌و و تێڕوانینی چەمکی زانستی سیاسی سەبارەت بە میکانیزم‌و میتۆدی سەقامگیری حوکمڕانی لە هەر وڵاتێكدا، بەجۆرێك سەیر دەکرێت کە تاچ ڕادەیەك دێمۆکڕاسی‌و دادپەروەری‌و مافی سیاسی‌و نەتەوەی لە بەرچاوگیراوە‌و سیاسەتی لێك هەڵاواردن‌و پەراوێزخستن پەیرەوی نەکراوە. کاتێك حکوومەتێکی نادێمۆکراتیکی وەك ڕێژیمی ئاخوندی بە ڕێگای فشار‌و بە هێزی نیزامی خۆیان بەسەر ئیرادەی خەڵکەکەیانداسەپاندوە وهەر جۆرە ڕادەربڕین‌و ئازادیە سیاسی‌و نەتەوەی‌و ئابووریەکان لە بەرژەوەندی دەستەیەك پچوكدا قۆرخ کراون‌و پەرێزێك لە خۆشگوزەرانی پاوانی خۆیان‌و بنەماڵە‌و هاوقۆڵەکانیانکردوە‌و گەلەکەیان توشی برسیەتی‌و نەداری دەکەن، ناکرێت ئەو وڵاتە خۆی دڵی بە سەقامگیری خۆش بێت. بەرویەکەیتریشدا ڕۆژانە ئازادیخوازانی وڵات کە داوای سەرەتایترین مافی خۆیان دەکەن، روبەڕویگرتن‌و ئیعدامی بەکۆمەڵ دەکڕینەوە‌و لە سێدارەدان ڕێژەی ئاسایخۆی تێپەڕانوە‌و وڵات کراوەتە کۆشتارگای جیابیران‌و نەتەوەخوازانی ئێران.

 

saqamgiri_._slemani_2

 

لە حاڵێکیوادا ناکرێت ئیدیعای سەقامگیری سیاسی ئێران لە جێگای خۆیدابێت، چوونکی لەو پەیوەندیەدا دڵی هاووڵاتیانی خۆی بەدەست نە هێناوە‌و کۆدەنگی سیاسی‌و نەتەوەی گەلانی لە پشت نیە‌و زۆرینەی گەلانی پێك هێنەری وڵات دژی سیاسەتی حکوومەتی ئاخوندین. ئەوە ئاشکرایە کە حکوومەتی ئاخوندی ئێرانیش وەك هەر وڵاتێکی دیکتاتۆری دیکەی دونیا بە زۆری سەرنێزە‌و کۆمەڵکوژی ئازادیخوازانی وڵات دەستی بەدەسەڵاتەوە گیرکردوە‌و ئەگەر بێت‌و مەجالی هەڵبژاردنێکی دێمۆکڕاتیك لە ئێراندا پیك بێت، ئەو دەسەڵاتە بەتەواوی پەراوێز دەخرێ‌و گەلانی وڵات بەگشتی دەنگ بە ئازادی‌و مافی سیاسی‌و هاونیشتیمانی بوون دەدەن‌و بۆجارێک دیکە ڕەوای ئیدارەدانی وڵات بەو دەسەڵاتە نادرێتەوە. کاربەدەستانی تاران وێرای تێپەربوونیان بەسەر قەیرانی سیاسی‌و ئابووری‌و نالەباری ژیان‌و گوزەرانی خەڵکی وڵاتدا و، بەلاڕێدابردنی بیرورای نێوخۆی‌و نێونەتەوەی سەبارەت بە چۆنیەتی هەلومورجی ژیانی سیاسی‌و کۆمەڵایەتی گەلانی بندەستی ژێرحاکمیەتی ڕێژیمی ئاخوندی ئێراندا، خۆیان سەرقاڵی ململانەی ناوچە کردوە‌و ئەوەتا لە سووریە‌و یەمەن‌و ئێراقدا بەشداری کەڵاوەکیشیەکان دەکات‌و ساڵانەیش بوجەیەکی کەڵانی وڵات بەو رێگا ناشەرعیەدا بەهەدەر دەدرێت. حکوومەتی ئاخوندی ئێران‌و دامودەزگا ئەمنیەکانی ئەو وڵاتە ماوەیەکە لە کاناڵی جیا جیاوە هەوڵدەدەن ئەوە بسەلمێنن کە لە رۆژهەڵاتی کوردستاندا مەترسییان لەسەر نیە وهێزەکانی ئەو بەشەی کوردستان لە سنوورەکانەوە جمووجۆڵی خەباتی چەکداریان نەماوە‌و بەقەولی خۆیان ئێستا ئێرانی فرە ڕەنگ‌و فرەنەتەوەی بۆتە دەریای ئارام‌و وڵات بەگشتی لە ئەمن‌و ئاماندایە.

کاربەدەستانی ئەمنیەتی ڕێژیم دەمێکە لەو ڕێگایەوە هەوڵی خۆهێورکردنەوەیان دەدەن وئەو کاتەیش کە رۆژهەڵاتی کوردستان بە قەڵای بەرگری‌و تێکۆشانی سیاسی‌و چەکداری بەدژی هێزە سەرکوتکەرەکانی حکوومەت ناسرابوو‌و بە سەنگەری بەرگری لە دێمۆکڕاسی‌و مافی مرۆڤ ناوبانگی بە هەموو وڵاتدا بڵاو ببوویەوە، ئەو چیرۆکە بێمانایەن بۆ دڵدانەوەیان باس دەکرد هەتاشکەست‌و پاشەکشەکانیان لە بەرچاوی لایەنگرانیان بشارنەوە. پاش سێ دەیە تێپەڕبوون بەسەر رووداوەکانی وڵاتدا، خەریکن بۆ جارێکی دیکە پاشەکشە‌و نائارامیەکانیان بەو ڕێگایەدا بشارنەوە. بێگوومان دەورەی دەیەمی شانۆسازی پارلمانیش کە ئێستا خۆی بۆ ئامادە دەکەن ناتوانێت ئەو دەسەڵاتە لە قەیران‌و گێژاوی نێوخۆی بپارێزێت‌و داخوازەڕەواکانی گەلانی وڵات دابین بکات.


 ---------------------------------------------------------------------------------------------------

  بۆ پێوه‌ندی‌ گرتن له‌ رێگه‌ی‌ فه‌یسبووكه‌وه‌:

   لاپه‌ڕه‌ی‌ به‌ڕێوه‌به‌ری‌ ماڵپه‌ڕ

   لاپه‌ڕه‌ی‌ ماڵپه‌ڕ


ناردن بۆ تۆڕه‌ کۆمه‌ڵایه‌تی‌یه‌کان
جاری خوێندراوه‌: 855
بۆچوونه‌کان (0)Add Comment

نووسینی بۆچوون
بچووکردنه‌وه‌ی خانه‌ی بۆچوون | گه‌وره‌کردنی خانه‌ی بۆچوون

busy