هه‌ڵۆی کوردستان

-
هەڵە
  • JFolder::create: Could not create directory

ناسیۆناليزمی تورک و پرسی کورد

پۆستی ئەلیکترۆنی چاپکردن

erfan_rehemo_web_logo_1تورک و فارس سەدان ساڵە دژی نەتەوەی کورد یەکیان گرتوە. هەوێنی ئەم یەکگرتنەش لەسەرەتاوە تا ئێستا شیعەگەریی بووە.هەرچەند نزیکەی نیوە زیاتری کورد لە رۆژهەڵاتی کوردستان دا، بە مەزهەب شیعەن، بەڵام لانیکەم لە مێژووی هاوچەرخەوە، کورد بە ئایین و مەزهەبەوە نەناسراوە و کورد بوون تەنیا پێناسەی کورد بووە لای خودی کورد و تەنانەت لای دوژمنانیشی .مەزهەب بۆ تورک و فارس بۆتە بەشێکی پتەو لە ناسنامەی نەتەوایەتیی ئەو دوو نەتەوەیە و هەر ئەوەش بۆتە هۆی گرێدانی تورک و فارس پێکەوە . ئەو هاوپەیمانێتییەی تورک و فارس ریشەیەکی قووڵی مێژووی هەیە و لە "سەفەوییە" ڕا تا بزاڤی سمایل ئاغای سمکۆ و هاتنەسەرکاری کۆماری ئیسلامی درێژبۆتەوە. تەنیا سەردەمێک کە کورد و تورک توانیویانە هاوپەیمانی دژی دەوڵەتی ناوەندی پێک بێنن، دەگەڕێتەوە بۆ سەەردەمی کۆماری کوردستان و کۆماری مێللی ئازەربایجان . ئەو هاوپەیمانێتیش زۆرتر وردبینی و هەوڵی پێشەوای نەمر قازی محەمەد بوو، دەنا هیچ بەڵگەیەکی مێژووی نیە بیسەلمێنێ کە نەتەوەی تورک رۆژێک لە رۆژان خۆی بە هاوپەیمان و هاوخەباتی کورد زانیبێ. پانئێرانیستەکانیش کە خۆیان بە سکولار دەزانن لە کردەوەدا لە نێوان کورد و تورک دا پشتیوانیان لە تورکەکان کردوە کە ئەم دووڕووییە هەوێنی سیاسەتی فارس و پانئیرانیستەکانە و ئەگەر کێشەیەکیان لەلایەن تورکەوە بۆ هاتبێتە پێش لە سیاسەتی" دەستی خۆم نیە و ماری پێدەگرم" کەڵکیان وەرگرتوە، بەو مانایەی کوردیان لە تەک تورک دا بەشەڕ داوە و خۆشیان لە دوورەوە بە دووربین سەیری گۆڕەپانی شەڕەکەیان کردوە.ناسیونالیزمی تورک لە ئێران لە حاڵی گەشە دایە، بەڵام هێشتا نەبۆتە خاوەنی حیزبی سیاسی بەمانا واقعییەکەی .لەتایبەتمەندییە بەرچاوەکانی ئەو ناسیۆنالیزمە دەتوانین ئاماژە بە دژە کورد بوونی خەست، نەژادپەرەستیی کوێرانە و زێدەخوازیی لەرادەبەدەر بکەین.

 

wrme_keyhan_2


کورد پێویستە لەپێوەندی لە تەک ناسیۆنالیزمی گەشەسەندووی تورک دا هەستیار بێ، چونکا دەوراندەوری کوردستانی رۆژهەڵات بە تورک تەنراوە، تورکەکان چاویان نەبڕیوەتە خاکی فارس، بەڵکوو خۆیان بە خاوەنی یەک لەسەر سێی خاکی رۆژهەڵاتی کوردستان دەزانن. کورد نابێ فریوی دروشمی دژە" فارس"ی تورکەکان بخوات، چونکا مێژوو نیشانی داوە، تورک و فارس " گۆشتی یەک بخۆن، ئێسکی یەک ناشکێنن" .

هەرچەند تورکەکان چاویان بڕیوەتە هەموو خاکی کوردستان لە ئوستانی" ئازەربایجانی رۆژئاوا" بەڵام ئەوە تەنیا دروشمە بۆ پاشکشەکردن بە کورد لە سەر کوردستانیبوونی " ورمێ".

کورد پێویستە بە ئاشکرا رابگەیەنێ کە " ورمێ" کوردستانە و ئەو پرسە قابیلی منجەمنج کردن و تەنانەت وتوێژ کردن نیە و پێویستە کوردانی ورمێ لەو خەوە سەنگینە وشیار بنەوەو لەسەر شەقامەکان و شوینە گشتییەکان نیشان بدەن کە " ورمێ" کوردستانە.


---------------------------------------------------------------------------------------------------

 بۆ پێوه‌ندی‌ گرتن له‌ رێگه‌ی‌ فه‌یسبووكه‌وه‌:

 لاپه‌ڕه‌ی‌ به‌ڕێوه‌به‌ری‌ ماڵپه‌ڕ

 لاپه‌ڕه‌ی‌ ماڵپه‌ڕ


ناردن بۆ تۆڕه‌ کۆمه‌ڵایه‌تی‌یه‌کان
جاری خوێندراوه‌: 1430
بۆچوونه‌کان (0)Add Comment

نووسینی بۆچوون
بچووکردنه‌وه‌ی خانه‌ی بۆچوون | گه‌وره‌کردنی خانه‌ی بۆچوون

busy