هه‌ڵۆی کوردستان

-
هەڵە
  • JFolder::create: Could not create directory

شینگێرییه‌ک بۆ قادر خانی برا گه‌وره‌م

پۆستی ئەلیکترۆنی چاپکردن

هاوڕێ‌و هاوبیرو رووگه‌ی نیازم

چونکه ‌برای تۆم به‌خۆم ده‌نازم

کۆلیلێکی گه‌رم...

هه‌نسک‌و فرمێسک و....

دڵێکی له‌کوڵ

 

qadrxani_shahid_-_2

 

بۆ سه‌ری هه‌ڵدایه‌وه ‌زووخی ده‌روون

بۆ به‌لێشاوه‌ خوڕێنی ئه‌شکی ڕوون

بۆ فوغان‌و دادو ڕۆیه‌کاری من

سه‌رده‌کا هه‌رده‌م له‌ده‌م هاواری من

بۆ کزو داماوو زیزه ‌ئه‌م دڵه

بۆ به‌ده‌ردو ئێش‌و ئازارو چڵه

بۆچی ئاسووده ‌نه‌بووم تاکه‌ شه‌وێ

ئه‌م خه‌مه‌ تاڵه ‌له‌گیانم چی ده‌وێ

بۆچی وا دایم زه‌بوون‌و سه‌رکزم

شه‌تڵی به‌ر شه‌خته‌ی به‌قینی پایيزم

بۆ گوڵی هیوام شه‌را بردوویه‌تی

کۆرپه‌ڵه‌ی شادیم شه‌وه‌ گرتوویه‌تی

بۆچی ئاوا که‌فته‌کاره ‌کاری من

دانه‌ساکا بۆ ده‌مێ ئازاری من

بۆ به‌ جۆش‌و حه‌سره‌ته ‌سۆزی گرین

بۆچی هه‌روا تازه‌یه‌په‌ترۆی برین

بۆچ فه‌له‌ک بۆ ده‌ردیسه‌رخولقاندمی

ڕۆژگاریش بۆ خه‌فه‌ت عاملاندمی

 

 

دڵ که‌ کۆلاوه ‌له‌ جه‌وری ڕۆژگار

پاڵه ‌په‌ستۆی یه‌ک ده‌ده‌ن ئێش‌و جه‌خار،

وام ده‌زانی شوێنی خاڵیی لێ نییه

بۆ خه‌مێکی تازه ‌ئیتر جێ نییه

چی ده‌بینم ئه‌م دڵه ‌پڕ ناڵه‌یه

بۆ په‌ژاره ‌هه‌ر ده‌رووی ئاواڵه‌یه

 

 

دای له‌دڵ ئه‌مشه‌و دڵم ئاسووده‌یه

خه‌م گوتی نا فکره‌که‌ت بێهووده‌یه

هه‌سته ‌زووکه ‌خۆشه‌ویستت مردووه

قاره‌مانت کۆچی دوایی کردووه‌

شینی ئه‌مجاره‌ت ده‌بێ ناوازه‌بێ

تا شیاوی به‌ژنی کۆستی تازه‌بێ

با به‌گرفه‌و نێڵه ‌بێ کووره‌ی ده‌روون

با به‌خوڕ بێ کفکفه‌ی فرمێسکی ڕوون

 

 

خۆشه‌ویستم، دۆسته‌که‌م، هاواڵه‌که‌م

تاکه ‌هیوای ژینه ‌تفت‌و تاڵه‌که‌م

چۆن له ‌دووریت ناڵه‌و ڕۆڕۆ نه‌که‌م

چۆن جه‌زی خه‌رمانی خه‌م کۆ کۆ نه‌که‌م

چۆن له‌هه‌ر شوێنێ که‌پڕ ئێشه‌و جه‌خار

بۆ په‌ژاره‌ت هه‌ڵنه‌ده‌م هۆبه‌و هه‌وار

جێت له‌نێو خزم‌و برادا دیاریه‌

بۆیه ‌وا ئێشی برینم کاریه

تا بمێنم یادی تۆ هاواڵمه

تێکه‌ڵاوی ئه‌شکی سوورو ئاڵمه

 

 

---------------------------------------------------------------------------------------------------

بۆ پێوه‌ندی‌ گرتن له‌ رێگه‌ی‌ فه‌یسبووكه‌وه‌:

لاپه‌ڕه‌ی‌ به‌ڕێوه‌به‌ری‌ ماڵپه‌ڕ

لاپه‌ڕه‌ی‌ ماڵپه‌ڕ

 

ناردن بۆ تۆڕه‌ کۆمه‌ڵایه‌تی‌یه‌کان
جاری خوێندراوه‌: 1459
بۆچوونه‌کان (2)Add Comment
...
نووسراوه‌ له‌ لایه‌ن فازیل سوڵتان پەناه،،فینلاند, October 30, 2015
ئەنوەر خان گیان، ڕێز و سڵاو. هیوادارم به‌ڕێزتان پایه‌دار بن و بمێنن به سەلامه‌تیی بۆ هه‌موومان. سڵاو له‌سەر گڵۆکی مامی تێکۆشەریی کۆچکردووم. فازیل،،فینلاند
...
نووسراوه‌ له‌ لایه‌ن خالید خورینجی., October 18, 2015
بە بۆنەی کۆچی دوای کاکە قادر خانی تێکۆشەرو خاوەن ڕابردویەکی پڕ لە سەروەری و شەڕەف و شانازی لە ناخی دڵمەوە سەرەخۆشی خۆم ئاڕاستەی کەس و کاروبنەماڵە سەربەرزەکەی و هاوڕێ و دۆستانی ئەم ڕۆڵە دڵپاک و فیداکارە دەکەم و لە خوای مەزنیش داوا کارم ڕوحی پاکی ئەم پیاوە مەزن و دڵسۆزە بە بەهەشتی بەرین شادبکات ئامین. کاک ئەنوەر گیان دەستەکانت خۆش زۆر جوانە و وشە بە وشەی تەعبیر لەو هەست و سۆزە پاکەتدەکات کە بەرامبەر بە خوا لێ خۆشبوو کاک قادر خانی نەمر هەتبواو هەتە بۆیە منیش پڕ بەدڵ سپاسی ئەم هەستە پاک و جوانەتدەکەم و هیوادارم گشت لایەک ڕابردووی پاکی شاسوارانی وەک قادر خانی نەمر لە بیر نەکەن ڕوحی شادبێ و ئاواتە پیرۆزە کانی بێنەدی.
خالید خورینجی.

نووسینی بۆچوون
بچووکردنه‌وه‌ی خانه‌ی بۆچوون | گه‌وره‌کردنی خانه‌ی بۆچوون

busy