به‌پێی ئه‌و زانیارییانه‌ی به ماڵپه‌ری "هه‌ڵۆی كوردستان" گه‌یشتوون، شەوی چوارشەممە 8ی رەزبەری 1394، تیمێکی پێشمەرگەکانی حیزبی دێموکراتی کوردستانی ئێران كه له نێوخۆی رۆژهه‌ڵاتی كوردستانه‌وه به‌ره‌و مه‌قه‌ڕه‌كانیان له سه‌ر سنوور ده‌گه‌ڕانه‌وه، كه‌وتنه سه‌ر مینی چێندراوی رێژیمی دژی گه‌لی ئێران‌و بریندار بوون‌و دوو بریندارەکە گەیەندراونەته نەخۆشخانەی فریاکەوتن لە شاری هەولێرو دوای چارەسەری پزیشکی یەکێکیان كه برینەکەی سووک بووه چارەسەر کراوه‌‌و برینی ئەو پێشمەرگەی دیکه قورس بووه و هه‌ر له نەخۆشخانە دایه.
به‌پێی زانیارییه‌كان ناوی ئه‌و دوو پێشمه‌رگه خدر ئیبراهیمی خه‌ڵكی پیرانشار‌و یاسر سوڵتانی خه‌ڵكی نه‌غه‌ده‌یه. خدر قامكی پای په‌ڕیوه‌‌و ئێستا له نه‌خۆشخانه‌ی هه‌ولێره‌‌و یاسریش به سووكی بریندار بووه‌‌و گه‌ڕاوه‌ته‌وه ماڵه‌وه.
مەرگ‌و نەمان بۆ رێژیمی دژی گەلیی كۆماری ئیسلامیی ئێران، هیوای چاكبوونەوەی هەرچی زووتر بۆ بریندارەكان.