هه‌ڵۆی کوردستان

-
هەڵە
  • JFolder::create: Could not create directory

ئەمرۆ دێموکرات سبەینێ نۆرەی ئەوانی دیکەشە (هەڵویستەیەک دژی کردەوەی زۆردارانەی PKK )

پۆستی ئەلیکترۆنی چاپکردن

majid_logo_web_-_taybetهەوااڵی پێشگیری‌و گەمارۆی پێشمەرگەکانی حیزبی دێموکراتی کوردستانی ئێران لە لایەن گەریلاکانی پارتی کرێکارانی کوردستان، لە کاتێکدا کە ئەو حیزبە لە هەوڵی "چارەسەری دێموکراتیک"‌و سیاسەتی چەکدانان لە باکووری کوردستاندایە، ناتوانێت هەروا وەک رووداوێکی ئاسایی سەیر بکرێت. پێشینەی ئەو کردەوانەی PKK بە دواساڵەکانی دەیەی 1990دەگات، ئەوکات کە چەندین جار بە گەمارۆ دان‌و پێشی پێشمەرگەکانی حدکا گرتن، زۆری نەمابوو شەرێکی نەخوازراو لە نێوان ئەو دوو حیزبەدا روو بدات.

دژایەتی حیزبە کوردستانیەکان بە هەر هۆی‌و بیانوویەک بێت بە زیانی نەتەوەی کورد‌و ئەو رەوشە تایبەتیەیە کە نەتەوەکەمان تێپەر دەکات. هەر لەوکاتەدا کاتێک پارتی کرێکارانی کوردستان دەبێتە بەربەست بۆ چوونە ژووری هێزەکانی پێشمەرگەی رۆژهەڵات بۆ نشتیمان‌و شوێنی خەبات‌و ئەرکی خۆیان، ئەمە ناتوانرێت بە هیچ لۆژیکێکەوە قبووڵ بکرێت. پارتی کرێکارانی کوردستان، رووی خەبات وئامانجی خەباتی باکووری کوردستان‌و وڵاتی تورکیایە. ئامانج‌و سیاسەتەکانی ئەو حیزبە لە باکووری کوردستان جێگای رێز‌و سەرەرای بوونی رەخنە مافی خۆیەتی لە چۆنیەتی هەڵسوکەوت کردن لە باکووری کوردستان. بەڵام پێشگیری لە چوونە ژووری پێشمەرگە بۆ رۆژهەڵات لە خراپترین حاڵەتی خۆیدا دەکەوێتە خانەی هاوکاری‌و سنوور پارێزی بۆ کۆماری ئیسلامی ئێران. ئەمەش لە حیزبێک کە خۆی بە شۆرشگێر‌و لایەنگری چارەسەری ئاشتی خوازانە دەزانێت ناوەشێتەوە.

 

majid_pdki_pkk_2


هەڵوێستی رێبەرایەتی حیزبی دیموکراتی کوردستانی ئیران لە هەمبەر ئەو کردەوەیەدا تا ئێستا زۆر بەرپرسانە‌و بە مشوور بووە. ئەم هەڵوێستە نابێ بە هەڵە لە لایەن پارتی کرێکارانی کوردستانەوە تێبگەیەندرێت‌و رۆژهەڵاتی کوردستان بکاتە قوربانی بەرژەوەندیە حیزبیەکانی خۆی.

ئێمە چ ئەندام، لایەنگر یان تەنانەت رەخنەگر‌و دژی حیزبی دێموکراتی کوردستانی ئێرانیش بین، لەو پێوەندیەدا نابێ بێدەنگی بنوێنین، ئەگەر ئەمرۆ  PKKبە هەرهۆیەک بتوانێت پێشی خەبات‌و چوونە ناوخۆی پێشمەرگەکان لە حیزبی دێموکرات ئەویش لە سەر خاکی رۆژهەڵاتی کوردستان بگریت، سبەینێ پێشی هەموو حەرەکەتەکانی مەدەنی دیکەش دەگرێت‌و مەرجی ئەو چالاکیانە بە مۆڵەت وەرگرتن لە خۆیان دەزانێت.

خەڵکی رۆژهەڵاتی کوردستان‌و حیزبەکانی رۆژهەڵات لە هەموو ساتەکاندا پشتیوان‌و هاوکاری کوردانی باکوور‌و خەمخۆری پارتی کرێکارانی کوردستان بوون. ئەوان هیچکات لە پێناو بەرژەوەندیەکانی خۆیان بچووکترین هاوکاریان لە گەڵ دەوڵەتی تورکیا نەکردووە. ئەم هەڵوێست‌و ئاژیتاسیۆنی پارتی کرێکارانی کوردستان، وەڵامی شیاوی خەمخۆری خەڵکی رۆژهەڵاتی کوردستان نیە.

هەموو رۆژهەڵاتی کوردستان بە پەرۆشەوە دەڕواننە بەرەوپێشچوونی رەوتی چارەسەری پرسی کورد لە باکوور، ئەو هاوپێوەندیە‌و هاوسۆزیە نابێ لە لایەن پارتی کرێکارانەوە خەوشەدار بکرێت. ئێمە لەبەرامبەر هەموو زۆرداری‌و خۆسەپاندنێکی نارەوا "دێموکراتین".


بابه‌تی‌ پێوه‌ندیدار:

ـ وتووێژ یان پاشه‌کشه‌ی پ.کا.کا له‌م بڕیاره‌ی خوی به‌بێ قه‌ید‌و شه‌رت

ـ شۆڕش له‌ رۆژهه‌ڵات ده‌ستی‌ پێكرده‌وه‌

 

 

ناردن بۆ تۆڕه‌ کۆمه‌ڵایه‌تی‌یه‌کان
جاری خوێندراوه‌: 2761
بۆچوونه‌کان (0)Add Comment

نووسینی بۆچوون
بچووکردنه‌وه‌ی خانه‌ی بۆچوون | گه‌وره‌کردنی خانه‌ی بۆچوون

busy