هه‌ڵۆی کوردستان

-
هەڵە
  • JFolder::create: Could not create directory

حیزبی دێموکرات: خەڵكی كوردستان لە بەرانبەر چارەنووسی رۆڵە فیداكارەكانیان بێ‌تەفاوت نامێننەوە

پۆستی ئەلیکترۆنی چاپکردن

دەفتەری سیاسیی حیزبی دێموكراتی كوردستانی ئێران لە پێناو وەستاندنی شەپۆلی گرتن‌و زیندانی كردن‌و بە مەبەستی ئازاد كردنی رۆڵە بەندكراوەكانی كورد لە كوردستان راگەیەندراوێکی بڵاو کردەوە.

دەقی راگەیەندراوەکە بەم جەشنەیە:

 

pdki_-_logo_-_1_-_2


هاونیشتمانانی بەڕێز!

كۆمەڵانی خۆڕاگری خەڵكی كوردستان!

كۆڕ‌و كۆمەڵەكانی لایەنگری مافی مرۆڤ !

بە دوای خرۆشانی ئەم دواییانەی خەڵك لە شاری مەهاباد، دژ بە ستەمكاری رێژیمی كۆماری ئیسلامیی ئێران‌و رەفتاری كەرامەت شكێنانەی دەست‌و پێوەندەكانی رێژیم لە كوردستان. دەزگا ئەمنییەتی‌و ئیتلاعاتی‌و باقی هێزە سەركوتكەرەكانی رێژیم بۆ دامركاندنەوەی رق‌و قینی هەمیشەییان لە خۆپێشاندەران شەپۆلێكی دیكە‌و بەرینیان لە تاقیب‌کردن، گرتن‌و زیندانی‌كردنی رۆڵەكانی كورد لە شارەكانی كوردستان وەرێخست‌و لە ماوەی رۆژانی رابردوودا چەند سەد كەسیان لە لاوان‌و خەڵكی شارەكان بە تاوانانی بەشداری لە خۆپیشاندان تەنانەت بە تۆمەتی بەشداریی‌كردن لە ناڕەزایەتی دەربڕین دەستگیر‌و زیندانی كردووە‌و حوكمی زاڵمانە‌و ناڕەوایان بەسەردا سەپاندوون.

لەو پێوەندییەدا دەفتەری سیاسیی حیزبی دێموكراتی كوردستانی ئێران وێڕای مەحكووم‌كردنی ئەو رەوتە تازەیە لە گرتن‌و زیندانی‌كردن دڵنیایە كە كۆمەڵانی خەڵكی كوردستان لە بەرانبەر چارەنووسی رۆڵە فیداكارەكانیان بێ‌تەفاوت نامێننەوە‌و بە هاسانی بەسەریدا تێپەڕ نابن. لەگەڵ ئەوەشدا داوا لە هەموو رێكخراوە سیاسییەكانی كوردستان رێكخراوە مەدەنیەكان‌و چالاكانی مافی مرۆڤ دەكا كە دەنگی ناڕەزایەتی خۆیان لە پێوەندی لەگەڵ چارەنووسی زیندانییەكاندا بەرز كەنەوە بەدانی زانیاری زیاتر لەسەر ژمارەی گیراوەكان‌و رەفتاری هێزە سەركوتكەرەكانی رێژیمی كۆماری ئیسلامیی ئێران لەگەڵ بەندكراوان، یارمەتیدەر بن لە گەیاندنی رەفتاری زاڵمانەی كۆماری ئیسلامیی ئێران دەرحەق بە نەتەوەی كورد‌و رۆڵەكانی ئە‌و نەتەوەیە بە كۆڕ‌و كۆمەڵە نێونەتەوەییەكان.

لەو پێوەندییەدا حیزبی دێموكراتی كوردستانی ئێران هەوڵی جیددی‌و بەردەوام دەدا بۆ پێوەندی گرتن بە كۆڕ‌و كۆمەڵە نێونەتەوەیەكان‌و رێكخراوەكانی داكۆكیكار لە مافی مرۆڤ‌و ‌وڵاتانی خاوەن نفووز بە مەبەستی فشار هێنان بۆ سەر كۆماری ئیسلامیی ئێران لە پێناو وەستاندنی رەوتی تاقیب‌و گرتن‌و زیندانی كردنی رۆڵەكانی كورد‌و بۆ ئازادكردنی ئەو زیندانیانەی كە بە تاوانی دەنگ هەڵبڕین‌و ئیعتراز بە بێ‎عەداڵەتی‌و كەرامەت شكێنیەكانی دەست‌وپێوەندەكانی كۆماری ئیسلامی رژاونەتە سەر شەقامەكان.

كۆمەڵانی خەڵكی كوردستان!

هەرچەند ئەم حەرەكەتە بوێرانەی خەڵكی شاری مهاباد‌و هاوسۆزی شارەكانی دیكەی كوردستان لە سنە، مەریوان، بۆكان، سەردەشت، بانە، سەقز و... دەنگدانەوەیەكی جیهانی‌و ناوچەیی لێكەوتەوە‌و زۆر لایەنی شوێندانەر هەڵویستی بوێرانەی خەڵكی مهاباد‌و هاوسۆزی بەجێی شارەكانی دیكەی كوردستانیان بەرز نرخاند‌و ئەم رەفتارە دژ مروڤانەی دست‌وپێوەندەكانی رێژیمی كۆماری ئیسلامیان مەحكووم كرد‌و داوای سزادانی تاوانبارانیان كرد، بەڵام وەك دیترا بە رەواڵی هەمیشەیی، رێژیم بە هێنانەوەی پاساوی نەشیاو، تاوانبارانیان دەرباز كرد‌و كەوتنە گرتن‌و زندانی‌كردنی رۆڵەكانی كورد كە داكۆكیان لە بەها مرۆییەكان كردوە‌و كەرامەتی نەتەوەیی خۆیان پاراستووە.

جارێكی دیكە داوا لە كۆڕ‌و كۆمەڵە مرۆڤ دۆستەكا ن، رێكخراوە سیاسی‌و مەدەنییەكان‌و ئازادیخوازانی ئێران‌و كوردستان بەتایبەتی چالاكوانانی نێوخۆی وڵات‌و سەرجەم رۆَڵەكانی نەتەوەی كورد دەكەین كە بە شێوەیەكی بەرینتر، بە كردەوەتر بۆ ئازادكردنی بەندكراوەكان‌و فشارهێنان بۆ سەر كۆماری ئیسلامیی ئێران‌و كۆتایی هێنان بە رەوتی تاقیب، راوەنان، گرتن‌و زیندانی‌كردنی رۆڵەكانی كورد تێبكۆش‌و خاوەن هەڵوێستی شیاو بن.

ئازادی بۆ زیندانییەكان

سەركەوتن بۆ رۆڵەكانی نەتەوەی كورد

 

حیزبی دێموكراتی كوردستانی ئێران دەفتەری سیاسی

٢٨ی بانەمەڕی ١٣٩٤ی هەتاوی

١٨ی مەی ٢٠١٥ی زایینی

 

               
 
 
Text-to-speech function is limited to 100 characters
 
ناردن بۆ تۆڕه‌ کۆمه‌ڵایه‌تی‌یه‌کان
جاری خوێندراوه‌: 1805
بۆچوونه‌کان (0)Add Comment

نووسینی بۆچوون
بچووکردنه‌وه‌ی خانه‌ی بۆچوون | گه‌وره‌کردنی خانه‌ی بۆچوون

busy