هه‌ڵۆی کوردستان

-
هەڵە
  • JFolder::create: Could not create directory

پاساو و داڕمان، کورته‌ خوێندنه‌وه‌یه‌کی شیکارانه‌ی "ڕوون کردنه‌وه‌ یان هه‌ڵبه‌ستنی مێژوو"ی عه‌بدوڵڵا حه‌سه‌ن‌زاده‌

پۆستی ئەلیکترۆنی چاپکردن

"نسکۆ و دابڕان" ناوی کتێبێکی به‌ڕێز مسته‌فا هیجری سکرتێری گشیی حیزبی دێموکڕاته‌ که‌ بابه‌ته‌کانی له‌سه‌ر دوو ته‌وه‌ری شه‌هید بوونی سکرتێره‌کانی حیزبی دێموکڕاتی کوردستانی ئێران  و هه‌روه‌ها سێ ئینشعاب له‌م حیزبه‌دا‌ چڕ ده‌بێته‌وه‌. دیاره‌ وشه‌ی "نسکۆ" ئاماژه‌ به‌ کاره‌ساتی شه‌هید بوونی ڕێبه‌ره‌کان ده‌کا و وشه‌ی "دابڕان"یش ئاماژه‌ به‌ کاره‌ساتی ئینشعابی لایه‌نه‌کان له‌ حیزب ده‌کا و ئه‌م خاڵه‌ هاوبه‌شه‌ی ‌هه‌ردوو ته‌وه‌ر پێکه‌وه‌ کۆ ده‌کاته‌وه‌ بریتی‌یه‌ له‌ لایه‌نی تراژیکی ئه‌م ڕووداوانه‌ و  به‌ "کاره‌سات" زانینی هه‌ردووکیان. کاره‌ساتێکیان،  له‌ ده‌ره‌وه‌ی بزووتنه‌وه‌ی میللی دێموکڕاتیکی کورده‌وه‌ زه‌بری له‌ جه‌سته‌ی حیزب وه‌شاند و کاره‌ساته‌که‌ی تریش له‌ ناوه‌وه، جه‌سته‌ی حیزبی زامدار کرد و تووشی ترۆمایه‌کی ترسناکی کرد‌.

 

ktebi_pasaw_darman_-_2


به‌ر له‌م کتێبه‌، به‌ڕێز عه‌بدووڵلا حه‌سه‌ن‌زاده‌ش له‌ کتێبی "ئه‌زموونی خه‌بات‌"دا ڕیوایه‌تی خۆی و شێوه‌ی تێگه‌یشتنی خۆی و لایه‌نه‌که‌ی خۆی له‌ ئینشعاب به‌ دوور و درێژی باس کردبوو. دیاره‌ کتێبی "نسکۆ و دابڕان"یش ڕیوایه‌تی به‌رێز هیجری و چۆنیه‌تی تێگه‌یشتنی ئه‌و له‌ بابه‌تی ئینشعاب شرۆڤه‌ ده‌کا. ئه‌گه‌رچی له‌ زۆر شوێنی کتێبی "ئه‌زموونی خه‌بات"دا که‌ڵک له‌ ئه‌ده‌بیاتێکی سووک‌وچرووک و دوور له‌ پرێستیژ و پێشینه‌ی خه‌باتکارێکی شێست ساڵه‌، به‌ دژی ڕکه‌به‌ره‌ سیاسییه‌کان‌ وه‌رگیراوه‌، به‌ڵام دوای بڵاو بوونه‌وه‌ی ئه‌و کتێبه‌‌‌، ئه‌و که‌سانه‌ی ئه‌مڕۆ خۆیان به‌ ده‌ربه‌ستی "زمانی پاک‌وخاوێن" ده‌زانن، بێده‌نگییان له‌و شێوه‌ ده‌ربڕینه‌ کرد و چاویان له‌حاستی ئه‌م چه‌شنه‌ قسانه‌ چووقاند.

ماوه‌یه‌ک دوای بڵاو بوونه‌وه‌ی کتێبه‌که‌ی کاک مسته‌فا، به‌ڕێز حه‌سه‌ن‌زاده‌ش له‌ دووتوێی نووسراوه‌یه‌ک‌دا به‌ناوی "ڕوون کردنه‌وه‌ یان هه‌ڵبه‌ستنی مێژوو" تێبینیه‌کانی خۆی له‌سه‌ر کتێبه‌که‌ی کاک مسته‌فا ده‌ربڕی. ئێستا به‌ دوور له‌ شه‌ڕه‌دندووکه‌ی جه‌ناحی و پێک‌هه‌ڵپڕژانی تاکه‌که‌سی و هه‌ر به‌ته‌نیا به‌ نیازی ڕوون کردنه‌وه‌ی هه‌ندێک له‌ که‌لێنه‌ تاریکه‌کانی بڕگه‌یه‌ک له‌ مێژووی هاوچه‌رخی کورد و هه‌روه‌ها به‌ نیازی بردنه‌ سه‌ری ستانداردی کاری سیاسیی دواڕۆژمان، ئه‌و ده‌رفه‌ته‌ له‌باره‌ بۆ خوێندنه‌وه‌ی ئه‌م کتێب و نامیلکانه‌‌ و هه‌روه‌ها بۆ شی‌کردنه‌وه‌ی دۆخی سیاسیی ئێستامان، وه‌ک هه‌لێکی له‌بار ده‌قۆزینه‌وه‌ و هیوای ئه‌وه‌ ده‌خوازین نه‌هێڵین نووسینی ساخته‌ جێ به‌ مێژووی ڕاست‌بێژانه‌ لێژ بکا و شێواندنی حه‌قیقه‌ته‌کان گڵۆڵه‌ی گێڕانه‌وه‌ی ده‌ق‌ودۆغر و بێ‌پێچ‌وپه‌نا بخاته‌ لێژییه‌وه‌ و له‌ ڕووباری خوڕێنی ڕووداوه‌ زۆر و زه‌وه‌نده‌کان‌دا قرخه‌ی لێ ببڕێ.

با هه‌ر له‌ سه‌ره‌تای ئه‌م نووسینه‌شدا ئاماژه‌ به‌م ڕاستییه‌ بکه‌ین که‌ ئامانجی ئێمه‌ له‌ بنه‌ڕه‌تدا نه‌ لایه‌نگری کردن له‌ که‌سێکی تایبه‌ته‌ و نه‌ کوتانی که‌سێکی تایبه‌تی دیکه‌یه‌. له‌م نووسراوه‌یه‌دا ئه‌گه‌ر دیارده‌یه‌ک لایه‌نگری لێ کرابێ، ئه‌م دیارده‌یه‌ یه‌کڕیزی و یاساپارێزی و خه‌باتی بێ ئیددیعا بووه‌ و ئه‌گه‌ر دیارده‌یه‌کیش به‌رپه‌رچی درابێته‌وه‌، ئه‌و دیارده‌یه ئینشعاب و پێشێل کردنی یاسا و هاش‌وهووش و خۆهه‌ڵکێشانی بێ‌بنه‌ما بووه‌. جا ئه‌گه‌ر که‌سانێک به‌ ویست وبڕیاری خۆیان هه‌ر کام له‌م ڕێبازانه‌یان هه‌ڵبژاردبێ ئه‌وا به‌گوێره‌ی هه‌ڵبژاردنه‌که‌ی خۆیان ده‌ستی لاواندنه‌وه‌ی ئه‌م نووسینه‌یان به‌سه‌ردا هاتووه‌ یان به‌پێچه‌وانه‌ به‌ر چه‌پۆک و چه‌مۆڵه‌ی که‌وتوون. ئه‌گه‌ر جێگای ئه‌کته‌ره‌کانی ڕووداوه‌کانیش گۆڕابان واته‌ کاک مسته‌فا ببا به‌ "ڕه‌مزی بزووتنه‌وه‌ی ئینشعاب" و حه‌سه‌ن‌زاده‌ش ببا به‌ لایه‌نگری به‌کرده‌وه‌ی یه‌کڕیزی و ڕه‌چاو کردنی یاسا و ڕێسا، ئه‌وده‌م جێگای ڕوانینی ئافه‌رین‌بێژ و ڕوانینی شه‌رمه‌زارکه‌ره‌وه‌ی ئه‌م نووسینه‌ش ده‌گۆڕا و هه‌ر کاراکتێره‌ی جێگه‌ و پێگه‌ی شایانی خۆی پێ ده‌بڕا و پێ ده‌درا.

دیاره‌ گرینگیی کتێبه‌که‌ی کاک مسته‌فا له‌ ناوه‌رۆکه‌که‌ی و هه‌روه‌ها له‌م ڕوانگه‌یه‌ دا خۆی حه‌شار داوه‌ که‌ به‌ڕێزیان نوێنه‌رایه‌تی ده‌کا، به‌ڵام گرینگی "نسکۆ و دابڕان" له‌ پاشگه‌ز بوونه‌وه‌ی نووسه‌ری "ڕوون‌کردنه‌وه"‌ش له‌و به‌ڵێنییه‌ش که‌ گوایه‌ وڵامی ڕه‌خنه‌گره‌کانی ناداته‌وه‌، به‌دیار ده‌که‌وێ. کتێبه‌که‌ی کاک مسته‌فا له‌وه‌ گرینگ‌تر بوو به‌ڕێز حه‌سه‌ن‌زاده‌ به‌ خه‌مساردی به‌لای‌دا تێپه‌رێ و ئۆخژنێکی ڕووکه‌ش بکا به‌ ده‌مامکی ئۆقره‌لێ‌هه‌ڵگیرانێکی به‌ڕاستی.

گرینگیی کتێبه‌که‌ی کاک مسته‌فا نه‌ک هه‌ر له‌و زانیارییانه‌ دایه‌ که‌ نووسه‌ری کتێب به‌ ده‌سته‌وه‌یان ده‌دا، به‌ڵکوو له‌و "گۆشه‌نیگا"یه‌ دایه‌ که‌ نووسه‌ر لێیه‌وه‌ ده‌روانێته‌ ڕووداوه‌کان و له‌و "مه‌نتیق"ه ‌دایه‌ که خاوه‌نه‌که‌ی ڕووداوه‌کانی پێ شی ده‌کاته‌وه‌. له‌به‌ر یه‌ک ڕانانی "نسکۆ و دابڕان" له‌گه‌ڵ ئه‌و به‌شانه‌ی "ئه‌زموونی خه‌بات" و "ڕوون کردنه‌وه‌" که‌ په‌رژاونه‌ته‌ سه‌ر پرسی ئینشعاب، به‌راورد کردنی دوو "لۆژیک" و دوو "گۆشه‌نیگای" جیاوازه‌. لۆژیکێک که‌ ئینشعاب به‌ هه‌ره‌س و نسکۆیه‌کی ‌‌ڕووخێنه‌ر ده‌زانێ و هه‌وڵ‌دان بۆ ئینشعاب وه‌ک هه‌وڵ‌دان بۆ ڕووشاندنی پرێستیژی حیزب و ڕووخاندنی ستراکتۆری حیزب ده‌بینێ، له‌ به‌رانبه‌ر گۆشه‌نیگایه‌کدا که‌ ئینشعاب، وه‌ک کرده‌وه‌یه‌ک وێرای کرده‌وه‌کانی دیکه‌ چاو لێ ده‌کا و ئه‌وپه‌ڕه‌که‌ی ئه‌وه‌یه‌ خاوه‌نی ئه‌م گۆشه‌نیگایه‌‌ ئینشعاب به‌ بژارده‌ی یه‌که‌م نازانێ،‌ ئه‌گینا ده‌توانێ به‌هاسانی به‌ بژارده‌ی چه‌نده‌می بزانێ و هه‌ر کاتێک‌ که‌ بۆخۆی به‌پێویستی زانی ده‌توانێ به‌هاسانی وه‌ک پڕۆژه‌یه‌کی حازربه‌ده‌ست‌ به‌ڕێوه‌ی ببا. ئێستا که‌ ته‌پ‌وتۆزی ورووژان و هارووژانی ڕۆژانی دوای دابڕان نیشتووه‌ته‌وه‌ و که‌شه‌که‌ له‌قه‌ده‌ر، هێورتر بۆته‌وه‌، هه‌ڵسه‌نگاندنی ئه‌م دوو گۆشه‌نیگا ناته‌بایه‌ و ئه‌م دوو لۆژیکه‌ دژبه‌یه‌که‌ له‌ دوو باره‌وه‌ زۆر گرینگه‌:

بۆ خوێندنه‌وه‌‌و دانلۆد كردنی‌ هه‌موو كتێبه‌كه‌ به‌ شێوه‌ی‌ PDF كلیك له‌سه‌ر ئه‌م لینكه‌ بكه‌.

 

ناردن بۆ تۆڕه‌ کۆمه‌ڵایه‌تی‌یه‌کان
جاری خوێندراوه‌: 2154
بۆچوونه‌کان (16)Add Comment
...
نووسراوه‌ له‌ لایه‌ن حه‌سه‌ن زاده‌‌‌, May 22, 2015
وه‌ی به‌ بابه‌وه‌ت ده‌ به‌ر مرم بۆ نووسینت! خۆ مه‌لا ته‌نگی پێهه‌ڵچنی بوون! وه‌للا بۆ هه‌فتا پشتت ته‌نبێ کردووه‌ . وات لێکردووه‌ ده‌ستی بۆ قه‌ڵه‌مێ نه‌باته‌وه‌! هه‌ر زاری ده‌کرده‌وه‌ ده‌یکوت ئه‌من نووسه‌رم ، ئه‌من دوستی هه‌ر نیزیکی قاسملووی بووم ، ئه‌من مێژووی ده‌نووسمه‌وه‌، دیاره‌ ماوه‌یه‌ک بوو ده‌گه‌ل جه‌لیل گادانی کێشه‌یان له‌ سه‌ر ئه‌وه‌ بوو که‌ کامیان پێشتر دوستی نیزیکتری بووه‌ و ئێستا دوژمنی گه‌وره‌تریتی! ده‌ی با ده‌ست بکاته‌وه‌ و بزانین ده‌توانێ زار هه‌ڵپچرێ؟
...
نووسراوه‌ له‌ لایه‌ن محه‌ممه‌د که‌ریم زاده‌‌, May 22, 2015
چێژی تایبه‌تم لێوه‌رگرت و پرسیاریم بۆ ساز بوو! به‌راستی ماموستا هه‌ر بایه‌ ئه‌وه‌نده‌یه‌؟ به‌راستی ماموستا ئه‌وه‌نده‌ی به‌ وردبینی و کوردی نووسینه‌که‌ی ده‌خوڕێ هه‌ر ئه‌وه‌نده‌ی لێ ده‌زانی؟ ماموستا به‌ ئه‌زموونی خه‌بات و وڵام به‌ کتێبه‌که‌ی کاک مسته‌فا ته‌نیا نوقته‌ زه‌عفی بۆخۆی کڕی و چیتر! ده‌ستی ئه‌و ئه‌و نووسه‌ره‌ وڕیا و زانایه‌ خۆش بێ که‌ به‌ڕه‌ی له‌ سه‌ر هه‌تیوان هه‌ڵداوه‌ته‌وه‌!!
...
نووسراوه‌ له‌ لایه‌ن سوليمان خانزاده‌, May 21, 2015
ئه‌رێ پرسیاریک؟ هه‌ر تک لا له‌ هه‌مبه‌ر ئه‌و نووسینه‌ بیده‌نگیان هه‌ڵبژار، بڵێی هۆیه‌که‌ی چی بێ؟ لایه‌نێک نووسی و بێده‌نگه‌ی لێراکرد و لایه‌نێکیس بێده‌نگی پێ مه‌سله‌حه‌تتر بوو هه‌تا چیتر لێی له‌ قاو نه‌دری!
...
نووسراوه‌ له‌ لایه‌ن Ali Zehawi, May 16, 2015
کاک کاروان بۆچوونی خۆی به‌ رقه‌وه‌ ئاوا ده‌نووسێ "چه‌ند لاپه‌ره‌یه‌کم خوێنده‌و که‌س له‌ ناوخۆی کوردستان هێنده‌ شاره‌زای مێژووی حیزب ئابه‌م شێوه‌ و له‌و حاسته‌ به‌رزه‌دانییه‌."
پێتوایه‌ خه‌ڵکی کوردستان گیل و نه‌زانن و هیچ له‌ مێژووی حیزب نازانن له‌ ناوخۆی کوردستان! باش ئه‌وه‌ بزانه‌ خه‌ڵکی ناوخۆی کوردستان و به‌ تایه‌به‌ت لاینگران و ئه‌ندامان و شانه‌ خه‌وتووه‌کانی حیزب زۆر له‌وانه‌ که‌ تووش نه‌خۆشی ئینشعاب بوون و ڕاستیش ده‌که‌نه‌ ناڕاست بۆ به‌رژه‌وه‌ندی خۆیان و هه‌ڵه‌ کوشنده‌کانیان، باشتر زانیاریان هه‌یه‌ له‌ سه‌ر حیزبه‌کان!. ئه‌م سه‌رده‌مه‌ سه‌رده‌می ڕاستگۆیی و سداقه‌ته ، له‌م سه‌ردمه‌دا زۆر شت له‌ ناوخۆی کوردستان گۆڕاوه‌ زانیاری و ڕاده‌ی خوێنده‌واری و شێوازی گیاندنی زانیاری به‌ ئاسانی به‌ شێوازی جوراوجۆر زۆر شاره‌زان له‌ مێژووی حیزب و حیزبه‌کان و رۆژانه‌ ئاگایان له‌ ڕوداوه‌کانه‌.
...
نووسراوه‌ له‌ لایه‌ن سولیمان خانزاده‌, May 16, 2015
وه‌للا په‌ته‌ی جه‌لیل و مه‌لی خستۆته‌ سه‌ر ئاو. ئاوا ده‌بێ نووسین، با جه‌لیل و مه‌لاو فه‌قه‌ قادر وریاو ده‌روێش تاهیر قاسمی و ده‌روێش هه‌یاس کاردۆش فێری نووسین بن!
...
نووسراوه‌ له‌ لایه‌ن باران , May 16, 2015
کاک ئازاد گەڕاباوە دواترلەو وانەیە پرسیارەکەی بە جۆرێکی دی هێنابا ئاراوە کە کاتی وەی کە ئنشیعابت کردبێ و پاساوی بۆ بهێنیەوە؟کاراکتێرەکانی ئینشعاب و پاساو ەکانیان دیارە ئێستا چەندە بەژەوەندی گەلەکەیان دەوێ!
...
نووسراوه‌ له‌ لایه‌ن هاوار, May 16, 2015
سڵاو و ڕێز
دەست و چاوو خۆش بێ. مەحشەر بوووووووووووووووووو.
...
نووسراوه‌ له‌ لایه‌ن هاوڕێ, May 16, 2015
بەڕاستی نووسراوەیێکی بە سوود بوو. کەم نووسراوەی ئاوا زانستی و دەقیق و رەخنەگرانەم دیتووە. دەستخۆش کاک سمایلی بەڕێز.
...
نووسراوه‌ له‌ لایه‌ن هيوا, May 15, 2015
کاک ئازاد بە یەک ڕیزی ،خۆپێشاندان و مانگرتن بە هێزتر دەبێ ئەگەر ئەم نامیلکەیەشت خوێندبێتەوە، هە ر سێک ئینشعاب و پاساوەکانیان رەت دەکاتەوە .بە بەڵگە مەنتقیی نەخۆشیی ئینشعاب ئاشکرا دەکا . خەسار ناسی ئینشعابە .ئەوە دە جەهەتی یەک ڕێزیدا نییە؟ئەگەر پێشتر ئاوا خەسار ناسی کرابا ئحتمالی چەند پاتە بوونەوەی ئینشعاب کەمتر نەدەبوو؟
...
نووسراوه‌ له‌ لایه‌ن مه‌لا ره‌سوو, May 15, 2015
به‌داخه‌وه‌ ماموستا حه‌سه‌ن زاده‌ عاقبه‌ت به‌خێر نه‌بوو! ئه‌و هه‌تیوانه‌ی ئه‌ورو ده‌گه‌نێ هه‌موو عیلمی شه‌یتانیان خوێندووه‌!
...
نووسراوه‌ له‌ لایه‌ن کاوان, May 15, 2015
دلنیام روحی قاسملو ئیلهامی ئه‌و نووسینه‌ی به‌ نووسه‌ره‌که‌ی کردووه‌! بژی نووسه‌ری وردبین و هێژا و به‌رده‌وام بی له‌ لێکۆلینه‌وه‌ی به‌ نرخی له‌و ئاسته‌دا!
...
نووسراوه‌ له‌ لایه‌ن طاهر ارومیە, May 15, 2015
بە نظر من این کتاب بسیار ارزشمندتر از کتابهای آقایان جلیل گاردانی و آقای حسن زادە هستش، بە این دلیل کە مستند و با زبانی بسیار علمی نوشتە شدە است.
...
نووسراوه‌ له‌ لایه‌ن ئازاد, May 14, 2015
باشە لەم کاتەدا کە خەڵکی رۆژهەڵات خەریکی خۆپێشاندان و مانگرتنن ئایا ئێستە کاتی ئەم شتانە بوو؟ هەر دیارە چەندە لە فیکری خەباتن بۆ میللەتەکەتان.
...
نووسراوه‌ له‌ لایه‌ن هەودا , May 13, 2015
ئەگەر ئەو فەزایەی ئەم نووسراوەیە سازی کردووە کە چاو لێکردن لە رووداێک بە دوو گۆشەنیگای جیاوازە ،بەر لە ئێستا هاتبا ئاراوە ئاکامەی دبوو بە: 1-لەشەڕە جنێو دوور دەبووین 2-کای کۆنمان بە با نەدەکرد.3-شەڕی کەسایەتییەکان نەدەبوو.بە باوەڕی من ئەو نووسراوەیە فەزایەکی رەخنەگریی بە بەڵگەی هێناوەتە ئاراوە ،دەکرێ وەک ئستارتی ڕەخنەی بنیات نەر چاوی لێ بکەین.کە بێ شک بەوفەزایە، سەرمایەکەمان لە زێدەیی دەدات.
...
نووسراوه‌ له‌ لایه‌ن karwan, May 13, 2015
ماڵتان کاول بێ، ناوخۆی چی !؟ ئیوه‌ خێڵی درۆ و چه‌واشه‌ن. چه‌ند لاپه‌ره‌یه‌کم خوێنده‌و که‌س له‌ ناوخۆی کوردستان هێنده‌ شاره‌زای مێژووی حیزب ئابه‌م شێوه‌ و له‌و حاسته‌ به‌رزه‌دانییه‌. هه‌تی ئیوه‌ تا درۆ هه‌بێ راستی نالێن
...
نووسراوه‌ له‌ لایه‌ن ئاڕمان, May 13, 2015
هەتا ئێستا بێزم هەڵدەستا لەو وڵامانە و روونکردناوانە کە زۆرتر لە ئەدب نامە دەچوون بەڵام بە خوێندنەوەی ئەم نامیلکە زێڕینە دلم حەساوە هەستم کرد نا ئەوە جیا لە ئەدەب نامەکانە. 1-شەڕی کەسایەتی نییە شەڕی جەهەت گرتن و گۆشە نیگای ئینشعاب و دژبەرانی ئینشعابە، ئەویش چۆن بە بەڵگە کە لە قسەکانی خۆیان وەرگیراوە بە رەو ڕووی کردوونەتەوە.2-منیش کەشێک بێنێتە ئاراوە کە بەرەو یەک ڕیزی بەلاڕێدا ببا نیم بەڵام ئەم نووسینە بە خەسار ناسی نەخۆشی مەنتقی ئینشعاب دەبینم کە یەک ڕێزی پتەو تر دەکا 3- ئەو جار وا لە هندێک کەس دەکا ئەگەر ویست و قازانجی گرووپیان ویست بە شێوەی دروست و یاسایی حەوداڵی بن نەک بە ئینشعاب و پاساو هێنانەوە بۆی.

نووسینی بۆچوون
بچووکردنه‌وه‌ی خانه‌ی بۆچوون | گه‌وره‌کردنی خانه‌ی بۆچوون

busy