هه‌ڵۆی کوردستان

-
هەڵە
  • JFolder::create: Could not create directory

سوپاسنامە بۆ هاوسۆزی تاک‌و لایەنەکان، لەمەڕ هیرشی ئەم دواییانە بۆ سەر حیزبی دێموکرات

پۆستی ئەلیکترۆنی چاپکردن

سکرتاریای حیزبی دێموکراتی کوردستانی ئێران بە دەرکردنی سوپاسنامەیەک، هاوخەمی‌و هاوسۆزی هەموو ئەو کەس‌و لایەنانە دەکات کە پاش هێرش بۆ سەر کەمپی ئازادیی حیزب، لەگەڵ کادر‌و پێشمەرگە‌و بنەماڵەکانی حیزبی دێموکرات بە دەرکردنی بەیانییە ئەو کردەوەیان مەحکووم کردبوو.

دەقی ئەم سوپاسنامەیە بەم چەشنەیە:

 

spasnamay_pdki_-_asayesh_-_2


بە دوای رووداوی رۆژی سێشەممە ١٢/١٢/١٣٩٣ی هەتاوی بەرانبەر بە ٣/٣/٢٠١٥ی زایینی‌و هێرشكردنە سەر كەمپی بنەماڵەكانی حیزب لەلایەن چەند كەسێك لە پۆلیس‌و ئاسایشی شاری كۆیە‌وە‌و پێشێلكردنی بنەماكانی مافی مرۆڤ‌و بێرێزی كردن بە كۆمەڵە كەسێك لەو كەمپەدا، زۆربەی حیزب‌و لایەنە سیاسییەكانی كوردی بەشە جیاجیاكان، كەسایەتییە نیشتمانپەروەرەكانی كورد بە دەركردنی بەیاننامەی فەرمی‌و پێوەندی تەلەفوونی‌و سەردان لە بنكەكان‌و نوێنەرایەتییەكانی حیزبی دێموكراتی كوردستانی ئێران، نیگەرانی‌و پەرۆش بوونی خۆیانیان لەو كردەوەیە دەربڕیوە‌و ئەو هێرشەیان مەحكووم كردووە‌و هاودەردی خۆیانیان لەگەڵ بنەماڵەكانی حیزبی دێموكراتی كوردستانی ئێران دەربڕیوە.

هەر لەو پەیوەندییەدا لێژنەی مافی مرۆڤی پارلمانی هەرێمی كوردستان بۆ ئاگاداربوون لە چۆنیەتی رووداوەكە سەردانی دەفتەری سیاسیی حیزب لە كۆیە، بنەماڵە‌و ئەو كەسانەیان كرد كە لەو رووداوەدا كەوتبوونە بەر هێرش‌و ئیهانەكردن.

بەم بۆنەوە، حیزبی دێموكراتی كوردستانی ئێران بە ئەركی سەرشانی خۆی دەزانێت سوپاسی هەموو ئەو لایەن‌و كەسایەتییە بەڕێزانە بكات كە بە دەربڕینی هەڵوێستی مرۆڤدۆستانە‌و نیشتمانپەروەرانەیان لەگەڵ حیزبی دێموكرات‌و ئەو بنەماڵە‌و كەسانەی كە بە ناڕەوا كەوتوونەتە بەر هێرش‌‌و سووكایەتی پێكردن، هاوسۆزییان کردووە.

جارێكی دیكە پێداگریی خۆمان بۆ لێكۆڵینەوە لەو رووداوە‌و بەسزا گەیاندنی ئەنجامدەرانی ئەو كردەوە نایاساییە لە رێگەی یاساییەوە دەردەبڕین‌و هیوادارین رەوتی ئەو لێپرسینەوە بەدوور لە دەست تێوەردانی سیاسی‌و حیزبی بچێتە پێش‌و ببێتە هۆی ئەوەی کە جارێكی دیكە رووداوی لەم چەشنە دووپات نەكرێتەوە.

 

حیزبی دێموكراتی كوردستانی ئێران

سكرتاریا

١٨ی رەشەمەی ساڵی ١٣٩٣ی هەتاوی

٨ی مارسی ساڵی ٢٠١٥ی زایینی

 

ناردن بۆ تۆڕه‌ کۆمه‌ڵایه‌تی‌یه‌کان
جاری خوێندراوه‌: 1166
بۆچوونه‌کان (0)Add Comment

نووسینی بۆچوون
بچووکردنه‌وه‌ی خانه‌ی بۆچوون | گه‌وره‌کردنی خانه‌ی بۆچوون

busy