هه‌ڵۆی کوردستان

-
هەڵە
  • JFolder::create: Could not create directory

روونکردنەوەیەک لە سەر روونکردنەوەی کۆمیتەی فینلاندی یەکیەتی نیشتیمانی کوردستان

پۆستی ئەلیکترۆنی چاپکردن

دوای بڵاو کردنەوەی وتارێکی رەخنەگرانەم لە ژێر ناوی "کۆماری ئیسلامی دەیهەوێ "حقارەتێکی" بێ کۆتایی بە یەکیەتی بکات" لە پێوەندی لە گەڵ کردەوەی هێزی ئاسایش یەکیەتی نیشتیمانی لە کۆیەو هێرشیان بۆ سەر کەمپی ئازادی‌و بێحورمەتی‌و بیرێزی بە بنەماڵەکانی دانیشتووی کەمپەکە، دۆستانی یەکیەتی نیشتیمانی لانی کەم لە ئاستی تۆرەکۆمەڵایەتیەکاندا هەوڵیانداوە وەڵامی بۆچوونەکانی من بدەنەوە کە بەلایانەوە ناراست‌و "ئاژاوەگێری"بووە. ئەمرۆ هەینی 7.3.2015 کۆمیتەی رێکخستنی فینلاندی ناوەندی دەرەوەی فینلاند روونکردنەوەیەکی گشتیان بلاو کردۆتەوەکە بە پێویستم زانی چەند تێبینیەک لە سەر روونکردنەوەی ئەو دۆستانە بنووسم:

 

majid_-_roonkrdnawa_yakyati_2


1. هەر وەک تاک مافی خۆیەتی بیرورای خۆی دەرببڕێت، گرووپ‌و رێکخراوەکانیش مافی رەوایانە وەڵامی ئەو رەخنانەی ئاراستەیان کراوە بدەنەوە‌و روونکردنەوەی پێویست بدەنەوە. بێگومان هیچ راستیەک "حەقیقەتی ڕەها" نیە‌و هەرکەس راستیەکان لە روانگەی خۆیەوە دەبینێت، بۆیە رەخنەگرتن‌و دیالۆگی مەدەنیانە تەنیا رێگای بەرەوپێشچوونی کۆمەڵگاو کەمکردنەوەی هەڵە‌و نابەرەکیەکانی ناو کۆمەلگایە.

2. من یەکیەتی نیشتیمانی کوردستان وێرای هەموو رەخنەکانم لە بەرامبەری، هەمیشە بە یەکێک لە هێزە دیار‌و چارەنووسسازەکانی کوردستان زانیوە‌و بەرپرسانی پێشوو‌و دڵسۆزانی ناو یەکیەتی بە جوانی شاهیدی کار‌و چالاکیەکانی من‌و هاوکاری من لە گەڵ کۆمیتەی ئەو رێکخراوەیە بووە لە ماوەی بیست ساڵی رابردوودا‌و لەو پێوەندیەدا چ وەک هاونشتیمانیەکی ئەرکناس‌و چ وەک بەرپرسێکی ئەو کاتی حیزبی دێموکراتی کوردستانی ئێران، لە رادەبەدەریش هاوکاری ئەوانم کردووە.

3. هەروەک لە راگەیاندراوەکەی رێکخستنی کۆمیتەی فینلاندی یەکیەتیدا هاتووە، یەکیەتی رۆڵی هەبووە لە ئازادی رادەدربڕین‌و خەبات کردن لە پێناو دێموکراسی دا. کەچی هەر لەو راگەیاندراوەدا دەستیان بە هەڕەشەکردووە دۆسیەیان بۆ من ساز کردووە کە دەبێ بەپێی ئەو دادگا بکرێم‌و سزا بدرێم. هەرەشەی لەوچەشنە مرۆڤ وەبیر ئەو حکوومەتە تۆتالیترانە دەخات کە ئازادی رادەبڕین تەنیا لە چوارچێوەی بیرورای ئەواندە دەبێ ببێت.

4. هێروخان لە وتارێکدا لە مانگی دووی ساڵی رابردوو کە لە 14.2.2014 دا کاناڵی "تەلەڤیزیۆنی گەل"دا بڵاو کراوە دەنووسێت: "مام جەلال فێری کردین، رەخنەکان‌و وشەکان بە رەخنە‌و وشە وەڵام بدەینەوە‌و یەکیەتی لە سەر ئەم مەبدەئە دامەزراوە‌و هەر لە سەر ئەو رێبازەش بەردەوام دەبین." پرسیارم لە ئێوە دۆستانی یەکیەتی هەیە ئێوە کە خۆتان رێبواری رێبازی مام جەلال دەزانن، شێوەی وەڵامەکانتان بەو شێوەیە کە مام جەلال وتوویەتی؟

5. چەندین جار لە لایەن ئەندامانی یەکیەتیەوە‌و هەمیش لەو روونکردنەوەیەدا هاتووە کە گۆیا من بە هۆی کاری ناڕەوا‌و ناپاکی‌و بە قسەی خۆیان دزی لە حیزبی دێموکراتی کوردستانی ئێراندا دەرکراوم. لەو پێوەندیەدا بەداخەوە هەواڵی ناخۆشم بۆ دۆستانی کۆمیتەی فینلاندی یەکیەتی نشتیمانی هەیە: من هیچ کاتێک لە حیزبی دێموکراتی کوردستانی ئێران دەرنەکراوم‌و نەش لەو پێوەندیەدا تەنانەت سەرکۆنەش کراوم. لە کاری رێکخراوەییدا لەوانەیە هەڵەم زۆر کردبێت بەڵام ویژدانم لە بەرامبەر هەموو رابردووی سیاسیمەوە ئارامە‌و بێترسم لەو پێوەندیەدا‌و گەر قەرار بێت کەسێک لێکۆلینەوە بیرورای لەو پێوەندیەدا هەبێت ئەوا حیزبی دێموکرات‌و رێکخراوەکانی سەر بەو حیزبەن‌و ئەوان لە هەموو کەس چاکتر رابردوو‌و کارو کردەوەکانی من دەزانن. من لە گەلاوێژی ساڵی 2012 بەهۆی جیاوازی بیرورا لە گەڵ بەرپرسانی دەرەوەی وڵاتی حیزبی دێموکراتی کوردستانی ئێران لە مەڕ هاوکاری لە گەڵ رێکخراوەکانی سەربە "حیزبی دێموکراتی کوردستان" لە فینلاند‌و سزای بە کۆمەڵی کۆمیتەی حیزب لەو وڵاتە لە لایەن کۆمیتەی دەرەوەی وڵات حدکاوە دەستم لە کار کشاوە.

6. بە پێچەوانەی نووسراوەی کۆمیتەی فینلاندی یەکیەتی نیشتیمانی من لە ساڵی 1995لە لایەن ئاسایشەوە لە کۆیە نەگیراوم‌و ئەوکات جارێ هەرشاری کۆیەم نەبینیبوو. لەو رێکەوتە من لە لەندەن خەریکی خوێندن‌و هاوکاری رۆژنامەی ژینی نوێ بووم. من لە 27.7.2001 لە دەروازەی کۆیە لە تاکسیدا کە بەرەو هەولێر دەهاتمەوە بە هۆی کراسی زەردەوە گیراوم‌و جەریمەش کرام. ئەوکات کاتێک داوای بەڵگەم کرد هیچ بەڵگەیەکیان نەدا چونکە وتیان جارێکی دیکە پێت بە کۆیە ناکەوێت‌و هەر ئەوکاتیش مەسەلەکەم لە گەڵ بەرپرسانی ئەو کاتی یەکیەتی لە فینلاند باس کرد‌و گلەیی خۆمم پێیان راگەیاند لە مەڕ ئەو کردەوەیە.

روونکردنەوەی کۆمیتەی رێکخستنی یەکیەتی لە فینلاند بەهۆی رەخنەکانمەوە هەڕەشەی سزادانم دەکات‌و داوا لە ئاسایشی یەکیەتی دەکات بە هۆی ئەوەی کە نووسراوەکانم "هەڕەشەن لە سەر ئاسایش‌و ئارامی هەرێم" دەبێ بخرێمە ناو لیستی رەشی ئەو رێکخراوە. هەرەشەی لەسەر ئاسایش‌و ئارامی هەرێم دەتوانێت سزای مەرگی بەدواوە بێت. لەمەو بەریش چەندین جار لە لایەن ئەو دۆستانەوە بە شێوەی دەمەکی هەڕەشەم لێکراوە بەڵام هێندم وەرنەگرتووە. ئەو روونکردنەوەی دۆستانی یەکیەتی هەڕەشەی فەرمی حیزبێکە کە ئیدیعای دێموکراسی‌و ئازادی رادەبڕین دەکات‌و بۆیە لە هەگەری هاتنە پێشی هەرجۆرە کارەساتێک بەسەر من، یەکیەتی نشتیمانی کوردستان بە بەرپرس دەزانم. ئەوەش دەبێ بڵێم سەرەرای هەموو ئەو هەڕەشانە ئەرکی هەموومانە کار بکەین بۆ بەرزکردنەوەی "سەقفی" یەکگەیشتنی خۆمان‌و سینگفراوانی لە بەرامبەر رەخنەکاندا.

* هاوپێچ روونکردنەوەیەک بۆ رایگشتی لە لایەن یەکیەتی نیشتیمانی کوردستان، مەکتەبی رێکخستن، ناوەندی دەرەوە کۆمیتەی رێکخستنی فینلاندا، بەروار 7.3.2015

 

روونكردنه‌وه‌كه‌ی‌ یه‌كیه‌تی‌

majid_-_roonkrdnawa_yakyati_3


ناردن بۆ تۆڕه‌ کۆمه‌ڵایه‌تی‌یه‌کان
جاری خوێندراوه‌: 1551
بۆچوونه‌کان (0)Add Comment

نووسینی بۆچوون
بچووکردنه‌وه‌ی خانه‌ی بۆچوون | گه‌وره‌کردنی خانه‌ی بۆچوون

busy