هه‌ڵۆی کوردستان

-
هەڵە
  • JFolder::create: Could not create directory

مەترسیی وشك بوونی گۆلی ورمێ

پۆستی ئەلیکترۆنی چاپکردن

 elham_chaychi_-_goli_wrmeدرێژە پێدان بە دەربرینی نارەزایەتی بە هۆی كەمتر خەمیی كاربەدەستانی رژیم، لە لایەن خەڵكی ورمێ‌ و تەورێز و هێندێك لە شارەكانی دیكە هەروا بەردەوامە. كەمتر خەمی ‌و گرینگی نەدانی حكوومەتی ئیسلامی و سەركوتی خەڵكی نارازی، رۆژ لە دوای رۆژ خەڵكەكەی زیاتر هان دەدات كە كۆل نەدەن و بۆ دەربرینی بێزاریی خۆیان لە سیاسەتەكانی ئەم رێژیمە، درێژە بە خۆپێشاندانەكان بدەن. لە نێوبردن ‌و وشكاندنی یەكێك لە گەوەترین سێ‌ گۆلی خوێ‌ دونیا كە هەتا ئێستاش 60 لە سەدی وشك بووە، بۆ ژیانی نۆیك بە 13 میلیۆن لە خەڵكی ئێران مەترسیدارە. پسپۆرانی ئەم كێشەیە دەڵێن وشك بوونی گۆلی ورمێ‌ دەگەرێتەوە سەر ئەم چەند خالە: 1ـ دروست كردنی چواردە سەد و ئاوبەند لەسەر رووبارەكانی زەرینەروود و سیمینەروود. 2ـ درووست كردنی جادەی شەهید كەلانتەری (ئەم جادەیە بۆ نزیكتر كردنی رێگای نێوان تەورێز و ورمێ‌ و بە كەڵك وەرگرتن لە سیستمی خاكرێزی لە نێو ئاوی گۆل درووست كراوە) 3ـ زیاتر لە 20هەزار بیرلێدان لە دەورووبەری ناوچەی ورمێ‌.

مەترسیی وشك بوونی گۆلی ورمێ‌ تەنیا وشك بوونی زەوی كەشاوەرزیەكان نیە، بەلكوو تەندرووستی خەڵكی نیشتەجێی ئەو هەرێمەشەوە ئەكەوێتە مەترسی و درووست بوونی خوێڵێن بە هۆی وشك بوونی ئاوی گۆل و بڵاوبوونەوەی وردە خوێ‌ لە نێو هەوا، دەبێتە هۆی هێندێك نەخۆشیی مەترسیداری هەناسەیی.

لە حكوومەتە دێموكراتیكەكان دەولەتەكان ئەركدارن كە لە كاتی وەها كارەساتێك بە بەرنامە و پرۆگرامی دروست و كردەوەی سیستماتیك دەست بە كار بن و گرفتەكان چارەسەر بكەن. درووستە كە چارەسەركردنی كێشەی وشك بوونی گۆلی ورمێ‌ بابەتێك نیە كە بە یەكجار چارەسەر بكرێت و بارودۆخی ئێستای گۆلی ورمێ‌ ئاكامی یەك ریز لە بریاراتی نادروستی كاربەدەستانی نیزانی كۆماری ئیسلامیە و بە یەك شەو جێ‌بەجێ‌ نەبێت. بەڵام دەسەڵاتدارانی كۆماری ئیسلامی لە جیاتی وەڵامدانەوە بە نیگەرانیەكانی خەڵكی ناوچە، بە گازی ئەشكاوەر و دەستبەسەر كردن و فیشەك هەوڵا دەدات كە پێش بە نارەزایەتیەكان بگرێن.

سەید سەلمانی زاكر ئەندامی پارلمان، لە وتوێژێك لەگەڵا هەواڵنێریی فارسدا دەڵێت: "ئەمانە كە بە بیانوی وشك بوونی گۆلی ورمێ‌ دێنە سەرشەقامەكان هەموویان دژ بە ئینقیلابن. ئەگەر راست دەكەن و بۆ وشك بوونی ئەم گۆلە بە راستی ناراحەتن، بێن و یارمەتیی ماڵی بكەن هەتا بتوانین گۆلی ورمێ‌ دەرباز بكەین". (ئەمە حاشا هەڵنەگرە كە تەرخانی بوودجە بۆ ئەم شێوە كێشانە كاری حكوومەتەكانە نە خەڵك(.

حكوومەت زیاتر لەسەر ئەوە تەبلیغ دەكات كە گرفتەكە لە لایەن حكوومەتەوە نیە و كەمیی باران و وشكسالی بووە بە هۆی ئەم كارەساتە. بەڵام دوكتور عەلی محەممەدی، زەوی ناس و بەرپرسی لێكۆلینەوەكانی "لیمۆنۆلۆژی" گۆلی ورمێ‌ دەڵێ‌: لێكۆلینەوەی "لیمێنۆلۆژی"ی رێكخراوی زەوی ناسیی ئێران دەرخستووە كە لە ساڵی 2000 تا ئێستا لە ورمێ‌ بارینی باران نورماڵا و ئاسایی بووە و وشك بوونی گۆل پێوەندیدارە بەو ئاوبەندانەیە كە لەسەر رووبارەكانی سەر گۆلی ورمێ‌ سازكراون.

 


 

ناردن بۆ تۆڕه‌ کۆمه‌ڵایه‌تی‌یه‌کان
جاری خوێندراوه‌: 1588
بۆچوونه‌کان (0)Add Comment

نووسینی بۆچوون
بچووکردنه‌وه‌ی خانه‌ی بۆچوون | گه‌وره‌کردنی خانه‌ی بۆچوون

busy