هه‌ڵۆی کوردستان

-
هەڵە
  • JFolder::create: Could not create directory

خەندەكانت بۆ هەمیشە هاوڕێمانن

پۆستی ئەلیکترۆنی چاپکردن

 shahid_loqman_qazi_-_kayhan_yousfiدەرگا كراوەیە

ژوورە هەژارەكەی پەل

بێ دەنگ و بە تاسەیە

جەعفەر ،رەحیم

داریووش،

فەردین و خوراسانی

چاوەڕوانی هاتنەوەتن

ئێوارەیە و

بۆدەبێت ئیتر بڕوا بكەین نەهاتنت

ئیمان بێنین بە نەمانت

دەرگاكەی پەل كراوەیە

قوڵتەی كتریەكی رەش

چەن ئیسكانێكی زووخ لێ نیشتوو

و كۆڕی پێشمەرگە و

هاوڕێیەك

كە دەبێت ئیتر بڕاو بكەین بۆ هەمیشە سەردانمان ناكات

"لوقمانی قازی "

گیرفانەكانی هەمیشە پڕ لە شادی

لێوی هەتاوێكی پڕ لە خەندە

رۆحی مەزن وەك كێلە شین

دڵی گوڵە سوورەی شاخ

جەستەی پەپوولەیەك رۆح سووك و

بوونی زەریایەك خۆشەویستی

ئاوابوونت

چ نەهات و

لە كۆڕی دۆستان

پێكەنین ئۆجاغ كوێر.

دەرگای پەلمان كراوەیە

كۆڕی پێشمەرگە بێ دەنگ و

چەن هاوڕێیەك

كە تا هەتایە

چاوەڕوانی

سەردانێكی دووبارەتن

نەهاتنت

راستیەك و

ئێمە بڕیارمان دا

بڕوا نەكەین

خەندەكانت بۆ هەمیشە هاوڕێمانن

خۆشەویستیت تاهەتایە لە گەڵمانە

هەر سرەوەیەك دڵە خەمبارەكان ببزۆێنێ و شادیان بكات

تۆش لەوێ هەیت

هەر هەتاوێك زەردەخەنە بخاتە سەر لێوی گوڵێك

تۆش لەوێ هەیت

هەر بارانێك لێوی تینووی مەزاریەك ئاودێر بكات

تۆش لەوێ هەیت

تۆ لوقمان گیان

تا هەتایە دڵی پڕ لە برینی ئێمە میوانداریت لێ دەكات و

دڵنیا بە

بۆ هەمیشە لە گەڵمانی و

وانەی هیوامان بۆ دەڵێت

بۆ هەمیشە لە گەڵمانی

بۆ هەمیشە ...

 

 

ناردن بۆ تۆڕه‌ کۆمه‌ڵایه‌تی‌یه‌کان
جاری خوێندراوه‌: 1510
بۆچوونه‌کان (0)Add Comment

نووسینی بۆچوون
بچووکردنه‌وه‌ی خانه‌ی بۆچوون | گه‌وره‌کردنی خانه‌ی بۆچوون

busy