هه‌ڵۆی کوردستان

-
هەڵە
  • JFolder::create: Could not create directory

مه‌لاحه‌سه‌ن شێوه‌سه‌ڵی‌: دەستی نێو خۆیی بە سات‌و سەودا بووه‌ هۆی‌ به‌ستنی‌ په‌روه‌نده‌ی‌ دوكتور قاسملوو

پۆستی ئەلیکترۆنی چاپکردن

 هه‌ڵۆی‌ كوردستانلە یادی ٢٥مین ساڵەی شەهیدبوونی سكرتێری‌ گشتیی‌ حیزبی دێموکراتی کوردستانی ئێران دوکتور عەبدولڕەحمان قاسملوو، سەرلە بەیانیی رۆژی هەینی رێکەوتی٢٠ی پووشپەڕی ١٣٩٣ی هەتاوی کۆبوونەوەیەکی به‌رین به‌ به‌شداری‌ سه‌دان كه‌س بۆ ده‌ربڕینی‌ ناڕه‌زایه‌تی‌ لە ناوەندی شاری ستۆکهۆڵمی پێته‌ختی‌ سۆئێد بەڕێوەچوو.

 

soed_-_pdki_-_1_12

 

ئەو كۆبوونەوەیە بە بەشداری بەشێک لە دۆستان، ئەندامان‌و لایەنگرانی حیزبی دێموکراتی کوردستانی ئێران، دانیشتووی باكووری‌ ئورووپا (سوێد، نوروێژ، دانمارک‌و فینلاند) بە مەبەستی پێداگری لەسەر رێبازی شۆڕشگێڕانە‌و ئازادیخوازانەی دوکتۆر قاسملوو‌و مەحکووم کردنی ماهییەتی راستەقینەی تیرۆریزمی دەوڵەتیی رێژیمی ئیسلامیی ئێران رێکخرابوو.

لەو رێپێوانەدا ژمارەیەکی بەرچاو لە نوێنەرانی پارت‌و لایەنە سوێدی‌و کوردستانییەکان‌و هەروەها ژمارەیەک لە رێکخراوە کولتوورییەکان بەشدار بوون.

رێپێوانەکە سەرەتا بە خوێندنی سروودی نەتەوەیی ''ئەی رەقیب''‌و راگرتنی خولەکێک بێ دەنگی بۆ گیانی پاکی شەهیدانی رێگای رزگاریی کوردستان لە مەیدانی "سێرگێلس تۆرگ" دەستی پێ کرد‌و دواتر لەلایەن ''ئەنوەر کاکایی'' بەرپرسی کۆمیتەی حیزبی دێموکراتی کوردستانی ئێران لە وڵاتی سۆئێد وەک کۆمیتەی خانە خوێ بە خێرهێنانی میوانان کرا.

 

soed_-_pdki_-_1_4


پاشان هاوڕێ''مامۆستا مەلا حەسەن شیوەسەڵی'' ئەندامی ئیفتخاریی کۆمیتەی ناوەندیی حدکا چەند وتەیەکی پێشكه‌شی‌ ئامادە بووان کرد. شەهیدی زیندووی حیزب کاک مەلا حەسەن کەسایەتی، رۆڵی دوکتور قاسملووی لە سەر بزاڤی رزگاریخوازی کوردستان بۆ ئامادەبووان شرۆڤە کرد‌و قورسایی سەروەر‌و سالاری شەهیدانی لە سەر مێژووی کورد بێ نموونە وەسف کرد. ئەو بەڕێزە جەختی لە سەر ئەوە کردەوە دۆسیەی دوکتوور قاسملوو ئەگەر لە کاتی خۆی دا کاری بۆ کرابا رەنگ بوو بە هۆی تازەیی کارەساتەکە، تاوانباران بە سزای خۆیان گەیشتبان بەڵام هێندێک دەستی نێو خۆیی بە سات‌و سەوا تۆزی فەرامۆشیان بە سەر ئەو مەسەلەیە داکرد‌و ئاکامەکەی بۆتە ئەوە ئێمە دوای چارەگە سەدەیەک ئەوڕۆ لێرە کۆبووینەوە‌و بۆ ئەوەی سەر لە نوێ دۆسییەکە بکرێتەوە.

پێویسته‌ بگوترێ‌ كه‌ پێده‌چێ‌ ئاماژه‌ی‌ به‌ڕێز مه‌لا حه‌سه‌ن شێوه‌سه‌ڵی‌ به‌ كاتی‌ سكرتێری‌ به‌ڕێز عه‌بدوڵڵا حه‌سه‌ن زاده‌ بێ‌.

 

soed_-_pdki_-_1_6


پاش وتەکانی شێوەسەڵی پەیامی رێبەری حیزبی دێموکراتی کوردستانی ئێران لە لایەن ''مەنسوور عەزیزی'' بەرپرسی تەشکیلاتی حیزبی دێموکرات لە دەرەوەی وڵات پێشکەش کرا.

لە درێژەدا ئەم پەیام‌و وتارانە پێشکەش کران:

 

soed_-_pdki_-_1_5


پەیامی کۆمەڵەی شۆڕشگێڕی زەحمەتکێشانی کوردستانی ئێران، له‌لایه‌ن به‌ڕێز سالار ئاشناگەر

پەیامی کۆمیتەی هاوکاریی هێزە سیاسییە کورد‌و کوردستانییەکان لە وڵاتی سوید، له‌لایه‌ن به‌ڕێز عەتا بانەیی

پەیامی تۆماس هامربێری ، کەسایەتیی دیاری سوێد‌و دۆستی دوکتور قاسملوو

پەیامی فێدراسیۆنی کۆمەڵە کورد‌و کوردستانییەکان لە سوێد، سووسەن گۆڤەن

وتاری خاتوو ماریا لەیسنر نووسەر

پەیامی کۆنگرەی نەتەوەکانی ئێرانی فێدراڵ

وتاری کریستینا کۆیڤۆ نووسەر‌و دۆستی دوکتوور قاسملوو

خوێندنەوەی پارچە هۆنراوەیەک لەلایەن مەلا محەمەد بەگزادە

 

soed_-_pdki_-_1_8


ئامادە بووانی كۆبوه‌ونه‌وه‌‌ ئێعتێرازیه‌كه‌ لە درێژە دا لە شوێنی کۆبوونەوەکەوە بەرەو پارلمانی سۆئێد کەوتنە رێ‌و بە درووشم دان بە دژی کۆماری ئیسلامی ئەو مەودایەیان تێپەڕ کرد. خاڵی سەرەنج راکێش ئەوەبوو لە بەرامبەر پارڵمانی سۆئێد ئاڵای نگریسی رژیمی پەهلەوەی بۆ چەند چرکەیەک بەرز کرایەوە کە دوای ئیعترازی ژمارەیەک لە ئەندامانی حیزب، ئاڵاکە تێکەوەپێچرا. لە برگەی کۆتایی دا پاش گردبوونەوەیان لە بەردەرگای پارلمان، داخوازی نامەیەکیان رەوانەی نوێنەرایەتیی پارلمانی ئورووپا لە سوێد کرد.

 

soed_-_pdki_-_1_10


پێویسته‌ بگوترێ‌ كه‌ ئه‌و كۆبوونه‌وه‌ به‌رینه‌ حیزبی‌ دێموكراتی‌ كووردستانی‌ ئێران پێكی‌ هێنابوو‌و خه‌ڵكێكی‌ زۆری‌ سوئێدی‌ به‌رده‌وام فیلم‌و وێنه‌یان هه‌ڵده‌گرت‌و زۆر كه‌سیش پرسیاریان له‌ ئه‌ندامانی‌ حیزب سه‌باره‌ت به‌و مه‌سه‌له‌ ده‌كرد‌و هه‌روه‌ها سه‌دان لاپه‌ڕه‌ نووسراوه‌یه‌كی‌ تایبه‌ت له‌سه‌ر دوكتور قاسملوو به‌ زمانی‌ ئینگلیسی‌ درایه‌ ده‌ست سوئێدییه‌كان‌و ئه‌م كۆبوونه‌وه‌ به‌رفراوانه‌ سه‌رنجی‌ میدیا‌و خه‌ڵكێكی‌ زۆری‌ به‌لای‌ خۆیدا راكێشابوو.

soed_-_pdki_-_1_1

 

راپۆرت‌و وێنه‌: هه‌ڵۆی‌ كوردستان

 

ناردن بۆ تۆڕه‌ کۆمه‌ڵایه‌تی‌یه‌کان
جاری خوێندراوه‌: 1490
بۆچوونه‌کان (0)Add Comment

نووسینی بۆچوون
بچووکردنه‌وه‌ی خانه‌ی بۆچوون | گه‌وره‌کردنی خانه‌ی بۆچوون

busy