هه‌ڵۆی کوردستان

-
هەڵە
  • JFolder::create: Could not create directory

قاسملوو‌و رێبەریی ستراتێژی

پۆستی ئەلیکترۆنی چاپکردن

majid_-_web_-_taybet_1پێشکەش بە

25مین ساڵڤەگەری تیرۆری دکتۆر قاسملوو هاورێیانی

وتارى 2


گۆڕانی کۆمەڵگا جیاواز لە گۆڕانی حیزبەکان‌و تەنانەت دەوڵەت نیە. لە کەس شاراوە نیە کە سەرکەوتنی حیزبەکان‌و گەشەسەندنی رێکخراوەیی، پێشکەوتنی میدیایی‌و پێوەندیە کۆمەڵایەتیەکانیان شوێندانەرە لە سەر ئاستی هەستی بڕوابەخۆبوونی کۆمەڵگای کوردستان‌و پێشکەوتنی کۆمەڵایتی – سیاسی‌و ئابووریی نیشتیمانی.

بە لەبەرچاو گرتنی ئاسەواری خراپی ناسیۆنالیزمی کۆنباو نەریتی دەیەکانی پەنجای زایینی لە کوردستان‌و سێکتاریزم‌و تەکرەوی حیزبەکانی چەپی ئێران بە سەر رەوتی گەشە سەندنی بزاڤی نەتەوایەتی کورد لە رۆژهەڵاتی کوردستاندا قاسملوو لە ساڵەکانی سەرەتای رێبەری خۆیدا لانی کەم دوو دیاردەی گرنگی بۆ حیزبی دێموکراتی کوردستانی ئێرانەوە وەدی هێنا کە ئاسەواری ئەو ئەمرۆش لە سەر حیزبی دێموکراتی کوردستانی ئێران دەبیندرێت‌و لە زۆر بوارەوە ئەو حیزبە سەرەرای کەموکۆریەکانی بەسەردا سەپاو بەهۆی ژینگەی سیاسی ئێستای کوردستان‌و ئێران هەروەها تەنگەژەی رێبەری (بحران رهبری) لە ناو بزاڤی کورد بە گشتی‌و لەناو حیزبی دێموکراتدا بەتایبەتی – لە پارت‌و رێکخراوەکانی دیکەی کوردستان جیا دەکاتەوە. قاسملوو وەک یەکەم هەنگاو حیزبی دێموکراتی بەرەو سەربەخۆیی سیاسی‌و رێکخراوەیی رێبەری کرد‌و بەوە فەلسەفەی باوەر بە خۆبوون. سەربەخۆیی مرۆڤ وەک تاک‌و وەک بەشێک لە کۆمەڵگا کە پێوەندیەکانی لە گەڵ جیهانی دەرەوە لە سەر بنەمای بەرژەوەندی باڵای نەتەوایەتی‌و لە چوارچێوەی بناغە ئەخڵاقیەکانی رەوشتی سیاسی‌و رێزگرتن لە کەڕامەتی مرۆڤ‌و بەها مرۆڤانیەکان بوو. هەنگاوی دیکەی قاسملوو لە کۆنگرەی شەشەمی حدکا دا وەڵام دانەوە بەو پرسیارە بوو: کە گەر بێت‌و مافی دیاری کردنی چارەنووس کە ئەوکات لە دروشمی "خودموختاری"دا خۆی دەنواند جێبەجێ کرا، ئەرک‌و رەساڵەتی حیزب چی دەبێت‌و چۆن کۆمەڵگا بەرەو سەر مەنزڵی بەختەوەری‌و پێشکەوتن رێبەری بکات. هەڵبژاردنی سۆسیالیزمی دێموکراتیک وەک ئامانجی دوارۆژی حیزب نە تەنیا دیاری کردنی ستراتێژی درێژخایەنی ئەو حیزبە بوو، بەڵکوو دیاری کردنی ئەرکێکی ئەمرۆییش بوو بۆ ئەوەی خەباتی نەتەوایەتی لە کوردستان تەنیا یەک رەهەندی ناسیۆنالیستی نەبێت‌و پرسە جڤاکی‌و کۆمەڵایەتیەکانیش وەک پرسی ژنان‌و نەریتە کۆنباوەکانی کوردستان هاوشانی خەبات بۆ رزگاری نەتەوە بەرەو پێش ببردرێت. هەرچەند بەداخەوە ئەو رەهەندە لە خەباتە دوای تیرۆری قاسملوو‌و شەرەفکەندی پەراوێز خراوە. هەوڵی قاسملوو ئەوە نەبوو پێوەندیە کۆن باوەکان بپارێزێت‌و کۆمەڵگا وەک خۆی بمێنێت‌و رەوشی "مەوجوود" ببێتە بنەمای پێوەندیەکانی ناو خۆی حیزبی. بۆ ئەوەی حیزب بتوانێت کوردستانی بێت‌و ئەندامانی حیزب کوردستانی بیر بکەنەوە، یەکێک لە بزاڤە هەرە گرنگەکانی قاسملوو هەولدان بۆ خاشەبەڕ کردنی دیاردەی نێپۆتیزم (خزمگەرایی‌و ناوچەگەرایی) لە ناو حدکا دا بوو دیاردەیەک کە لە ساڵانی رێبەری ئەودا بەرە بەرە جێی خۆی دەدایە، شایستە سالاری‌و رێبەریی تواناییەکان - هەر بەداخەوە دوای شەهید بوونی، حیزبی دێموکرات راست بە نەخۆشی نیپۆتیزم بەچۆکدا هات‌و هەلی گەشە سەندنی لێی ئەستێندرایەوە.

 

majid_-_qasimlu_-_2_-_2


هەموو ئەو دامودەزگایانەی کە لە سەردەمی دکتۆر قاسملوودا لە ناو حدکا دا دەمەزران، بۆ وەڵامدانەوە بە پرسیارگەلێکی درێژخایەن‌و پەروەردەی کادر‌و شارەزا بۆ بوارە جۆراوجۆرەکانی پێوەندیدار بە ژیانی رێکخراوەیی‌و ئیداری حیزب‌و کۆمەڵگا بوو. نزیک بوونەوەی قاسملوو بۆ پرسەکان نزیکبوونەوەیەکی ستراتێژیک بوو‌و مێتۆدی رێبەری ئەو "رێبەریی ستراتێژی" بوو. بە خوێندنەوەیەکی خێرای کورتە باسێک لە سەر سۆسیالیزم، دەتوانین بەو ئاکامە بگەین کە لە روانگە قاسملوودا کاری رێکخراوەیی‌و حیزبی سیاسی گەشە کردنی ستراتێژیە (crafting strategy). ستراتێژی بریتیە لە پلانێکە بۆ داهاتوو کە هێزی خۆی لە ئەزموونەکانی رابردوو‌و خەونەکانی داهاتوو وەردەگرێت. ستراتێژی پلانێکە، کە ئامانجە سەرەکیەکانی رێکخراو‌و جۆری هەڵسوکەوتی سیاسی‌و رێکخراوەیی پێکەوە گرێ دەدات. ستراتێژیەک کە بە جوانی دامەزرابێت دەتوانێت ببێتە هۆی پێکهێنانی هەلی پێشکەوتن‌و گەشە سەندنی رێکخراو‌و توانایی رێکخراو بۆ بەرەورووبوونەوە لە گەڵ لێگەر‌و چالشەکان بەرز دەکاتەوە.

دەڵێن بۆ ئەوەی پێشبینی داهاتوو بکەیت، پلانی بۆ برێژە. بەو پێیە لە ماوەی ژیانی خۆیدا وەک رێبەرێک، قاسملوو کۆمەڵێک پرسیاری گرنگی ستراتێژیک هێنایە ناو بزاڤی نەتەوایەتی کورد، کە وەڵامدانەوەی بەوان کورت‌و کورمانجی گرینگترین ئەرکەکانی رێبەرایەتی حیزبی دێموکراتن:

1. دیاری کردنی ئاسۆی بزووتنەوە‌و حدکا لە رۆژهەڵاتی کوردستان‌و بە پێی ئەو دیاری کردنی ئامانجەکانی دوور‌و نزیکی حیزب‌و شی کردنەوەی ئەرکەکانی ئەمرۆی بزاڤ؟

2. پێشبینی گۆرانکاریەکانی ژینگەی چالاکی حیزب: چاوەروانیەکان لە داهاتوو‌و سیناویۆکانی ژینگەی ژیانی سیاسی

3. هێلەگشتیەکانی پێوەندیدار بە ستراتێژی‌و ئامانجی داهاتووی حیزبی دێموکرات. بەو واتایە کە ئامانجە درێژخایەنەکانی حیزب کە رێکخراو بۆ خۆی دەروەست بکات.

4. دیاری کردنی بەرنامەکانی کورتخایەنی گەشە سەندنی رێکخراوەیی‌و سیاسی حیزب. داڕشتنی پلانی ئۆپێراتیڤ بە پێی رەوشی ئەمرۆ‌و پێشبینی ئاڵترناویتەکانی چالاکی بۆ داهاتوو‌و بەرنامەرێژیان

5. گۆڕانی جۆری چالاکی‌و هەلسوکەوتی حیزبی‌و گونجانی چالاکی حیزب لە گەل ستراتێژی‌و ئامانجە درێژخایەنەکان‌و لەبەرچاوگرتنی پێویستی نەوە جۆراوجۆرەکان.

وەک دوا قسە ئامانجی قاسملوو پێکهێنان‌و داڕشتنی ستراتێژیەک بوو، کە لەودا شێوەی کار‌و سیناریۆکانی ناوچەیی‌و ئامانجی دواڕۆژ پێکەوە هاوگونج بن‌و هەلومەرجی نەوەکانی بەشدار لە خەبات لە بەرچاو بگیرێت‌و بەشداریان بدات لە رەوتی بڕیارداندا.


بابه‌تی‌ پێوه‌ندیدار:

قاسملوو رێبەرێک کە سیمای مرۆڤی بە حیزبێکی نەریتی بەخشی (وتاری‌ یه‌كه‌م)

 

ناردن بۆ تۆڕه‌ کۆمه‌ڵایه‌تی‌یه‌کان
جاری خوێندراوه‌: 1353
بۆچوونه‌کان (0)Add Comment

نووسینی بۆچوون
بچووکردنه‌وه‌ی خانه‌ی بۆچوون | گه‌وره‌کردنی خانه‌ی بۆچوون

busy