هه‌ڵۆی کوردستان

-
هەڵە
  • JFolder::create: Could not create directory

مافی مرۆڤ له‌ ئێران گه‌مه‌ی بن ده‌ستی مه‌لاکانی کۆماری ئیسلامیه‌

پۆستی ئەلیکترۆنی چاپکردن

له‌ ئێران هه‌رکه‌سێک جیابیر بێ، له‌ ژێر ئه‌مرو نه‌زه‌ری کۆماری ئیسلامی ئێران دا نه‌بێ وه‌کو هاووڵاتیه‌ک سه‌یری ناکرێت و ده‌خرێته‌ ژێر په‌راوێزه‌وه‌ و به‌ چاوێکی گوماناویه‌وه‌ چاوی لێ ده‌کرێ. لەبه‌ر ئه‌وەی‌ له‌ ئێراندا دێموکڕاسی نه‌ک هه‌ر نی یه‌ بەڵکو به‌ قسه‌ش باسی لێوه‌ ناکرێ. هه‌روه‌ها حکومه‌ته‌که‌شی دێموکرات په‌روه‌ر نیه‌و له‌گه‌ڵ دێموکڕاسییه‌ت و دێموکڕاتیه‌تدا نا ته‌بایه‌.

 

ismaeil_ali_moradi_-_logo_-_2


هه‌ر بۆیه‌ هه‌ر هاو وڵاتیه‌ک دژی کۆماری ئیسلامی هه‌ڵسووکه‌وت بکاو پێچه‌وانه‌ی سیاسه‌ته‌کانی ئه‌وان ڕای جیاوازی هه‌بێت، ڕوو به‌ ڕووی ئه‌نواع و ئه‌قسام شکه‌نجەهایی جۆراو جۆر ده‌بێته‌وه‌، وه‌کو شکه‌نجه‌ی ڕووحی و ده‌روونی، جسمی، زیندانی، ته‌جاو‌زو ئیعدام، که‌ ئه‌وانه‌ش هه‌موویان دوورن له‌ ئه‌خلاقی به‌ شه‌رییه‌ت و دژی بنه‌مای جاڕنامه‌ی مافی مرۆڤن.

ژنان مافه‌کانیان پارێزراو نین و به‌ بەهانه‌ی جۆراو جۆرو غه‌یره‌ ئینسانیەوه‌، وه‌ک نه‌ پۆشینی حیجاب، قژده‌رکه‌وتن، به‌ ته‌نیا چون بۆ ناو بازاڕو ڕه‌عایه‌ت نەکردنی مه‌رجه‌کانی ئیسلام، ئازارو ئەشکه‌نجه‌ ده‌کرێن و ڕاپێچی زیندان و چاڵه‌ ڕه‌شه‌کانی ژێر دەسەڵاتی کۆماری ئیسلامی دژەئینسانی ده‌کرێن. ته‌نانه‌ت زۆر یه‌ک له‌ ژنان و ئافره‌تان ده‌بردرێنه‌ ژێر جۆخه‌ی داری ئیعدام و بۆ هه‌تا هه‌تایه‌ گیانیان لێ ده‌ستێندرێت. لێره‌دا بەته‌واوی دەردەکەوێ که‌ مافی مرۆڤ له‌ ئێران گه‌مه‌ی بن ده‌ستی مه‌لاکانی کۆماری ئیسلامیه‌. ئه‌وه‌ له‌ کاتێکدا له‌ وڵاتانی ئازاد و ئوروپایی کە مافی مرۆڤ وه‌کو ئه‌سڵێک کاری پێده‌کرێ و ڕێزی لێده‌گیرێ، له‌و وڵاتانەدا ژن و پیاو مافی وه‌کو یه‌کیان هه‌یه‌و خۆیان بڕیارده‌رن له‌ سه‌ر ژیانی خۆیان و که‌س ناتوانێ له‌سه‌ر بیرو بۆچون و هزرو ئیده‌ی جیاواز بێحورمه‌تیان پێ بکات.

له‌و وڵاتانەدا دێموکڕاسی سه‌قامگیره‌و ئه‌و خه‌ڵکانه‌ی که‌ له‌ ده‌سه‌ڵات دا بەشدارن، دێموکڕاتن و ئیمانیان به‌ دێموکڕات بوون هه‌یه‌. هه‌ر بۆیه‌ له‌ کۆمه‌ڵگەی ئوروپادا مافی تاک پارێزراوه‌ و پێش له‌ بیرو بۆچونی جیاواز ناگیرێ. حکومه‌ته‌کانی ئوروپا نه‌ک هه‌ر مافی تاکی کۆمه‌ڵگە پێشێل ناکه‌ن به‌ڵکو ڕێگا به‌ تاکی ناو کۆمه‌ڵگه‌ی خۆیان نیشان ده‌ده‌ن که‌ چۆن و به‌ چ شێوه‌یه‌ک دیفاع له‌ مافه‌کانی خۆی بکات.

به‌ڵام له‌ ئێران تاکه‌کانی کۆمه‌ڵگە به‌ هۆی بیرو بۆ چونی جیاواز زیندانی هەتاهەتاییەو ئیعدام و ئیعدام و ئیعدام ده‌کرێن. زۆربەی ئەوانەی کە اعدام، زیندانی، ئازار و ئەشکەنجە دراون لە کەمە نەتەوەییەکان، کەمە ئایینیەکان، خەباتکارانی مافی مرۆڤ، ئازادیخوازان و دێموکراسی خوازانن.

به‌ڵام هێندێک جار حکومه‌تی جمهوری ئیسلامی ئێران بۆ چه‌واشه‌کردن و به‌ لارێدا بردنی بیرو بۆچونی کۆمه‌ڵگەی ڕۆژئاوا باس له‌ جاڕ نامه‌ی مافی مرۆڤ و مافی کۆمه‌ڵگەی ئێران و هەڵبژاردنی ئازاد بۆ سەرۆک کۆماری ده‌کا. به‌ڵام هه‌رکه‌سێک له‌ ئێران نه‌ژیت نازانێ که‌ کۆماری ئیسلامی چه‌نده‌ دژی بەشه‌ریه‌ت و مرۆڤ و مافه‌کانی مرۆڤه‌.

 

ناردن بۆ تۆڕه‌ کۆمه‌ڵایه‌تی‌یه‌کان
جاری خوێندراوه‌: 970
بۆچوونه‌کان (0)Add Comment

نووسینی بۆچوون
بچووکردنه‌وه‌ی خانه‌ی بۆچوون | گه‌وره‌کردنی خانه‌ی بۆچوون

busy