ئێمه‌ بیست و پێنج سواره‌که‌ی گه‌لاوێژین!

بیست و پێنج ئاهه‌نگی به‌ تام و به‌ چێژین

بیست و پێنج چینو توێژو ڕاو ڕاوێژین

بیست و پێنج هەزار پێشمه‌رگه‌ی دژی خوێن ڕێژین

ئێمه‌ بیست و پێنج سواره‌که‌ی گه‌لاوێژین

دژی نه‌زانی و داگیرکه‌ر و گێل و گێژین

ڕێگا ناده‌ین جارێکی که‌ داگیرکەران

پێمان بڵێن، خاکتان به‌ بێژن ئه‌بێژین

ئێمه‌ بیست و پێنج سواره‌که‌ی گه‌لاوێژین

مافی ڕه‌وای خۆمان ئه‌وێ زۆر نایەژین

وه‌سێتی پێشه‌وامانه‌ گۆڵتان ناخۆین

یەک دەگرین جەستەی دیکتاتۆر ده‌نێژین

ئێمه‌ بیست و پێنج سواره‌که‌ی گه‌لاوێژین

دۆستی عیلم و،دژی شه‌ڕخواز و خۆێنژین

هاتووین په‌یامی ئاشتیتان بۆ بهێنین

سروودی برایەت و پێکەوە ژیان بێژین!

ئێمه‌ بیست و پێنج سواره‌که‌ی گه‌لاوێژین!

وه‌ڤدێکی چاره‌نووس سازین، بۆ حه‌ق توێژین!

ده‌بینه‌ بارانی ڕه‌حمه‌ت بۆ نیشتمان

فرمێسکی شادی به‌سه‌ر گه‌لدا ده‌ڕێژین

ئێمه‌ بیست و پێنج سواره‌که‌ی گه‌لاوێژین

بۆ نه‌وه‌ی کورد، فه‌رزتر له‌ ئیش و له‌ نوێژین!

هاوبیرمان بن،هاوڕێمان بن، بۆ سه‌رکه‌وتن

با پێکه‌وه‌ کۆسپی دوو ڕووی بنێژین!!!

ناردن بۆ تۆڕه‌ کۆمه‌ڵایه‌تی‌یه‌کان

بۆچوونه‌کان (0)

ناو

ئیمه‌یل

بۆچوون

بچووکردنه‌وه‌ی خانه‌ی بۆچوون | گه‌وره‌کردنی خانه‌ی بۆچوون

خوێندمه‌وه‌ ‌ و ڕازیم به‌ مه‌رجه‌کانی به‌کارهێنان

بۆچوون زیاد بکه‌ پێشبینین